POP 5

Lajmet më të lexuara të 5 minutave të fundit

Sport

Napoli mund Romën, Milani i bën presion Interit! Në Spanjë nuk gabojnë Barça e Atletico

Napoli mundi 2-0 Romën dhe mori pikë të rëndësishme për zonën Champions. Milani fitoi 3-2 me përmbysje ndaj Fiorentinës dhe i bën presion Interit kryesues. Ndërsa nuk gabuan Barcelona dhe Atletico në Spanjë. 

Dries Mertens i shënon dy gola Romës dhe kap kuotën e 100 golave në Serinë A. Napoli arriti fitoren e tretë radhazi në kampionatin italian duke surprizuar me fitoren 2-0 ndaj Romës në “Olimpico”. Pikë jetike për skuadrën e Gatusso-s që erdhën falë dygolëshit shumë të bukur të shënuar që në pjesën e parë nga belgu Mertens. Napoli i afrohet e Roma i largohet zonës Champions.

Ndërkaq Milani nuk dorëzohet në garën për titullin kampion. Kuqezinjtë fituan 3-2 me përmbysje ndaj Fiorentinës dhe i bëjnë presion Interit kryesues duke u afruar në 6 pikë megjithëse Interi ka një ndeshje më pak. Ibrahimovic kaloi Milanin në avantazh por vjollcët barazuan me Pulgar e madje kaluan në avantazh në fillimin e pjesës së dytë me Ribery. Por Milani nuk u dorëzua dhe në minutën e 57-të barazoi me Brahim Diaz e më pas shënoi golin e fitores në minutën e 73-të me Calhanoglu. Milani konsolidon vendin e dytë me 4  pikë më shumë se Juventusi që u mund nga Benevento.

Në javën e 28-të në La Liga ekipet kryesuese nuk gabuan. Barcelona u rikthye si në kohët e arta dhe luajti tenis me Real Sociedad duke fituar 6-1 në transfertë. Nga dy gola shënuan Dest e Messi dhe një herë e tundën rrjetën Griezmann e Dembele.

Katalanasit mbetën sërish të dytët pasi Atletico Madrid e fitoi ndeshjen me Alavesh 1-0 falë golit të Luis Suarez. Oblak priti penallti në fund që ishte si pritja e titullit. Atletico kryeson me 4 pikë më shumë se Barça e 6 më shumë se Reali/ Përgatiti: Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Koha për të përforcuar marrëdhëniet duke treguar ndjenjat me sinqeritet, horoskopi për sot

Koha për të përforcuar marrëdhëniet duke treguar ndjenjat me sinqeritet, horoskopi për sot

5 Nëntor, 07:09