Sport

Napoli nderon Luciano Spallettin

Trajneri Luciano Spalletti do jetë nga data 7 dhjetor "Qytetar Nderi" i Napolit.

Luciano Spalletti

Redaksia 30 Nëntor 2023, 20:09 | Përditesimi: 30 Nëntor 2023, 20:11

Trajneri Luciano Spalletti do jetë nga data 7 dhjetor "Qytetar Nderi" i Napolit. Spalletti i çoi të kaltrit në titullin e tyre të parë në Serie A pas 30 vitesh në sezonin e kaluar dhe tani është trajner i kombëtares së Italisë, duke siguruar kualifikimin për Euro 2024.

Sot u mbajt një votim që konfirmoi se Spalletti do të fitojë titullin "Qytetar Nderi" i Napolit, të cilin do ta marrë më 7 dhjetor. Ndërkohë, kryebashkiaku Gaetano Manfredi iu përgjigj edhe protestave të presidentit De Laurentiis , i cili dje siguroi se nëse politikani mbështetës i Juventusit do t'i shiste stadiumin "Diego Armando Maradona", brenda një viti do ta bënte atë arenën më të mirë në Itali.

“Ne jemi shumë të kënaqur që klubi dëshiron të investojë në stadium”, u përgjigj Manfredi. “Nëse ai paraqet një projekt konkret, me investime reale dhe me afate të besueshme, ne do ta vlerësojmë propozimin. Janë dy kushte të rëndësishme, duhet të jetë një stadium me karakteristikat për të pritur gara ndërkombëtare si Europianin dhe me dimensione që u mundësojnë napolitanëve të shkojnë në stadium.

LEXO EDHE:
Interi propozon shkëmbimin e Kristjan Asllanit me talentin e Serie A

Ne duhet të mbrojmë të drejtat e qytetarëve dhe tifozëve. Një stadium shumë i vogël dhe i shtrenjtë do të përjashtonte shumë nga mundësia për të ndjekur ndeshjet. Nëse propozimi është në interes të qytetarëve, do ta shikojmë", tha kryebashkiaku i Napolit.

S.Dh/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com