POP 5

Lajmet më të lexuara të 5 minutave të fundit

Sport

Napoli nënkampion i Italisë, garë e ashpër për Championsin

Napoli mposhti 2-1 me përmbysje Kaljarin dhe siguroi matematikisht vendin e dytë në Serinë A. Ndërkaq gara për dy vendet e mbetura të zonës Champions është e ashpër pasi luftojnë  5 ekipe. Atalanta po bën surprizën e madhe ndërsa Milani sonte ndaj Bolonjës luan shansin e fundit.

Napoli nënkampion i Italisë, garë e ashpër për Championsin

Lorenzo Insigne feston golin

Kur duhen edhe tre javë nga fundi i Serisë A , Napoli është matematikisht i dyti pra nënkampion i Italisë. Djemtë e Ancelottit edhe me Hysajn titullar fituan me përmbysje ndaj Cagliarit në “San Paolo” me shifrat 2-1. Pavoletti kaloi sardët në avantazh ndërsa për Napolin shënuan Dris Mertens që me 107 gola me fanellën e Napolit parakalon Maradonën dhe Insigne me penallti shënoi golin e fitores.

Ndërkaq gara për dy vendet e tjera të mbetura për në Champions vijon të jetë e ashpër. Sonte Milani ka në dispozicion trenin e fundit për të mbetur të paktën në garë. Djemtë e Gatusso presin Bologna ku opsioni i vetëm është fitorja. Momentalisht në Champions janë dy ekipet zikaltër Interi dhe Atalanta. Interi ka ngadalësuar shumë pasi në 5 ndeshjet e fundit ka barazuar 4 dhe rivalët janë afruar megjithatë skuadra e Spalletit është e favorizuar pasi vendi i katërt është 4 pikë larg. Goditjen dhe surprizën më të madhe po e bën Atalanta .

Bergamaskët janë të katërtit pasi mundën 3-1 Lazion në “Olimpico” dhe bën që bardhekaltërit të dorëzohen në këtë garë të ashpër. Genoa, Juventus dhe Sassuolo janë pengesat e fundit për skuadrën e Berishës dhe Gjimshitit që po ndjek një ëndërr. Roma bëri hap fals pasi barazoi 1-1 dje ndaj Genoas. El Shaaraëy i dha avantazhin verdhekuqve  dhe barazoi Romero në shtesë duke i dhënë pikë mbijetesë Genoas ndërsa Roma mbetet tre pikë larg zonës Champions. Duke qënë se Lazio u vetpërjashtua janë plot 5 ekipe për dy vendet e zonës Champions dhe tre javët e fundit premtojnë luftë./ Përgatiti Andi Kapxhiu

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Këngëtarja Parashqevi Simaku komunikon me djalin dhe ish-bashkëshortin

Këngëtarja Parashqevi Simaku komunikon me djalin dhe ish-bashkëshortin

18 Dhjetor, 17:58