POP 5

Lajmet më të lexuara të 5 minutave të fundit

Sociale

Ndërron jetë adoleshentja që
jetonte me trupin e 100 vjeçares

Një adoleshente që vuante një gjendje gjenetike të rrallë, e cila i dha asaj trupin e një 100 vjeçareje, ka vdekur në moshën 17 vjeçare. Duket e pabesueshme, por ky nuk është një rast unik, ndonëse i rrallë.
Hayley Okines u bë e njohur tre vjet më pare, kur u bë protagoniste e një dokumentari rreth gjëndjes së saj moshore e fizike të pazakontë.
Ajo vuante nga një çrregullim i rrallë i njohur si “progeria”, kuptimi i emrit të së cilës  vjen nga Greqia e lashtë, me domethënien “moshë e parakohshme”.
 
Çrregullimi përfshin një proteinë mutante, të quajtur progerin, e cila përshpejton moshën fizike të njeriut.
 
Në të gjithë botën, janë të njohura rreth 74 raste të këtij lloji çrregullimesh.
 
Në rastin e një fëmije 10 vjeçar, progeria kushtëzon pamjen fizike të një 80 vjeçari, shoqëruar me simptoma si artriti dhe problemet e zemrës, por me mëndjen e një 10 vjeçari.
Pacientët e progerias normalisht vdesin nga sulmet kardiake, zakonisht në moshën 13 vjeçare.
 
Në rastin e Hayley, një vajzë nga Bexhill, ajo sfidoi problemin e saj për të jetuar disa vite më shumë. Ajo arriti të publikojë edhe një autobiografi ku rrëfente të jetuarin me një simptomë të tillë.
 
Natën e shkuar, mamaja e saj postoi në facebook: “ Vajza ime vogël ka shkuar diku tjetër, në një botë më të mirë. Ajo morri frymë për herë të fundit në krahët e mia dje.”
 
Nëna e saj kishte rrëfyer më parë në dokumentar për jetën e vështirë të fëmijës së saj. “Kërkuam fillimisht në internet dhe u shokuam. Gjetëm foto të fëmijëve që dukeshin si të moshuar. Dhimbja më e madhe ishte kur morrëm vesh se vajza jonë do të jetonte vetëm deri në 13 vjeç”, tregon e ëma.
 
Të vendosur për t’ia bërë vitet e pakta të jetës të paharrueshme, i gjithë komuniteti lokal u angazhua në mbledhjen e qindrave pound për të paguar udhëtimin e saj në Disneyland të Kalifornisë. Në jetën e saj të shkurtër, Hayley adhuronte të notonte me delfinët, të udhëtonte pafund, e ëndërronte shumë që të takonte Princin Charles dhe Justin Bieber.
 
Pavarësisht problemeve, adoleshentja qëndroi e pamposhtur, të paktën moralisht.
 
“Në shumë mënyra ndihem me fat, sepse falë sëmundjes sime kam arritur të takoj më shumë njerëz dhe bëj më shumë gjëra se sa disa bëjnë në jetën e tyre normale”, kishte thënë ajo me entuziasëm.
progeria

progeria

progeria

progeria


Redaksia Online
(Al.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03