Lajmi i vdekjes se tij u përhap fillimisht nga disa faqe interneti dhe më pas u konfirmua nga agjentet e tij duke shprehur dhimbjen e thellë për largimin e tij të papritur. Gandolfini u bë i njohur nga seriali ‘Sopranot” ku trajtohet jeta e një familjeje italo amerikane në Nju Xhersi, falë dhe interpretimit të bosit të mafias Tony Soprano. Seritë u shfaqën gjatë viteve 1999-2007.
Ai ka fituar tre çmime Emmy Awards për rolin kryesor atë të mafiozit të dhunshëm. I cilësuar nga mediat si kryemafiozi i sopranove, Gandolfini e nisi karrierën e tij në vitin 1992 në New Jersey ku luajti rolin e parë në filmin “Një rrugë e quajtur dëshirë”. Ndërsa një vit më parë korri sukses të madh në rolin e tij në “Romancë e Vërtetë”.
Gjatë karrierës së tij ka luajtur përkrah aktorëve të mëdhenj Robert Redford e Sean Penn. Gjithashtu ai luajti rolin e ish-shefit të CIA-s, Leon Panetta, në filmin, “Zero Dark Thirty” ku tregohet vrasja e e Osama Bin Ladenit. Menjëherë pas përhpajes së lajmit të vdekjes së tij kolegët dhe miqtë e tij mbushën me ngushëllime dhe kujtime rrjetet sociale.
(v.gj/shqiptarja.com)
![](https://www.shqiptarja.com/template/img/sh_logo1.png)