POP 5

Lajmet më të lexuara të 5 minutave të fundit

Sociale

Ndahet nga jeta në moshë të re sipërmarrësi i njohur shqiptar, Dritan Mezini! Themeluesi i portalit duapunë.com

Një ndër sipërmarrësit më të suksesshëm në fushën e transformimit digjital dhe punësimit, Dritan Mezini ka ndërruar jetë për shkak të një ataku në zemër. Humbja e tij e parakohshme ka lënë të shokuar miq, kolegë e personalitete

Dritan Mezini, sipërmarrës në fushën e teknologjisë së informacionit, ndërroi jetë më mënyrë të beftë, pas një ataku kardiak në moshën 52-vjeçare. Deri pak orë para se zemra t’i pushonte së rrahuri, ai ishte mjaft aktiv dhe dalja e fundit publike ishte mbrëmjen e së enjtes në tryezën e Këshillit Ekonomik Kombëtar.

Dhimbja që Tani la pas është e papërshkrueshme nga familja kolegët e miqtë.

Me një përvojë të pasur mbi 3 dekada, Dritan Mezini solli ekspertizë të plotë në fushën e sipërmarrjes, transformimit dixhital, të tregtisë elektronike, menaxhimit të projekteve, si dhe të burimeve njerëzore. Konsultonte sektorin privat dhe publik, ishte drejtues i shoqatës së teknologjisë së informacionit dhe komunikimit, themelues i një startup-i, siç është portali duapune.com.

Po ashtu, ai ishte anëtar i disa grupeve të punës pranë Bashkimit Europian për teknologji moderne. Me aftësitë e tij ai frymëzoi shumë të rinj dhe profesionistë të tjerë.

Dhimbje për humbjen e tij shprehu kryeministri Edi Rama, i cili shkruajti se e ka të vështirë ta besojë se njeriu me të cilin dje ishte në një tryezë të përbashkët nuk jeton më. Reagime pati edhe nga kryebashkiaku Veliaj, bashkëpunëtorë e miq të tij.

‘Trishtues lajmi i largimit të hershëm të Dritan Mezinit.  Një baba e bashkëshort shembullor, qytetar dhe profesionist i papërsëritshëm, që e donte inovacionin, mjedisin dhe njerëzit.  Ngushëllime familjes!’- shkruan Veliaj.

Komiteti Olimpik Kombëtar Shqiptar shpreh ngushëllimet për ndarjen e parakohshme.

‘Komiteti Olimpik ka humbur një mik, mentor, koleg dhe një mbështetës të madh të sportit. Ne i shprehim ngushëllimet tona familjes dhe të gjithë miqve të Tanit. Lamtumirë Tani, u prehsh në paqe!’- njofton KOKSH.

Ndërsa në portalin që vetë themeloi, “Duapune.com” njoftohet se homazhet do të kryhen të shtunën dhe se 'Tani do t’u mungojë kujtdo që pati fatin ta njohë'.

52-vjeçari fillimisht ishte diplomuar në degën e informatikës në Universitetin e Tiranës, ndërsa më pas kishte kryer edhe dy master në Amerikë në Administrim Biznesi dhe Menaxhim të Projekteve.

Rendit zhvillimet sipas orarit:
Ora 13:15
Ndarja nga jeta e biznesmenit të njohur, Rama: Dje ishim në të njëjtën tryezë! Keqardhje e madhe

Kryeministri Edi Rama ka reaguar për ndarjen nga jeta parakohe të Dritan Mezinit, këshilltar i Fidel Yllit në Komiteti Olimpik Kombëtar Shqiptar.

Mezini, i cili u nda nga jeta sot si pasojë e një arresti kardiak, ishte një ditë më parë në një aktivitet ku ishte i pranishëm edhe kryeministri Edi Rama.

‘Nuk e besoj dot që Dritan Mezini nuk është më sot, teksa dje pasdite ishte me ne në tryezën e Këshillit Ekonomik Kombëtar. Nuk e njihja personalisht nga afër, por fjalët për të ishin gjithnjë të mira dhe fjalët e tij ishin gjithnjë interesante. Një anëtar i spikatur i shumë organizatave, shoqatave, forumeve e platformave, njëkohësisht dhe një sipërmarrës i suksesshëm në fushën e teknologjisë së informacionit, si edhe një mentor i shumë respektuar për plot të rinj lidhur me inovacionin e me tregun e punës. Keqardhje e madhe! U prehtë në paqe.’- shkruan Rama.

 

M.Q./Shqiptarja.com

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • poli: 12/01/2024 18:11

    sa i ri...duhen bere ekzamimimet e zemres cdo 1 vit,,pas te 50 dhjetave..

    Përgjigju
  • Edi: 12/01/2024 16:14

    ishte nga te paret qe informatizoi bksh bashke me Ilir Beqajn

    Përgjigju
  • Doktori ne Gjermani: 12/01/2024 15:18

    V A K S I N A

    Përgjigju
  • Covidi: 12/01/2024 13:52

    Po tamam vetem vaksinat

    Përgjigju
  • dref: 12/01/2024 12:21

    vaksina?

    Përgjigju
    • Fred: 12/01/2024 14:21

      Zemra, o te mjere komentues.

    • Alban: 12/01/2024 13:36

      Droga?

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30