POP 5

Lajmet më të lexuara të 5 minutave të fundit

Ekonomi

Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike

Për herë të parë në këtë vit inflacioni ka ndaluar rënien dhe është rritur përsëri. Sipas të dhënave të INSTAT inflacioni në muajin maj u rrit krahasuar me prillin, si rezultat i shtrenjtimit të ushqimeve, qirave dhe energjisë elektrike.

Shporta e ushqimeve po shtrenjtohet muaj pas muaj, duke u kthyer në burimin kryesor që po mban të lartë inflacionin në vend. Në muajin e kaluar INSTAT raporton se inflacioni u rrit për herë të parë që prej nisjes së këtij viti, duke shkuar në 2.2%, nga 2.1% që ishte në muajin prill.

Në raport thuhet se çdo kategori malli apo shërbimi u shtrenjtua në muajin maj. Vetëm grupi i ushqimeve dhe i pijeve joalkoolike është shtrenjtuar me 0.69%, ndjekur nga çmimet e qirave dhe të energjisë elektrike që janë rritur me 0.42%, për të vijuar me mobilimin e shtëpisë, pijet alkoolike, mallrat e ndryshme, restorantet, veshjet dhe argëtimi e kultura.

Ndërsa në krahasim me vitin e kaluar, më shumë janë shtrenjtuar mobiliet dhe argëtimi e kultura me nga 3.7%, ndjekur nga veshjet e këpucët dhe më pas pijet alkoolike. Kurse ushqimet kanë kushtuar sipas INSTAT vetëm 1.9% më shumë se në maj 2023.

“Brenda grupit të ushqimeve çmimet e nëngrupit “zarzavate përfshirë patatet” patën një rritje me 4,6 %, pasuar nga nëngrupet “peshk” me 4,1 %, “qumësht, djathë dhe vezë” u rritën me 3,6 %, “sheqer, reçel, mjaltë, çokollata dhe ëmbëlsira” me 2,9 %, “mish” me 2,3 %”, thuhet në raport.

Pavarësisht kësaj rritje të lehtë, inflacioni prej janarit është poshtë objektivit të Bankës së Shqipërisë prej 3%, por sidoqoftë banka ka gjykuar se situata është e pasigurt për këtë arsye nuk e ka rishikuar normën bazë të interesit e cila është 3.25% prej nëntorit të vitit të shkuar.

G.M./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Casus Beli: 12/06/2024 23:24

    Ky inflation eshte rast shume i mire qe paga minimale te behet 50,000 lek ne 2025 dhe pensioni minimal 25,000 lek (250€) pra minimal. Vetem 1 here ne 2 dekada vijne raste te tilla ekonomike

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Studimi: Vaji i ullirit mund të zvogëlojë rrezikun e vdekjes nga demenca

Studimi: Vaji i ullirit mund të zvogëlojë rrezikun e vdekjes nga demenca

22 Janar, 14:37