TIRANË- Trishtues ka qenë lajmi i ndarjes nga jeta i Arben Bajos, si pasojë e COVID-19, për politikën shqiptare. Kryeminstri Edi Rama e konsideron një humbje të madhe për ata që e njohën Bajon, teksa kujton si një njeri fisnik, duarartë e fjalë pak.
“Ben Bajo nuk do t'i hapë më sytë e as sytë e admiruesve të skulpturës, nuk do të shohin më krijesa të duarve të tij! Ai nuk ia doli dot t'i mbijetojë virusit vdekjeprurës, që vazhdon të marrë jetë njerëzish nga kjo botë, duke sfiduar përparimin marramendës të shkencës e të mjekësisë” shkruan Rama teksa shpreh mesazhin ngushëllues për të afërmit e skulptorit.
Fjalë të ndjera ka zgjedhur edhe ministrja e Kulturës Elva Margariti, e cila shprehet se dita e sotme është e trishtë pasi sot kemi një artist më pak.
"Arben Bajo, ky mjeshtër i skulpturës, i mprehtë, zbërthyes karakteresh.... u nda prej nesh. A mundet të të themi lamtumirë kaq herët!? U prehsh në paqe! Kujtimi dhe vepra jote do të jetë gjithnjë mes nesh", shkruan Margariti në rrjetet sociale.
Për humbjen e Arben Bajos ka shprehur ngushëllimet edhe kryetari i Bashkisë së Tiranës, Erion Veliaj. "Ngushëllime familjes së Arben Bajos në ditën më të vështirë - kryelartë për një prind, partner e artist të rrallë"! përfundon Veliaj.
Bashkëshortja e kryetarit të bashkisë së Tiranës, Ajola Xoxa e ka konsideruar të një tragjedi vdekjen e Arben Bajos. Ajo thotë se ai do të jetojë përgjithnjë përmes krijimtarisë së tij.
"Sot u nda nga jeta skulptori Arben Bajo, një nga figurat më të rëndësishme të skulpturës shqiptarë të dekadës së fundit, me një krijimtari dhe ndjeshmëri artistike të jashtëzakonshme. Është një lajm i hidhur për të gjithë artin shqiptar. Për studentët, miqtë, e sidomos familjen e tij, kjo vdekje e parakohshme dhe e papritur është një tragjedi, një dhimbje e pashlyeshme. Drita qoftë me shpirtin tënd Arben! Përmes krijimtarisë tënde ti do të jetosh përgjithnjë", shkruan Xoxa.
Ministrja e Kulturës, Elva Margariti e ka cilësuar si një ditë shumë të trishtë, ndarjen nga të të skulptorit Arben Bajo, teksa shton se e ka të vështirë t'i thotë lamtumirë.
"Me shumë gjasë në studio të ka mbetur një punë e papërfunduar. Ishe në kulmin e krijimtarisë tënde dhe është e pabesueshme, që nuk do të kthehesh më aty...Një ditë kaq e trishtë sot! Kemi një artist më pak.. Arben Bajo, ky mjeshtër i skulpturës, i mprehtë, zbërthyes karakteresh.... u nda prej nesh. A mundet të të themi lamtumirë kaq herët!? U prehsh në paqe! Kujtimi dhe vepra jote do të jetë gjithnjë mes nesh", shkruan Margariti.
"Fjalët përballë vdekjes s'kanë asnjë fuqi, po asgjë tjetër veç fjalëve vdekja nuk le për dëshmitarët e saj", kështu e mbyll reagimin e tij kryeministri Edi Rama për ndarjen nga jeta të skulptorit, Arben Bajo. Kreu i qeverisë vlerëson maksimalisht për artin e tij!
"Ben Bajo nuk do t'i hapë më sytë e as sytë e admiruesve të skulpturës, nuk do të shohin më krijesa të duarve të tij! Ai nuk ia doli dot t'i mbijetojë virusit vdekjeprurës, që vazhdon të marrë jetë njerëzish nga kjo botë, duke sfiduar përparimin marramendës të shkencës e të mjekësisë, me kërcënimin e përsëritjes së kasaphanës së vitit 1918, kur Gripi Spanjoll gllabëroi dhjetra miliona njerëz.
Beni ishte ende shumë i ri dhe arti i tij ishte ende në zhvillimin e vrullshëm drejt njehsimit me vetë artistin, çka vetvetishëm reflektonte akoma influencën e disa mjeshtrave të mëdhenj, në ndërkohën që shembëlltyrat e bronxta po merrnin dora-dorës hijen e pangatërrueshme të individualitetit të skulptorit të talentuar.
Një humbje e madhe kjo për ata që e njohën djalin fisnik, duarartë e fjalëpakë, po edhe për artin bashkëkohor shqiptar po ashtu, që humbi sot një prej bijve të vet më premtues e më të përkushtuar. Eh, jeta është kjo, dihet gjithnjë si mbaron po s'dihet asnjëherë kur mbaron rrugëtimi ynë në këtë botë, ku disa e kanë dhuntinë e fatin të lenë pas diçka që i mbijeton vdekjes, veprën e tyre. Artistët hyjnë tek këta disa dhe kur janë prej vërteti, siç ishte Ben Bajo, kujtimi i tyre pavdekësohet nga prania pa kohë e veprave të tyre mes njerëzve që vijnë e shkojnë, në ndërkohën pa kufi që veprat mbeten.
Ngushëllimet më të ndjera të dashurve e të afërmve të Benit, fjalët përballë vdekjes s'kanë asnjë fuqi, po asgjë tjetër veç fjalëve vdekja nuk le për dëshmitarët e saj", shkruan Rama.
Postimi i plotë i kryeministrit Edi Rama
Kryebashkiaku Erion Veliaj ka bërë një mesazh ngushëllimi për ndarjen nga jeta të skulptorit Arben Bajos. Një humbje e madhe e quan kryebashkiaku, ndarjen e tij nga jeta si pasojë e COVID-19.
"Pas betejës me virusin e pabesë, Shqipëria humbi një nga skulptorët më të mirë, Akademia një nga profesorët më të përkushtuar, Tirana një nga qytetarët më fisnikë! Ngushëllime familjes së Arben Bajos në ditën më të vështirë - kryelartë për një prind, partner e artist të rrallë", shkruan Veliaj.
Postimi i plotë i Erion Veliajt
Komente
Lajme të tjera
-
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Enver Hoxhaj nderohet me titullin ‘Doctor Honoris Causa’ në Tiranë, Veliaj: Urë lidhëse mes Shqipërisë dhe Kosovës
26 Nëntor, 16:12 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40
TE KISHIT BERE TE PAMUNDUREN QE TE SHPETOHEJ,,,,NGUSHELLIME FAMILJES...
Përgjigju