POP 5

Lajmet më të lexuara të 5 minutave të fundit

Sociale

Ndërgjegjësim për 143 mijë zgjedhës 
të rinj, simulohet dita e votimit

Një fushatë ndërgjegjësimi dhe informimi për 140 mijë të rinj shqiptarë që votojnë për herë të parë në zgjedhjet lokale të 21 qershorit është nisma më e re e Ministrisë së Arsimit në bashkëpunim me Këshillin e Evropës,Ambasadën Zvicerane dhe KQZ.
TIRANE - Një fushatë ndërgjegjësimi dhe informimi për 140 mijë të rinj shqiptarë që votojnë për herë të parë në zgjedhjet lokale të 21 qershorit është nisma më e re e Ministrisë së Arsimit në bashkëpunim me Këshillin e Evropës, Ambasadën Zvicerane dhe Komisionin Qendror te Zgjedhjeve.

Këto institucione e kanë zbatuar programin gjashtë muajt e fundit në shkollat e mesme të vendit program i cili u finalizua ditën e sotme në gjimnazin “Arben Broci” në Tiranë.

Programi parashikon gjithashtu dhe zhvillimin e orëve informuese të mësimit mbi demokracinë, sistemet zgjedhore dhe rëndësinë e votës. Nëpërmjet ushtrimit synohet praktimimi i votuesve të rinj me procesin, por edhe informimi i tyre mbi problemet e votimit familjar apo delegimit të votës, të cilat dëmtojnë standardet zgjedhore.

Maturantët në rolet e komisionerëve dhe vëzhguesve improvizuan një proces votimi në një qendër të simuluar.

Në aktivitet ishte e pranishme ministrja Nikolla, ambasadorja Vlahutin, Kreu  i Delegacionit të Bashkimit Evropian në Tiranë, Ambasadorja e Hollandës, Kryetarja e Kqz,Lefterije Lleshi.

“Është një mundësi e vyer që shkolla t’i qaset formimeve dhe shprehive që kanë të bëjnë me votimin për herë të parë, për të pasur në Shqipëri realisht një votë të lirë, të fshehtë dhe që u shtrohet në mënyrë të përgjegjshme dhe në liri të plotë”, tha ministrja Nikolla gjatë fjalës së saj

25 vitet e fundit të rinjtë në Shqipëri kanë qënë pjesë e të ashtuquajturit ‘elektorat gri’ apo ‘i pavendosur’, pasi vëmendja e politikës ka qënë e pakët ndaj tyre. 

Në programet elektorale të partive zënë pak vend politikat për të rinjtë apo angazhimet të tjera që të përfshijnë interesat e pjesës më vitale të shoqërisë. Ndaj dhe kjo është shoqëruar me një lloj indiference të të rinjve shqiptarë ndaj proceseve zgjedhore.
 
votimi
foto
votimi
(Fotot, Antonio Çakshiri/Shqiptarja.com)  Foto të tjera

fushata ndergjeseuese per votuesit e rinj
fushate ndergjegjesuese per votuesit e rinj

Redaksia online
(S.M/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku