Ndërron jetë Kryeprokurori famëkeq i komunizmit, mori pjesë në 650 procese politike, dënoi qindra shqiptarë

Aranit Çela

Aranit Çela, kryeprokurori famëkeq i komunizmit, është ndarë nga jeta ditën e sotme. Aranit Çela, i njohur si 'xhelati' i komunizmit vdiq në moshën 98-vjeçare. Çela mori pjesë në 650 procese politike si hetues, prokuror dhe gjyqtar duke çuar drejt pushkatimin shumë shqiptarë.

Aranit Çela është arrestuar më 3 nëntor 1993 dhe u dënua me akuzën “Për veprën penale të shpërdorimit të detyrës në bashkëpunim me pasojë shkeljen e paligjshme të lirive e të drejtave themelore të njeriut dhe në dëm të jetës së personit, të parashikuara nga nenet e Kodit Penal. Pavarësisht kësaj, doli nga burgu në ngjarjet e vitit 1997.

Kush ishte Aranit Çela:

Aranit Çela ishte ndër prokurorët dhe gjyqtarët më famëkeq të regjimit komunist. Për kontributin e tij në mbi 650 procese politike historianët e cilësojnë si Vishinski i komunizmit në Shqipëri. Ai u lind në Vlorë më 1923[1] apo 1924, familja e tij e kishte origjinën nga Kanina. Në moshën pesëmbëdhjetë vjeçare i vdes i ati, për të cilin në autobiografinë e tij të 1954 shkroi "ka qenë element alkoolik dhe shumë pak i lidhur me familjen... Familja ime ka vuajtur mjaft ekonomikisht. Kjo edhe për arsye, se sikurse thashë më lart, ka qenë element gjithë kohën sarhosh (alkoolik) dhe krejt i pakujdesshëm për familjen e vet."

Në vitet 1935-1942 ndoqi Institutin Tregtar të Vlorës. Me ardhjen e regjimit fashist, Aranit Çela ishte ndër fëmijët balila të cilët kaluan një muaj pushime në Itali (Pezaro) në verën e vitit 1939. Në 17 marsin 1941 kërkon pa sukses të punësohet në Zyrën e Regjistrimit të Gjendjes Gjyqësore në Ministrinë e Drejtësisë të regjimit fashist. Në prill-maj 1942 Araniti qëndron në paraburgim iu gjetën në shtëpi disa trakte, por regjimi fashist tregohet zemërgjerë dhe e dënoi me kusht. Më 10 janar 1943 bëhet anëtar i PKSH-së në organizatën e Mallakastrës, por partizan del vetëm në nëntor të këtij viti. Në korrik 1944 bën pjesë në brigadën e 14-të komuniste, e më pas, deri në mars 1945, në divizionin e 3-të komunist.

Në mars 1945-shtator 1946, Aranit Çela është prokuror ushtarak në Shkodër, në qytetin ku zhvilloheshin përditë proceset më të tmerrshme politike të kohës. Më 1946-1948 vazhdon me këtë cilësi por në divizionin e Korçës. Më 1948-1949 është ndihmësprokuror i Prokurorisë Ushtarake. Në vitet 1949-1953 ndjek studime në fushën e drejtësisë në Bashkimin Sovjetik.

 Më 1953-1954 ishte nënkryetar i Degës së Hetuesisë së Sigurimit të Shtetit. Më 1954-1955 prokuror në Prokurorinë e Përgjithshme. Më 1955 – 1958  dhe 1966 – 1990 kryetar i Gjykatës së Lartë. Më 1958 – 1966 prokuror i përgjithshëm. Më 1958 – 1991 deputet i Kuvendit Popullor dhe anëtar i Komitetit Qendror të Partisë së Punës së Shqipërisë.

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 22/10/2021 13:42

    Po ka me fame keq se drejtesia qe eshte sot jan ber miliinere duke nxjerr nga byrgjet te gjith kriminelat dhe hajdutet Shqiperis i duhet nja 100 si ky qe tua hedhi ne det celsat e burgut te gjith pilitikaneve dhe gangesterave qe u vin nga mbrapa

    Përgjigju
  • Trnakop Kacija: 22/10/2021 08:29

    Haj medet per Shqiptare e Shqiperi - po burra te lig kish pas.

    Përgjigju
  • Bragjini: 22/10/2021 07:26

    Dhe ju ne fund e vrate me komentet tuaja. Trima si ju

    Përgjigju
    • John Doe: 22/10/2021 08:29

      Hahahaha

  • Detroit: 22/10/2021 06:49

    Paguan te ato qe ka len mbrapa cdo gje paguhet....askush nuk iken pa marre reston.Ky pislliku 98vjet si ka pasur kenaqesi jo kushedi ca torturash i kan bo shpirtrat e njerezve qe ka vrare duke ju shfaqur ore e minut....

    Përgjigju
  • Diu: 22/10/2021 05:36

    Prandaj ne si popull kurr nuk kemi qene as nuk do jemi. Ky monstra ma e vertetoi kete gje. Ky kriminel ashtu si shume te tjere jetoi deri sa Zoti e vrau por jo nga njerezit qe u shkaterroi me shume se jeten. Milet turk i pa bese dhe pa moral.

    Përgjigju
  • A. N.: 21/10/2021 23:19

    Nje qelbanik me pak.

    Përgjigju
  • Sadiku: 21/10/2021 21:26

    Qelbanik i poshter sa gjate paske jetuar. Befsh qef ne ferr o derezi.

    Përgjigju
  • Aaa: 21/10/2021 21:13

    Nuk doli një trim t'a vriste!!!? Jemi pula ne shqipot, vetëm ha mish e pi raki. Popull pa shtyllë kurrizore.

    Përgjigju
  • Shoku: 21/10/2021 18:56

    Vetem nje surrat shemtire si ky mund te ishte kaq i lig

    Përgjigju
  • Mirka: 21/10/2021 18:53

    Se do as Zoti as i ligu prandaj ka mbet mbi dhe

    Përgjigju
  • Populli: 21/10/2021 18:52

    Ju shofte fara e cka lene mbrapa

    Përgjigju
  • BERRETA: 21/10/2021 18:11

    Ky ka ken DIKTATORI nr 2 mas ENVER HOXHES,si è kan lan me jetu familjet e persekutume????

    Përgjigju
  • Njoni: 21/10/2021 17:23

    Ky paska marr nga ditet e te tjereve.. prandaj paska jetuar kaq gjat!

    Përgjigju
    • vicidol: 22/10/2021 07:04

      qenka si sala jone do jetoka edhe ky nja 100 vjet sic duket

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Imzot Arjan Dodaj u emërua Arqipeshkv i Kishës Katolike, Meta: lajm i mirë! I bindur se do ta përmbushë me sukses misionin