TIRANË- Shqipëria ka humbur në heshtje, një nga emrat më të spikatur në mjekësinë, Vitore Fico. Ajo është ndarë nga kjo jetë rreth një muaj më parë, por është mësuar vetëm pas statusit të bërë nga mjekja pediatre, Lira Gjika. Ajo ka vlerësuar maksimalisht punën e saj, teksa e përshkruan si "Herkuli" femër i kohërave moderne, që ka shpëtuar nga vdekja qindra fëmijë. Gjika ka treguar profesionalizmin që e karakterizonte Ficon, punën e saj të palodhur, por që fatkeqësisht iku në "heshtje" dhe askush nuk e vlerësoi aq sa duhet.
"Po ecja në rrugën Myslym Shyri, pranë tabelës që lajmërojnë vdekjet e njerzve, kur, pashë një foto dhe nuk I besova syve , ishte fotoja e një personi shumë të çmuar për mua. Ishte lajmërimi për ikjen nga kjo jetë e një nga emrave më të spikatur të mjeksisë dhe pediatrisë shqiptare, të gruas më moderne në Shqipëri, Dr Vitore Fico. Kishte një muaj që kishte ikur. Kjo grua e madhe, që nuk është më, që kishte bërë atë, që nuk arrinin ta bënin as nënat, kishte luftuar me distrofinë dhe atrofinë e fëmijëve dhe kishte shmangur vdekjen e sigurt. Ajo, Vitore Fico, i kishte rrëmbyer vdekjes me qindra fëmijë. Ajo, Herkuli femër i kohëve moderne të Shqipërisë, ishte përballur me vdekjen dhe kishte fituar, pa asnjë ndërhyrje hynore dhe kompromis, por me zemrën e saj të madhe dhe profesionalizmin e saj të pashoq. Kisha besuar, se, kur kjo grua të largohej nga kjo jetë, kjo pediatre e shkëlqyer, të paktën gjysma e Shqipërisë, duhet të qante. Mesa duket Shqipëria akoma nuk ka mësuar të qajë, por për kë ka qarë Shqipëria, që të qante për Vitore Ficon? Shqipëria ka patur mjekë e pediatër të mëdhenj që i mësuan se fëmijët janë njerëz dhe, jo thjeshtë të vegjël, që nuk marrin vesh. Është lufta titanike e pediatërve shqiptarë, me në krye professor Selaudin Bekteshin, dr Hamdi Sulçebe, dr Jorgji Jorgoni, dr Kostandin Kauri, dr Roza Buda, dr Xhanfise Bashha, dr Emil Cimbi, dr, Rashela Cikuli e shumë të tjerë të cilëve u kërkoj falje për mosnominimin, që luftuan prej vërteti, si titanët, kundra injorancës së thellë të kohës dhe varfërisë. Këta gjigandë, që mbase tani askush nuk I njeh, kanë punuar dhe luftuar me edukim në këshillimoret e fëmijëve të Tiranës e Shqipërisë, por koha e sotme nuk do të tillë heronj, të cilët edukojnë dhe emancipojnë dhe për më tepër, që nuk duan rreklamë dhe pasuri me cdo kusht dhe sidomos pa punuar. Ata ishin nga brumë, që i bënte t’a donin tjetrin si veten dhe, se vetja është shumë e çmuar. Unë hyj te brezi që pati fatin të jetojë me personalitete të tilla dhe duke perifrazuar Platonin e madh, po falenderoj Perëndinë që më bëri të jetoj me njerëz të tillë, pikërisht në kohën e duhur. Lamtumirë Dr Vitore Fico, të jam mirënjohse për gjithë jetën time që më ofrove miqësinë tënde', shkruan Gjika.
Komente
Lajme të tjera
-
Pse duhet t’u bëni fëmijëve sa më pak surpriza?
30 Tetor 2022, 13:48 -
Transferimi në shkollë tjetër për herë të parë në e-albania! Aplikimi deri javën e parë të shtatorit! Kërkesa refuzohet kur ndryshojnë lëndët
30 Gusht 2022, 21:03
-
Fëmijët e 'rrugës' vs fëmijët 'digjital', nostalgjia e lojërave të humbura ndër vite! Specialisti: Interneti sot i bën 'pre' të pedofilëve! Psikologia: Prindërit t'u tregojnë kufirin
7 Tetor 2021, 19:08
-
A jemi gati për martesat Gay dhe birësimin e fëmijëve? 'Debati i shekullit' edhe në Shqipëri, flasin palët dhe grupet e interesit! Kisha dhe Xhamia kundër, qytetarët të dyzuar
25 Shtator 2021, 16:05
-
A duhet t’i shpjegojmë fëmijëve humbjen e personave të dashur? Pediatria Lira Gjika: Po, fëmija ende nuk ka sferë emocionale të zhvilluar
22 Shtator 2021, 11:39 -
Kujdes me gjuhën kur fëmija fillon të mësojë fjalët e para, tre elementët bazë
30 Gusht 2020, 17:45
-
Lira Gjika: Tregoni kujdes ndaj ‘fëmijëve të mirë’. Ja tre komponentët që duhet të keni parasysh gjatë izolimit
23 Prill 2020, 14:24 -
A duhet të hapen kopshtet e shkollat në këtë situatë? Lira Gjika: Teorikisht po, ama nëse diskutohet jeta…
23 Prill 2020, 14:17
I lehte dheu i saj u prefsh ne paqe dr Fico .Ngushellimet familjes.
PërgjigjuNjerzit me vlera te medha ikin nga kjo bote ne heshtje dhe ne harres se jetojme ne nje vend ku politika shqipetare nuk e ja primare jeten e njeriur por xhepat e tyre familjareve ngushellime per te dhe u prefte ne paqe
PërgjigjuI u kujtofte emri perjetesisht
PërgjigjuNuk di cte them per median por dhe familja ka fajin e saj per lajmerimin. Ajo zonje e madhe ja kushtoi jeten e saj femijeve te semure niperve dhe mbesave dhe kolektivit te saj te mrekullueshem. Une e kam njohur femije mamaja ime punonte ne spitalin distrofik e kane dashur shume i gjithe personeli ajo ne ate kohe ishte edhe drejtoreshe i respektonte njerezit njesoj si ate bahcevanin dhe pastrueset ashtu edhe kujdestaret dhe infermieret po ashtu edhe mjeket qe kishin nderin te mesonin nga Herkuli shqipetar. Para nje muaji qe te nderronte jete ja degjova zerin per here te fundit ishte e semure me oksigjen mendova qe do e kalonte por nuk e kaloi dot kete here. Dyshova se telefoni dilte gjithmone i fikur ishte teper vone nuk di as se ku e ka varrin per ti cuar nje tufe me lule. Respekte pa fund.
PërgjigjuTurp nuk kane mediat qe nuk i kushtuan rendesi keti lajmi per kete figure te nderuar te mjekesise apo skane kohe skane as gazetare per lajme te tjera deri tek ato me banale vrapojne kush e kush ta japin te paret.
Përgjigju