Shuhet në moshën 66-vjeçare, aktori shqiptare Valter Gjoni nga koronavirusi. Prej më shumë se një jave ai ishte infektuar nga COVID, betejë të cilën ai nuk e fitoi.
Lajmin e ka bërë të ditur djali i tij, Klevis Gjoni në rrjete sociale. Valter Gjoni lindi në Tiranë dhe përfundoi studimet në Akademinë e Arteve.
Fillimisht nis punën si aktor dhe regjisor në Trupën Artistike të Ushtrisë, në Teatrin Popullor (Kombëtar), pranë kinostudios “Shqipëria e Re” dhe RTSH. Ka luajtur në 60 role në teatër, 8 role në kinematografi, ka realizuar 5 filma dokumentarë etj.
Ka kryer kualifikime në disa vende si Francë, Holandë, Danimarkë, Greqi etj. Ka shkruar shumë artikuj kulturor. Në vitin 1991 Gjoni nisi punë në Bashkinë e Tiranës, ku punoi si drejtor i protokollit me shumë kryetarë, mes tyre edhe Basha, i cili nëpërmjet një statusi në Facebook, shkroi se Valteri ishte një qytetar model.
Për ndarjen e tij nga jeta ka reaguar dhe kryebashkiaku Erion Veliaj. Përmes një postimi në Facebook ai shkruan se se Valteri gojëmjaltë i shërbeu qytetit me dashuri për 4 dekada.
"Valteri ynë gojëmjaltë e zemërbardhë nuk e mundi dot këtë flamë të pabesë. I shërbeu qytetit tonë me dashuri përditë për 4 dekada, duke lënë sot një boshllëk të pangushëllueshëm për familjen dhe mijëra kolegë e miq që e njohën dhe e deshën si kujtesa historike e Tiranës" - shkruan Veliaj.
Valter Gjoni ka realizuar rreth 20 ekspozita dhe 8 botime tematike. Ai mban disa tituj nderi brenda dhe jashtë vendit, ku titulli më i larta është Kalorës i Urdhrit të Meritës së Republikë Franceze dhe Urdhrin “Naim Frashëri” i Republikës së Shqipërisë dhe “Mirënjohja e Qytetit të Tiranës".
Lajmi kryesor:
532 raste të reja dhe 7 viktima në 24 orë/ Humb jetën aktori Valter Gjoni, i infektuar edhe rektori i Vlorës
Lajme të tjera
-
Shuhet legjenda franceze e kinematografisë botërore, Alain Delon
18 Gusht, 08:09 -
Prej disa ditësh i shtruar në QSUT, aktori Mehdi Malkaj lë spitalin! Si paraqitet gjendja e tij shëndetësore
9 Gusht, 17:18 -
Ndahet nga jeta aktori Vasillaq Godo, themelues i teatrit 'Petro Marko' në Vlorë
21 Maj, 08:15 -
Kush është biznesmenia që i ka rrëmbyer zemrën? Amos Zaharia e zbulon për herë të parë
18 Maj, 09:21 -
Ylli i 'Game of Thrones' Ian Gelder vdes në moshën 74-vjeçare
8 Maj, 17:56 -
Një juri e madhe ngre sërish akuza penale për aktorin Alec Baldwin
20 Janar, 08:44 -
Fitoi 'Oscar', gjendet i vdekur në makinë aktori i filmit "Parasite"
27 Dhjetor 2023, 08:58 -
VIDEO/ Gëzon Shqiptarët, Tom Holland bën simbolin e shqiponjës me duar
17 Dhjetor 2023, 07:44 -
U gjet i vdekur me duar dhe këmbë të lidhura, si u vra aktori 23-vjeçar i Netflix! Arrestohet si i dyshuar një adoleshent
23 Nëntor 2023, 12:50 -
Romeo dhe Zhuljeta ranë nga ballkoni, drejtori i teatrit të Hungarisë jep dorëheqjen
15 Nëntor 2023, 15:16 -
Ndahet papritur nga jeta ylli i serialit ‘Friends’! Matthew Perry u gjet i vdekur në shtëpinë e tij në Los Angeles
29 Tetor 2023, 08:36 -
Greva e aktorëve të Hollivudit për kufizimin e përdorimit të inteligjencës artificiale
5 Tetor 2023, 17:57
