Pavarësisht rritjes së çmimeve të materialeve të ndërtimit në tregjet e huaja, zhvillimi i sektorit në vend nuk kanë të ndalur, duke regjistruar rekorde të reja. Vetëm në gjashtë muajit e parë të këtij viti, INSTAT raporton se janë miratuar 736 leje ndërtimi, ose 138 leje ndërtimi më shumë se në të njëjtën periudhë të vitit të kaluar. Numri i lejeve të dhëna këtë vit në gjashtëmujor janë më të lartat që prej vitit 2006, ku për periudhën janar-qershor në atë kohë u dhanë 860 leje për ndërtime të reja.
Për shkak të numrit të lartë të ndërtesave të reja, edhe sipërfaqja e dhënë për ndërtime është rritur ndjeshëm në krahasim me vitet e kaluara, duke regjistruar edhe në këtë drejtim shifra rekord. Sipas INSTAT nga janari në qershor sipërfaqja e lejeve të ndërtimit miratuar për ndërtesa të reja ishte 1.6 milionë metra katrorë, nga 1.1 milionë që ishte në vitin e kaluar, dhe nga 655 mijë metër katror që ishte në vitin 2020.
Tirana është në vendin e parë për numrin më të lartë të lejeve të dhëna ndjekur nga Durrësi, më pas është Fieri, Elbasani, Lezha, Korça dhe Vlora. Berati dhe Dibra janë dy qarqet me numrin më të ulët të lejeve të ndërtimit, me nga 9 të tilla secila.
Por pavarësisht këtyre shifrave rekord të regjistruara gjatë muajve të parë të këtij viti, bazuar në të dhëna vihet re një ngadalësim i sektorit në vend. Nëse në tremujorin e parë të vitit u dhanë 397 leje, në tremujorin e dytë u miratuan 339 leje, duke treguar se çmimet e larta të lëndëve të para kanë pasur impaktin e tyre.
Rritja e kostove vlerësohet edhe si një nga faktorët kryesor që po rrit çmimet e apartamenteve në vend e kryesisht në Tiranë, ku edhe në zona larg qendrës një metër katror kushton 1000 euro, ndërsa rekordi mbahet nga ndërtimet e reja në qendër ku metri katror arrin mbi 3000 euro metri katror.
Ndërtimet e reja kanë vlerë financiare rreth 64.9 miliardë lekë, nga 49,7 miliardë lekë që ishte vlera e ndërtimeve në gjashtëmujorin e parë të vitit 2021.
“Në tremujorin e dytë 2022, vlera e përafërt e lejeve të ndërtimit miratuar për ndërtesa dhe punime inxhinierike është 25,9 miliardë lekë, nga 23,1 miliardë lekë miratuar në tremujorin e dytë 2021, duke shënuar një rritje prej 12,1 %”, thuhet në raportin e INSTAT.
Numri i lejeve të ndërtimit
Janar-Qershor 2021 598 leje ndërtimi
Janar-Qershor 2022 736 leje ndërtimi
Diferenca +138 leje ndërtimi
Lejet e ndërtimit në 2022
Janar-Mars 2021 251 leje ndërtimi
Janar-Mars 2022 397 leje ndërtimi
Prill-Qershor 2021 347 leje ndërtimi
Prill-Qershor 2022 339 leje ndërtimi
Lejet e ndërtimit sipas gjashtëmujorëve
2006 860 leje ndërtimi
2007 213 leje ndërtimi
2008 518 leje ndërtimi
2009 719 leje ndërtimi
2010 393 leje ndërtimi
2011 646 leje ndërtimi
2012 37 leje ndërtimi
2013 62 leje ndërtimi
2014 104 leje ndërtimi
2015 113 leje ndërtimi
2016 163 leje ndërtimi
2017 298 leje ndërtimi
2018 491 leje ndërtimi
2019 584 leje ndërtimi
2020 393 leje ndërtimi
2021 598 leje ndërtimi
2022 736 leje ndërtimi
Sipërfaqja e ndërtimeve të reja
Janar-Qershor 2022 1,693,033 metër katror
Janar-Qershor 2021 1,143,573 metër katror
Janar-Qershor 2020 655,939 metër katror
Vlera e ndërtimeve të reja
Janar-Qershor 2021 49,715,453,000 lekë
Janar-Qershor 2022 64,934,727,000 lekë
Diferenca +15,219,274,000 lekë
A.M./LR/Shqiptarja.com
Sondazhi i ditës:
Si e vlerësoni funksionimin e Gjykatave dhe Prokurorive në qarqe?
-
Mirë
25%
-
Keq
60.8%
-
Nuk e di
14.2%
Vota total: 1617
Lajme të tjera
-
Ndërtuesit çojnë në Kushtetuese referencat e reja në Tiranë: U shtuan kostot, ka fuqi prapavepruese! Gjykata vendos më 18 qershor
22 Prill, 15:19
-
Biznesi i preferuar i shqiptarëve arrin 650 milionë euro, rritet sërish numri i kafeneve, rekord në Europë
22 Prill, 07:25
-
Shkodër, po riparonte apartamentin, 40-vjeçari rrëzohet nga kati i katërt i pallatit
20 Prill, 13:33
-
Më shumë të rinj të papunë, Pedagogu: Nuk studiohet nevoja e tregut! Rinia të mbështetet me grante
17 Prill, 16:52
-
Eksportet në krizë/ INSTAT: U tkurrën me mbi 22% në tremujorin e parë të vitit! Industria e tekstileve ‘në kthetrat’ e zhvlerësimit të euros
17 Prill, 14:51
-
Niveli më i ulët prej vitit 2021, inflacioni zbret në 2.3 %! INSTAT: Mallrat po shtrenjtohen, përveç karburantit
8 Prill, 16:51
-
Ekonomia u rrit me 3.4% në vitin 2023! INSTAT: E rriti ndërtimi e pagat e shtetit! Bujqësia në krizë, bumi turistik nuk rriti konsumin
2 Prill, 14:53
-
Zaloshnja: 465 mijë 15-64 vjeçarë as punonin e as kërkonin punë në fund të 2023-shit, 26% më pak se në fund të 2021-shit
27 Mars, 16:38
-
Viti 2024 po thellon krizën e sektorit të manifakturës! Në janar dhe shkurt eksportet e tekstileve ranë 38 mln €
24 Mars, 20:49
-
Eksportet nuk ‘ngrenë kokë’, u ulën me 16% në muajin shkurt! INSTAT: Importet u rritën me 7.9% në muajin e kaluar
18 Mars, 17:11
-
Në muajin shkurt çmimet në vend u rritën me 2.8% aq sa në vendet e BE
18 Mars, 16:43
-
Administrata ofron shërbimet online dhe bën shumë pushime! Si ka ndryshuar numri i të punësuarve në shtet
15 Mars, 07:17