Për të 4-tën ditë radhazi, qytetarët u mblodhën sot për të protestuar kundër ndërtimit të resortit luksoz në Zvërnec.
Itinerari i ndjekur dhe në 3 protestat e tjera, nga sheshi ‘Skënderbej’ ku bëhet grumbullimi te kryeministria, nuk ndryshoi as sot pavarësisht masave të marra nga Policia e Shtetit për shkak të ndeshjes miqësore që u zhvillua në ‘Air Albania’ mes Shqipërisë dhe Izraelit.
Fillimisht, protestuesit marshuan drejt kryeministrisë, por pranë ‘Hotel Dajti’ u përballën me disa barriera që tregonin ndalimin e kalimit më tej si dhe me një kordon policie. Protestuesit arritën të depërtonin efektivët ndërsa menjëherë përballë tyre u pozicionuan 3 autobotë me ujë, të cilët qytetarët përsëri i bënë rezistencë.
Autobotët u tërhoqën ndërsa protestuesit vijuan marshimin te kryeministria me thirrjet ‘Narta është e jona’, ‘Mos ma prekni Nartën’, ‘Edi Rama jep dorëheqjen’ e ‘Sali Berisha në burg’.
Pasi u larguan nga kryeministria, protestuesit u shpërndanë nëpër Tiranë ku i bënë thirrje qytetarëve që ndodheshin nëpër kafe e në automjete që t’i bashkoheshin në tubim. Një tjetër marshim u zhvillua përsëri në bulevardin ‘Dëshmorët e Kombit’ ku më pas protestuesit shkuan përpara selisë së Partisë Demokratike duke thirrur “opozitë e shitur”.
Një protestë simbolike kundër ndërtimeve në Zvërnec u zhvillua dhe në Vlorë e Durrës, ku pjesëmarrja ishte më e ulët. Protesta e radhës pritet të mbahet përsëri ditën e nesërme po në orën 18:00.
Duket se protesta e sotme ende nuk ka përfunduar. Protestuesit, pasi u shpërndanë me grupe në disa zona të Tiranës, kanë marshuar përsëri drejt bulevardit ‘Dëshmorët e Kombit’ ku dhe kanë kaluar përpara kryeministrisë. Ata u drejtuan drejt selisë së Partisë Demokratike duke thërritur në kor “opozitë e shitur” dhe 'Sali komunisti'.
Pasi u larguan nga kryeministria, grupe protestuesish janë shpërndarë nëpër kryeqytet. Disa prej tyre u ulën në ‘Sheshin Skënderbej’ e të tjerë u kërkuan qytetarëve që ndodhedhin nëpër kafe tu bashkoheshin.
Të tjerë bllokuan rrugën duke ndaluar automjetet, ndërsa një tjetër grup ka shkruar te selia e PS. Protestuesit janë nisur dhe drejt zonës së ‘Bllokut’ me thirrje që qytetarët t’iu bashkohen ndërsa në kor thërrasin ‘Shqipëria e shqiptarëve, vdekje tradhtarëve’.
Qytetarët e ngritur në protestë kundër ndërtimit të resortit luksoz në Zvërnec janë përplasur me kordonin e forcave të policisë, i vendosur te ‘Hotel Dajti’ me qëllim për të mos lejuar marshimin te kryeministria dhe si masë e marrë për shkak të ndeshjes miqësore që zhvillohet në mbrëmje në ‘Air Albania mes Shqipërisë dhe Izraelit. Protestuesit po tentojnë të çajnë kordonin me qëllim vijimin e marshimit drejt kryeministrisë. Policia ka afruar në zonë autobotë me ujë me qëllim shpërndarjen e tyre.
Komente
Lajme të tjera
-
'Zvërneci'/ 'Sfida s’është të derdhet beton mbi kokat e flamingove’, Rama për CNN: Nuk ekziston ‘Ishulli i familjes Trump’, po sulmohemi nga armiqtë dhe konkurrenca
3 Qershor, 21:25 -
Sazani ‘New Epstein Island’, influenceret rusë ndezin propagandën kundër investimeve në Shqipëri! Nacionalistët grekë e kthejnë Zvërnecin në vorioepiriot
3 Qershor, 20:09 -
‘Zvërneci’- Rama publikon pamjet e 2 projekteve të realizuara nga 2 vëllezërit nga Katari: Kështu e kuptojnë zhvillimin në harmoni me natyrën ata që tronditën armiqtë e Shqipërisë europiane
3 Qershor, 18:41 -
Petro Koçi analizon protestat për Zvërnecin: Të gjithë ata që nuk e duan Shqipërinë janë kundër këtij investimi
3 Qershor, 18:25 -
Vrasja e 14-vjeçarit Martin Cani, Gjykata e Apelit rihap hetimin! Raport psikologjik për autorin dhe të miturin që mbeti i plagosur
3 Qershor, 18:04
-
Mersini mungon te ‘Territorialja’, Zhupa: Ka frikë të japë llogari për Zvërnecin! Mazniku: S’jemi këtu për t’u bërë gjyqin kryetarëve
3 Qershor, 17:25 -
Investimi në Zvërnec, Braçe: Rrethimi i bregut të detit i paligjshëm, toka është tjetërsuar nga zyrtarë të korruptuar
3 Qershor, 16:56 -
Trafik armësh drejt Anglisë, GJKKO dënon me 13 vite burg Adulla Hoxhajn dhe me nga 12 vite Admir Tutajn e Bojken Turtullin! Të pandehurit përfitojnë nga gjykimi i shkurtuar
3 Qershor, 16:48 -
38-vjeçari i plagosur nga shpërthimi i lëndës plasëse në Përmet mbërrin me helikopter në Tiranë (VIDEO)
3 Qershor, 15:54 -
Trajner i ri, halle të vjetra! Shqipëria humbet 0-1 nga Izraeli në Tiranë, provokime dhe përplasje në fushën e 'Air Albanias'
3 Qershor, 15:45
-
Berisha mbron resortin në Zvërnec: Mbështesim investimet e huaja! Sulmon protestën pas thirrjeve të qytetarëve që të shkojë në burg: Mjerim
3 Qershor, 15:28 -
‘Zvërneci’/ Rama: Protesta, luftë hibride, orkestrohen situata duke përdorur çështjet mjedisore! S’kam asnjë arsye t’ia heq qafe Shqipërisë këtë projekt
3 Qershor, 13:02
VLORA. .VLORA...VLORA....BJERI O TE LUMTE DORAAAAAA......
Përgjigju