Ka një detaj të papërsëritshëm në atë që Lulzim Basha ka bërë me taksën e lejes së ndërtimit në katin e 13-të të pallatit të tij në Tiranë. Pasi i ka dhënë leje vetes, mbi një pasuri që është e gjithë banorëve, dhe pasi ka kontraktuar një kompani ndërtimi për ta zhvilluar tarracën, në momentin e zbardhjes, ai nuk e ka paguar taksën vet si përfitues i pronës, por ja ka mbajtur kompanisë nga tepricat e taksës së infrastrukturës që ajo i detyrohej bashkisë.
Bëhet fjalë diku për për 170 mijë lekë të reja, një shumë dhe një gjest që ilustrojnë më së miri karakterin e një politikani skuth, që nuk fut dorën në xhep as për një taksë formale për shtëpinë e tij.
Gjithë historia tjetër e Lulzim Bashës është histori banale gënjeshtrash, nepotizëmi në drejtim të bashkisë me njerëzit e gruas, dhe sistem gjobash për metër katrorë.
Por kjo që nuk paguan as taksën, është histori karakteri. Ky është karakteri i tij. Një kryetar bashkie që nuk zbardhte asnjë leje pa paguar tek Kunati, një njeri që ndërkohë ishte emëruar dhe kryetar opozite, muaj të tërë, e ka kaluar ditën, se si të manovronte që të mos paguante 170 mijë lek të reja taksë mbi tarracën e zaptuar të pallatit.
Dhe këtu fillon lumi i gënjeshtrave të tij.
Gënjeshtra e parë. Në përpjekje për t’u shfajësuar për konfliktin e interesit që ka duke i dhënë leje vetes, dhe duke mos paguar as taksën, mendon se është alibi fakti që nuk ka filluar ende punimet në katin e 13-të. Kjo është si kjo historia fantazëm e “Unazës së Re”, që meqënëse ajo shoqëria me letra fallco nuk ka filluar punë, nuk është krim që ka fallsifikuar letrat. Dhe Lulzim Basha, meqënëse i ka dhënë leje vetes, meqënëse ka zaptuar tarracën, meqënëse është në konflikt interesi të pastër verifikuar nga ILKPD, meqë ka shmangur pagimin e taksës, e quan veten të pafajshëm, se nuk e ka finalizuar ndërtimin e katit 13-të.
Gënjeshtra e dytë. Edhe gënjeshtra e dytë, lidhet me të parën, pra me gënjeshtrën që ai nuk ka ndërtuar. Në fakt Basha ka leje për të ndërtuar në mënyrë të paligjshme në katin e 13-të, por ka ndërtuar ndërkohë pa leje në katin e 12, duke shtuar katër dhoma. Në katin që ai ka nën pronësi, bashkë me vjehrrin, gjatë ndërrimit të pushtetit në vitin 2013, kur Berisha po e emëronte kryetar partie, ai ka shtuar pa leje katër dhoma. Pra aq sipërfaqe sa do të bënte me leje në katin e 13-të, i ka bërë pa leje në katin e 12, duke u zhytur totalisht në paligjshmëri. Kjo është dhe arsyeja që ai është aleat me banorët e Astirit cdo natë, pasi ata i duken si vetja e vet që ka ndërtuar pa leje. Por ndërsa ata të shkretët kanë ndërtuar për mbijetesë, ky ka ndërtuar për luks, përë të qenë më komod me vjehrrin komshi.
Gënejshtra e tretë ka të bëjë me Tabakun. Edhe kjo si nënkryetare bashkie, i ka dhënë leje vetes në një nga zonat më të shtrenjta të Tiranës, por në përpjekje për ta mohuar, thotë se leja ka dalë në vitin 2014 kur ajo nuk ishte më. Zbardhja e lejes dhe fillimi i procedurës lejes janë gjëra të ndryshme. PDV1, dhe PDV2 janë filluar qartazi në kohën që ajo ishte nënkryetare bashkie dhe kanë përfunduar kur ajo kishte ikur nga nënkryetare, por që në Bashki leja njihet si “Leja e Joridës”.
Tani unë nuk jam shumë i shqetësuar për thellësinë e këtij krimi ligjor, se Shqipëria është e mbushur me paligjshëmri të tilla, por me cilësinë e këtij krimi. Po ta shikosh me se e ka shpenzuar kohën Lulzim Basha dhe vartësit e tij në bashki, e kupton pse Tirana u qelb, u shkatërrua dhe u bë qytet i pajetueshëm. Një kryetar bashkie dhe stafi i tij që kanë pasur gjithë ditën mendjen, si të shtojnë ndonjë kat për vete, si të mos paguajnë atë taksën e qelbur që është një gjysëm wikendi në Holandë, si të ndërtojnë pa leje, si të punësojnë gjithë fisin e gruas në bashki etj, tregon realisht se kush na ka qeverisur dhe kush kërkon të na qeverisë.
Gjithë axhenda e tyre, ditore, javore dhe vjetore, tregon shqetësimet e tyre reale, fantazinë e tyre, dimensionin kulturor të tyre dhe mbi të gjitha skuthllëkun politik, për të harxhuar mandatin e një force të madhe politike si PD, për ca shtesa kati, ca taksa të papaguara dhe ca ndërtime pa leje. Më banal nuk bëhet./TemA/
Komente
Lajme të tjera
-
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
po tamam sa TURP! Por ku kane turp kjo lloj rrace politikanesh qe vodhen e vjedhin perdite dhe nga ana tjetet bejne moral...Cfare mostrash....jo ne Hollande te jete kulturuar ky , por edhe gjithe te tjeret... nuk behen dot njerez me vlera. E dine valle cjane VLERAT NJEREZORE!Morali!
PërgjigjuPo mire i beri keto shkelje cfare bejne riqiresat?mbajne statistikat?si dhe i paguajne demshperblim per pallatin e Vlores?ja pra PS kjo force politike qe erdhi ne pushtet per te "bere shtet" cfare ben gjashte vjet ne fuqi?apo pengon prape Saliu?po pas pese vjetesh te tjere prape do pengoje Saliu?
PërgjigjuNe nje shtet demokratik si Shqiperia qe dalin hapur vjedhjet,krime kunder shtetit dhe qytetareve askush nuk denohet.Por me e keqja eshte se keto kriminele demshperblehen per keto krime pergjigjen e gjen vetem me medimin se te gjithe jane bashkpunetore ne krim.
PërgjigjuRadiografi native pa kontrast,do thoja une,te behej me kontrast do dilnin te palara edhe me shume. Eshte praktike qe cdo investor e bene me Bashkite duke ju dhene hyrje ne shkembim te lejes per ndertim. Me te mira
PërgjigjuNjë Mu. jan të dyja palët. PS dhe PD shto dhe Mu... e vogël Lsi që ju ngjitet pas këpucëve sa herë vjen era pushtet.
PërgjigjuSakte!
Përgjigju