Përfundon ndërtimi i 5 fidrave të rinj me dalje nga nënstacioni i Spitallës.

I gjithë investimi i kryer me fonde të OSHEE shkon në 1.5 milion euro, ndërkohë që është kryer rikonstruksioni i 9 kabinave së bashku me shtrimin e kabullit të tensionit të mesëm 20 kilovolt me gjatësi 22.3 km.

Fidrat janë lidhur në sistem unaze dhe kanë përmirësuar ndjeshëm furnizimin me energji elektrike të qytetit të Durrësit.

Administratori i OSHEE-së, Adrian Çela pasi ka inspektuar punimet që janë kryer në nënstacion tha se nuk do të ketë më ndërpreje të energjise në Durrës dhe sigurohet mbarëvajtja e sezonit turistik

OSHEE ka planifikuar investime të tjera për rajonin e Durrësit ku më i rëndësishmi është ai për ndërtimin e katër fidrave të rinj në Shkozet së bashku me rikonstruksionin e 65 kabinave me vlerë 4 milion euro.

Për të përballuar ngarkesën gjatë sezonit turistik OSHEE ka planifikuar ndërtimin e dy fidrave të rinj në zonën e plazhit si dhe ndërtimin e një nënstacioni elektrike në Gjirin e Lalëzit.

Redaksia Online
XH,K/shqiptarja.com