Asnjë banderolë apo objekt me simbole etnike Shqiptare nuk do të lejohet në stadium mbrëmjen e sotme në ndeshjen e shumëpritur me Serbinë. Kështu bën me dije policia e Elbasanit pas takimit që krerët e Shtetit kanë bërë me përfaqësues të UEFA-S

Për   të  gjithë   tifozët  që  kanë  prerë  biletat  për të parë ndeshjen në  Stadium  do  nuk të  lejohen:

Banderola  me   mbishkrimin  “Shqipëria  Etnike”
Asnjë  bluzë  ose  shall  me   simbolet  e  Kosovës.
Asnjë   bluzë  ose  Shall   me   mbishkrimin  “Harta  Etnike”
Asnjë   bluzë  ose  Shall   me   mbishkrimin  “Shqipëria  Autoktone”
Asnjë   bluzë  ose  Shall   me   mbishkrimin  e  ndonjë  heroi   të  Kosovës.

Lejohen vetëm:
Shalli  me   flamurin  Kuq e   Zi
Bluza, ose   shalle  të  stampuara  vetëm  me flamurin  dhe   simbolet   “Kuq e  Zi”
Flamuri   Kombëtar  dhe  asnjë    banderolë   tjetër.
Shalli   me  mbishkrimin “Plisat”

Përvec këtyre 
Të  gjithë  sportëdashesit  që do të  marrin pjesë  në këtë aktivitet, të  jenë  të  pajisur me  kartë  identiteti  dhe  të mos kenë me vete dhe:
a) sende të forta,
b) shishe (të  cfarëdolloji)
c) fishekzjarre
d) monedha  apo  metale  (të  cfarëdolloji)
e) çelësa  të  ndryshëm
Në të kundert NUK do të lejohen   të  futen  në stadium.

Akset e Bllokuara 
Sot në orën  08:00  do të  bllokohen  disa  segmente  rrugore si dhe   do   të  ndalohet   qarkullimi   I   mjeteve në  këto  akse  rrugore,  konkretisht:

Bulevardi “Qemal  Stafa”  që   fillon  nga  Posta  deri  në  dalje  të  unazës  për  në  Librazhd
Bulevardi  “Aqif   Pasha”,  që  fillon  nga  1 Maji  deri  tek  ish-konservimi  i   vjetër
Nga  ish-konservimi  I  vjetër  deri   tek   Harullajt
Nuk   do  të  lejohet  parkimi  I  mjeteve nga rrethrrotullimi i luleve deri tek rrethrrotullimi i Zaranikës.   
Nuk  do  të  lejohet  parkimi  i  automjeteve   përreth  dhe përballë   stadiumit.
Nuk  do  të  lejohet    lëvizja    dhe  parkimi  I  mjeteve  në   dy  Bulevardët  Kryesorë

Në njoftimin e saj policia bën me dije se hyrj do tyë fillojë në orën 16:30 dhe  do  të  mbarojë  në  orën  20:15, me qëllim shmangien e radhëve të gjata  në  hyrje për  në Stadium.

Lidhur me ndeshjen do të angazhohen   2300  punonjës  policie,  nga  këto  365  punonjës  policie  do  të  jenë  nga  Drejtoria  e  Policisë  Qarkut  Elbasan.Nuk do te lejohet marrja e femijëve të  mitur pa u pajisur me biletë. Policia bën me dije se në hyrje të stadiumit  do  të  kontrrollohen të  gjithë  sportëdashësit.

Të gjitha lokalet  që  ndodhen, përreth  Stadiumit, në Bulevardin  Aqif  Pasha,  nga  Stadiumi  deri  tek   Shatërvani,  nga  ora   12:00   dhe  deri   në  përfundim  të   ndeshjes   do   të  jenë  të  mbyllura. Në  të gjitha  ambientet dhe  pallatet   përreth   Stadiumit,  nuk  do  të  lejohen  persona që  nuk  janë    banorë  të  këtyre  të  këtyreambienteve   dhe    nuk  do  të  lejohen  persona  të  huaj  të  futen   në  to.

Drejtoria Policisë  Elbasan i  kërkon qytetarëve që   sot  të   minimizojnë  lëvizjen e tyre me automjet   brënda  qytetit  të  Elbasanit, c’ka do të   sillte   një  ndihmesë  të madhe  në  zhvillimin  sa  më  normal  të   këtij  aktiviteti.

Redaksia online
(s,m/shqiptarja.com)