Ndeshja Skënderbeu-Tirana rrezikon
të mos luhet, shkak çmimi i biletave

Ndeshja Skëndërbeu-Tirana rrezikon të mos luhet ditën e nesërme. Ky alarm vjen nga Federata Shqiptare e Futbollit, e cila njofton përmes një deklarate se "është e shqetësuar për çmimin e biletave për tifozët e Tiranës".

Sipas njoftimit të FSHF, çmimi i biletës për tifozët e Tiranës do të jetë i ndryshëm nga ai i tifozëve të Skënderbeut. Për tifozët e ekipit bardheblu është vendosur çmimi i biletës prej 1000 lekësh.

"Ky është një lloj diskriminimi krejtësisht i papranueshëm dhe i paprecedentë në futboll", thekson Federata Shqiptare e Futbollit.

Në statutin e FSHF shkruhet: “Diskriminimi i çdo lloji kundër një vendi tjetër, personi privat ose grupi njerëzish në lidhje me origjinën etnike, gjinore, gjuhën, fenë, politikat ose ndonjë arësye tjetër është krejtësisht e ndaluar dhe dënohet me pezullim, përjashtim ose ndonjë vendim tjetër disiplinor”.

FSHF kërkon që ekipi i Skënderbeut të marrë urgjentisht masa për të vendosur një çmim të barabartë mes dy tifozërive, në të kundërt ndeshja nuk do të zhvillohet.
 
 

(v.gj/shqiptarja.com)

/Shqiptarja.com
  • Sondazhi i ditës: 18 Shkurt, 07:09

    Sulmet nga Berisha, sipas jush a rrezikon SPAK të shkrihet?



×

Lajmi i fundit

Deklarata e përbashkët për të mbështetur Ukrainën, Partia e Melonit nuk e nënshkruan

Deklarata e përbashkët për të mbështetur Ukrainën, Partia e Melonit nuk e nënshkruan