Ish-deputeti Nard Ndoka, i ftuar në emisionin 'Repolitix' të gazetarit Denis Minga në Report Tv, deklaroi se ka informacione se dy deputetë që janë sot në Kuvendin e Shqipërisë në listën e qarkut Shkodër kanë paguar te Basha një shumë të konsiderueshme parash që u futën në minutat e fundit duke shmangur Ndokën.
Ndoka teksa foli për situatën në PD, tha se ish-kryeministri Sali Berisha sot ka ngritur një kauzë të rëndësishme ndërsa shtoi se nuk e ka për mbrojtje personale. Ndoka u shpreh se Berisha e ka ndërmarrë këtë aksion si një ndjesë ndaj demokratëve pasi ka mbështetur Bashën. Për këtë të fundit, ish-deputeti deklaroi se sado që të ketë mbështetjen e SHBA, ai nuk vjen më kurrë më në pushtet se demokratët nuk e votojnë dhe askush nuk bën koalicion me të.
"Basha është interesant, tinëzar, ja kam thënë gjërat në sy, i kam kërkuar transparencë për marrëveshjen me Ramën në 2017. Vendosi me Ramën që ne mos të merrnim pjesë në zgjedhje. Thoshte që ka firmosur një marrëveshje që ishte në interesin e të gjithëve. Ja kam thënë në sy.”-tha ai.
Sa i përket bojkotit të zgjedhjeve lokale të 2019, Ndoka deklaroi se i ka thënë Bashës që po bën gabimin më të madh. Ndër të tjera theksoi se Basha duke qenë kaq mashtrues, sa ka arritur të presë në besë dhe të mashtrojë dhe Berishën.
“Këtë e prodhoi Berisha në serë, një politikan që prodhohet në serë, pa patur ballafaqim, konkurrencë.” - tha Ndoka në Report Tv.
I pyetur nëse ekziston mundësia për një konfrontim mes dy grupimeve në PD, Ndoka u shpreh se baza e PD është në mbështetje të plotë të Berishës.
"Mbështetja ndaj bashës është në minorancë të tejskajshme. Delegatët s'janë anëtarë të thjeshtë, janë shtylla kurriozre e një partie politike. Është makineria elektorale. Këto delegatë janë shumicë dërrmuese me Berishën."-tha Ndoka.
Ndërsa për përplasjen e mbështetëses së Bashës sot me mbështetësen e Berishës, Evi Kokalarin në selinë blu, Ndoka tha se zonja që akuzoi Kokalarin ka qenë punonjëse bashkie në kohën e Bashës, ndërsa shtoi se ky i fundit po e përdor atë.
"I paska bërë nder, shyqyr që i paska bërë Basha nder dikujt, sot e përdor. Nxjerr një zonjë që ka hallet e veta. Ndërsa për bravat, janë akte primitive"-tha Ndoka.
Ndoka theksoi se nëse Basha do kishte fituar më 25 prill, këto situata nuk do kishin ndodhur dhe nuk do ishin diskutuar asnjëherë. Ndoka u shpreh se me Lulzim Bashën PD nuk vjen kurrë në pushtet sado të ketë mbështetjen e SHBA.
“Të ketë gjitha mbështetjet bashkë, nuk vjen në pushtet se është lider i shkatërruar. Asnjë nga aleatët nuk futet në koalicion më Lulzim Bashën. Kapitulli i Bashës mbyllet me turp.”-tha Ndoka.
Për Berishën Ndoka tha se ai ka treguar se nga humnera ngrihet dhe del fitues.
“Ai ballafaqohet me gjithçka. Kanë qenë ide dhe lëvizje në vazhdimësi. Ka mundur Ramiz Alinë, Fatos Nanon, Edi Ramën, Lulzim Bashën, dhe po rikthehet dhe njëherë që t’i mundë të gjithë Bashkë.”-tha Ndoka.
Komente
Lajme të tjera
-
Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille
27 Nëntor, 22:55 -
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Spahiu: Meqë Berisha kërkon qeveri teknike me PS, uroj që Rama ta bëj ministër 4 vite
27 Nëntor, 22:41 -
Spahiu: Lirimi i Berishës nuk është vendim pafajësie por thjesht masë sigurie
27 Nëntor, 22:38 -
Po tani, ka drejtësi zoti Berisha ?
27 Nëntor, 22:37
-
Kërkesa e opozitës për qeveri teknike, Alimehmeti në 'Repoltix': Duhet vullnet politikë nga PD dhe PS! Zarat janë hedhur! Faik Basha: E nevojshme
27 Nëntor, 22:25 -
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi
27 Nëntor, 21:51
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Prag feste, Rama ndan fotoalbumin e fëmijëve veshur kuqezi
27 Nëntor, 21:35
More Ndoke nuk e kupton,qe fitonte ose jo zgjedhjet PD,Berishes ia kishin prere bileten?!
PërgjigjuÇ e madhe e shtypit ç e vogel e shtypit Qekiqi
Përgjigju