POP 5

Lajmet më të lexuara të 5 minutave të fundit

Bota

Ndotja arrin nivele alarmante në Delhi, autoritetet japin alarmin

Ndotja e ajrit në kryeqytetin indian këtë javë arriti rekorde që do të mbesin mister, pasi aparaturat nuk janë në gjendje të masin nilvein e lartë të smogut.
Ndotja arrin nivele alarmante në Delhi, autoritetet japin alarmin

Ndotja e ajrit në Dehli

Ndotja e ajrit në kryeqytetin indian këtë javë arriti rekorde që do të mbesin mister, pasi aparaturat nuk janë në gjendje të masin nilvein e lartë të smogut.

Prej disa ditësh, një mjegull e trashë toksike mbulon Delhin, muaj përpara sezionit tradicional të ndotjes në qytet. Autoritetet indiane thanë se disa prej aparaturave matëse të vendosura në zona të ndryshme të qytetit treguan shifrën 999 në ekranet e tyre, më e larta që ato mund të masin përsa i takon përqendrimit të grimcave të dëmshme në ajër.

Një stuhi rëre që u formua në rajon sigurisht që ka përkeqësuar situatën, por ekspertët thonë se ndotja e vetë qytetit është faktori kryesor. Cilësia e ajrit në Delhi zakonisht përkeqësohet ashpër në tetor, kur erërat e ngadalta dhe temperaturat më të ulta bëjnë që ndotësit të qëndrojnë më pranë tokës. Por nivelet e pamatshme të ndotjes të kësaj jave kanë shkaktuar panik në popullsi, që kërkon me forcë masa nga autoritetet.

Këto të fundit kanë ndaluar ndërtimet në kryeqytet dhe zonat rreth tij, ndërsa mjekët këshilluan njerëzit që të qëndrojnë në ambiente të mbyllura. Kritikët thonë se autoritetet nuk po bëjnë sa duhet, pasi sipas një plani të vitit 2017, nëse ndotja do të arrinte nivele të tilla, në qytet nuk duhen lejuar kamionët si dhe duhen ndalur industritë ndotëse e gjeneratorët diezel, masa që nuk janë marrë.

Një studim i vitit 2015 tregoi se gjysma e 4,4 milionë nxënësve në Delhi kanë zhvillim jo të plotë të mushkërive që nuk do të riparohet kurrë, duke treguar qartë se fëmijët janë më të prekurit nga ndotja e theksuar në kryeqytetin indian.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50