POP 5

Lajmet më të lexuara të 5 minutave të fundit

Sport

Ndryshime radikale, ja kushtet që ka vendosur Guardiola për të qëndruar te City

Pep Guardiola vendos kushte për të qëndruar në pankinën e Manchester City. Trajneri spanjoll kërkon të bëjë ndryshime radikale në skuadër dhe në staf. Guardiola ka vendosur si kusht po ashtu tre blerje në verë në të kundërt mund të largohet përpara përfundimit të kontratës.

Ndryshime radikale, ja kushtet që ka vendosur Guardiola për të qëndruar te City

Ndryshime rrënjësore në skuadër dhe tre blerje cilësore. Këto janë dy kushtet e Pep Guardiolës për të qëndruar tek Manchester City. Teknikut spanjoll i mbaron kontrata me Manchester Cityn në verën e vitit 2021 por sipas mediave angleze spanjolli mund të braktisë pankinën e kampionëve të Anglisë në fund të këtij sezoni pasi ka një klauzolë në kontratë. Dhe në këtë pikë drejtuesit e Manchester City-t duhet t’i plotësojnë disa kërkesa që të evitojnë largimin para kohë të trajnerit të famshëm.

Vetë Pep Guardiola e ka mohuar ekzistencën e kësaj klauzole në kontratë por mësohet gjithashtu se trajneri ka kërkuar ndryshime radikale për të qëndruar në pankinën e City-t. Ndryshime që duhet të jenë si në përbërjen e skuadrës ashtu edhe në stafin teknik.

Gjithmonë sipas burimeve të mediave në ishull Guardiola kërkon tre blerje të reja verën e ardhshme dy mbrojtës dhe një sulmues. Cancelo i afruar gjatë verës nuk po shkëlqen dhe po ashtu edhe Leroy Sane mund të largohet për tek Bayern. 48 vjeçari kërkon të zëvendësojë edhe Mikel Artetën krahun e tij të djathtë që pritet të marrë drejtimin e Arsenalit. Sipas mediave favorit për të qënë zëvendësi i Guardiolës është Rodolfo Borrel./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça