Në Kuvend ka nisur shqyrtimi i disa ndryshime në ligjin bazë të vitit 2015 për përfundimin e procesit të njohjes dhe kompensimit të pronave. Ndryshimet reflektojnë disa detyra që Gjykata Evropiane për të Drejtat e Njeriut dhe Gjykata Kushtetuese i kanë lënë qeverisë për çështjen e pronave, një nga çështjet më të mprehta të tranzicionit në Shqipëri, që ka prodhuar mbi 6 mijë viktima, dhjetëra mijëra gjyqe, konflikte, korrupsion, falsifikime, drama familjare etj.
Pronarët që u është bllokuar prona pas vitit 1945 dhe që nuk kanë mundur t’i rimarrin pas vitit 1991, do të kompensohen në një vlerë jo më e ulët se 10% e vlerës aktuale të pronës. Ky është kufiri i fundit që ka vendosur Gjykata Evropiane e të Drejtave të Njeriut, e ritheksuar edhe nga Gjykata Kushtetuese. Kjo formulë do të zbatohet jo vetëm për vendimet përfundimtare për njohjen dhe kompensimin e pronave, por edhe për rreth 7 mijë kërkesa të pa trajtuara, për njohjen e së drejtës së pronës. Shqyrtimi i 7 mijë kërkesave është vendosur si detyrim nga Gjykata Evropiane. Gjithashtu, Gjykata Evropiane e të Drejtave të Njeriut ka kërkuar indeksimin e shumës së kompensimit deri në pagesën përfundimtare.
Vendimet përfundimtare që kanë njohur të drejtën e kthimit e të kompensimit të pronës, kur ka ndryshuar zëri kadastral, vlerësohen financiarisht, duke llogaritur vlerën e pronës të njohur për kompensim, duke u bazuar në zërin kadastral aktual. Më pas llogaritet vlera e pronës së kthyer, të kompensuar fizikisht apo të përfituar në një nga mënyrat e tjera sipas ligjeve që kanë rregulluar kthimin e kompensimin e pronave.
Sipas ndryshimeve ligjore, kur vlera e pronës së kthyer është më e madhe sesa vlera e pronës së njohur për kompensim, atëherë vlerësimi financiar i vendimit përfundimtar që ka njohur të drejtën e kthimit e të kompensimit të pronës është e barabartë me zero lekë dhe në këtë rast personi i shpronësuar konsiderohet i kompensuar. Në rastet kur vlera e pronës së njohur për kompensim është më e madhe sesa vlera e pronës së kthyer, atëherë vlerësimi financiar është i barabartë me 10 % të diferencës, që rezulton, duke zbritur vlerën e pronës së kthyer nga vlera e pronës së njohur për kompensim.
Është vendosur që tokat e përcaktuara për kompensim, që janë pjesë e fondit të tokës, janë të paprekshme, ku asnjë organ administrativ apo gjyqësor nuk mund të disponojë mbi këtë fond. Është përcaktuar gjithashtu që dosjet e pashqyrtuara, duhet të shqyrtohen brenda datës 12 dhjetor 2024. Radha e shqyrtimit do të jetë nga kërkesat më të hershme.
(Kliko këtu për të lexuar dokumentin e plotë)
Komente
Lajme të tjera
-
Pronat e patundshme “rrëmbejnë” 25% të investimeve të huaja! ‘Turistët’, shtëpi në Tiranë e bregdet
11 Shtator, 16:12
-
Vlorë, të huajt po blejnë apartamente në bregdet! Kërkesa rrit çmimet, shkon 4 mijë €/m2 te zona e Ujit të Ftohtë
24 Korrik, 17:09
-
Mungesa e çertefikatave të pronësisë në Shqipëri, pengesë për zhvillimin
23 Qershor, 19:27 -
Tjetër rivlerësim i pronave, eksperti për Report Tv: Vendim pozitiv, por s'rregullon informalitetin në treg! Të ulet tatimi 15% për shitjen
15 Maj, 16:58
-
As një e pesta e pronave në Kosovë nuk zotërohet nga gratë
28 Dhjetor 2023, 13:01 -
Analiza e specialistëve të BSH, ja rritja e çmimeve të pronave në zonat kryesore
6 Qershor 2023, 07:08 -
Vendimet e Qeverisë/ Kompensimi i pronave, Manja: Do t’i kthehen ish-pronarëve që u janë konfiskuar, ose marrin kompensim
24 Maj 2023, 13:16 -
Sherr për pronat në Elbasan, arrestohet 34-vjeçari! Tentoi të vriste fqinjin duke e goditur me makinë dhe levë (Emrat)
18 Maj 2023, 09:46 -
Rivlerësimi i 4672 vendimeve të pronave rrit kompensimin me 160 milionë euro
20 Shkurt 2023, 07:14 -
Gati projektligji! Nga tokë bujqësore në truall, rritet masa e kompensimit! Ish-pronarët pritet të paguhen deri në vitin 2026
4 Prill 2022, 21:00
-
Rrëfimi i Artan Lames: 6 vjet nga kthimi nga vdekja! Oligarku erdhi për një konflikt prone, ka pasuri pafund, por jo shëndetin
19 Mars 2022, 09:06
-
Shtetasit e huaj dhe emigrantët blenë një të tretën e pronave të shitura në gjysmën e parë të këtij viti
28 Shtator 2021, 07:58
Ky po qe eshte shkrim. Tipik investigim. Bravo Tiku.....
PërgjigjuCa 10% pse te paguaj shteti pronat qe u ka dhene turku para 200 vjetesh,,te ndiqet e njejta forme si atyre te tokes se xanun qe ja prishi Rama pa asnje lloj shperblimi,nuk duhet te paguaj populli lek njerzve qe bejne paligjshmeri
PërgjigjuÇfarë pronash turku thua more, njerëzit i kanë prona të trashëguara brez pas brezi nga të parët,shteti komunist ua mori pa i pyetur dhe tani shteti ka detyrimin ligjor dhe moral t'ua kthejë, madje 10% është shumë pak. Nuk krahasohen ata që zaptuan dhe politika ua legalizoi per vota me ish pronaret që janë në të drejtën e Zotit.