POP 5

Lajmet më të lexuara të 5 minutave të fundit

Ekonomi

Në 10 muaj shpenzimet arritën rekordin 449 mld lekë! Rriten me 38% shpenzimet për investime, ndikoi rindërtimi

Viti 2021 po shënon një tjetër rekord shpenzimesh, të orientuara më së shumti tek investimet. Sipas të dhënave të Ministrisë së Financave në fund të tetorit shpenzimet arritën në 449.6 miliardë lekë duke u rritur me 8.7% në krahasim me vitin e kaluar, ndërsa 33 miliardë lekë janë shpenzimet e i8nteresave për borxhin publik.

Jo vetëm të ardhurat, por edhe shpenzimet këtë vit janë rritur ndjeshëm në raport me vitin që shkoi. Shpenzimet deri në fund të tetorit arritën në vlerën e 449.6 miliardë lekëve, me një rritje prej 8.7% krahasuar me 10 mujorin e vitit 2020, kur ishin shpenzuar rreth 413.5 miliardë lekë.

Sipas të dhënave të Ministrisë së Financave nga janari deri në tetor janë rritur me 38.5% shpenzimet për investime. Konkretisht nga 57.111 miliardë lekë që u harxhuan vjet në këtë vit shpenzimet kapitale kapën shifrën e 79.115 miliardë lekë.

Ndikimin më të madh në rritjen e shpenzimeve për investime e ka pasur procesi i rindërtimit, për të cilin janë shpenzuar këtë vit mbi 22 miliardë lekë.

Ndërsa sa i takon shpenzimeve korrente, për paga, sigurime, pagesa interesash, shpenzime për pushtetin vendor etj, janë rritur me 7.6% krahasuar me 10 mujorin e 2020-ës. Në total shpenzimet korrente ishin 369,855 miliardë lekë.

Në këtë grup janë rritur me 12.3% shpenzimet për interesat e borxhit. Sipas të dhënave të financave deri në tetor janë paguar 32,932 miliardë lekë për interesat e borxhit publik, që është niveli më i lartë i regjistruar që prej vitit 2013. Shpenzimet  për interesat janë shtuar si pasojë e rritjes së borxhit gjatë dy viteve të fundit për shkak të pandemisë COVID-19.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 06/12/2021 02:38

    Prit prit sa te hyje fuqishen Beqja dhe ta coje 200%!!!!

    Përgjigju
  • Qobani: 06/12/2021 00:08

    Për momentin në shkallt e SOJIT jemi te plastika,në shërbim të zotnive me jav rrit buxhetin,prej qeseve e përpjet

    Përgjigju
  • Sidi: 05/12/2021 22:49

    Buxheti shkon per rrush dhe kumbulla ! Vetem interesat e borxhit publik 33 miliard lek ! Kur do te ulet ?Apo do i cojme financat per lesh

    Përgjigju
    • emri: 05/12/2021 23:57

      financat kane ikur per lesh! dhe nderkohe qe populli idiot mendon se keta po i bejne mire atij, keta vec po bejne mire (po mbushin xhepin) s'ka me mire se paret e askujt qe jane paret e te gjitheve ....

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54