POP 5

Lajmet më të lexuara të 5 minutave të fundit

Kronikë

Në 2025 ndërtohet burgu i Kukësit! Merr jetë projekti anti-dronë

9.6 miliardë lekë pritet të jetë buxheti i Burgjeve për 2024, me një rritje 5.2%, por drejtori Klevis Qose kërkoi rreth 1.5 miliardë më shumë për sigurinë fizike, sisteme antidronë dhe pajisjen me armë të të gjithë policëve. Në 2025 pritet ndërtimi i burgut të Kukësit dhe mbyllja e burgjeve të komunizmit

Për vitin 2025, buxheti i Drejtorisë së Përgjithshme të Burgjeve do të jetë më i lartë, por drejtuesi Klevis Qose kërkon shtesë 1.49 miliardë lekë. Në Komisionin e Sigurisë Kombëtare, Qose kërkoi para për përmirësimin e kushteve të sigurisë, përfshirë këtu edhe pajisjen me armë të punonjësve të policisë së burgjeve.

“Buxheti i Përgjithshëm për Sistemin e Burgjeve për vitin 2025 është në vlerën 9.6 miliardë lekë me një rritje prej 5.2% ose 457 milionë lekë më shumë se viti 2024. Sistemit të Burgjeve i nevojiten 1.19 miliardë lekë, për projektet si ai i armëve. 1 miliard lekë për përmirësimin e kushteve fizike të jetesës, nëpërmjet përmirësimit të infrastrukturës në IEVP. 100 milion lekë për sisteme sigurie”, tha Klevis Qose,  Drejtor i Përgjithshëm i Burgjeve

Vitin e ardhshëm janë planifikuar 700 milionë lekë investime, një pjesë e mirë e të cilëve për sistemet antidronë dhe ndërtimin e burgut të Kukësit, përveç pjesës më të madhe të buxhetit që shkon për paga.

Por, sa i kushtojnë në një ditë buxhetit të burgjeve një i dënuar dhe një i paraburgosur? “4417 lekë paraburgosur dhe 3600 lekë dënuar, 131 mijë euro në ditë” tha Klevis Qose.

Aktualisht në burgjet shqiptare janë 5070 të burgosur dhe paraburgosur, numër i cili është ulur për shkak të amnistisë në pranverë të këtij viti. Raporti i personave në qeli me punonjësit e burgjeve është pothuajse në nivelin 1 me 1 pasi janë pak më shumë se 4 mijë punonjës.

Sipas kreut të “Sigurisë” Nasip Naço numri i punonjësve është i lartë dhe duhet reformë, por nga ana e tij kreu i burgjeve tha se me këtë politikë penale që ndiqet nga organet e drejtësisë, deri në fund të 2025-ës pritet që numri të shkoj në mbi 6 mijë.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Visi: 13/11/2024 02:09

    U lumte, keshtu vazhdoni qe cdo qytet te ket burgun e tij... pastaj kaloni neper fshtara.. i pajisni dhe fshatrat me burgjet e tyre.. Ata pak njerz qe do ngelen.. I fusni me arrest shetpie... dhe reston me sherbim prove!!! Shumica e popullsise duke ikur neper bote,ca ne burgje,ca ne kerkim,ca te vdekur,ca te semure dhe u katandisem "kokoshi nje thele"ska nevoje per çubrilloviçin edhe as zerven se i bejm vet te gjitha!!!per permbyllje na sjellen francezet skyecc dhe encro qe te sistemohemi me njeri tjtrin po qe se i shpeton dumanit!!!

    Përgjigju
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48