Afro 900 milionë euro (89.8 mld lekë) janë shpenzimet e planifikuara për pushtetit vendor në vitin 2025. Krahasuar me buxhetin e rishikuar të këtij viti bashkitë do të marrin vitin e ardhshëm 10.5 miliardë lekë më shumë. Ndërkohë transferta që 61 bashkitë do të marrin nga buxheti i shtetit për vitin e ardhshëm do të jetë 43.1 miliardë lekë nga 36.5 miliardë lekë që janë të planifikuara për këtë vit.
“Në total, në vitin 2025, granti nga buxheti i shtetit për pushtetin vendor do të jetë në shumën 43.1 miliardë lekë nga 36.5 miliardë në 2024 me një rritje prej 6.6 miliardë lekësh ose me një rritje prej 18%”, thuhet në relacionin e projektbuxhetit.
Bashkive në vitin që vjen do ju jepen si transfertë e pakushtëzuar, 26.2 miliard lekë. kësaj vlere i shtohen edhe 13.2 miliardë lekë transfertë e pakushtëzuar sektoriale që shkon për arsimin, mbrojtjen nga zjarri, administrimi i pyjeve, ujitjen dhe kullimin, rritjen e pagave apo menaxhimin e mbetjeve.
Risia e këtij viti është buxheti që do të shpërndahet në formë granti për bashkitë duke u bazuar në performancën e tyre financiare, në mbledhjen e taksave-tarifave si dhe në transparencën që kanë. Janë 200 milionë lekë (2 mln euro) që do të shpërndahen për bashkitë, përmes një udhëzimi që do të miratohet nga Ministria e Financave dhe Ministri për Pushtetin Vendor.
“Kriteret, procedurat dhe treguesit e performancës që do të përdoren për akordimin dhe shpërndarjen e këtij fondi, si dhe të drejtat e donatorëve do të përcaktohen me udhëzim të përbashkët të ministrit përgjegjës për financat dhe ministrit përgjegjës për pushtetin vendor”, thuhet në aneksin 9 të projektbuxhetit.
Ministria e Financave vlerëson se pushteti vendor ka pasur ecuri pozitive dhe ka bërë progres pas reformës së fundit territoriale. Në relacionin e projektbuxhetit thuhet se bashkitë kanë ulur me 60% detyrimet e prapambetura nga viti 2016 deri në fund të 2023-shit, reduktim që ka vijuar edhe gjatë këtij viti. Konkretisht nga 12.1 miliardë lekë që ishin borxhet e bashkive në 2016-ën ato janë ulur në 4.2 miliardë lekë në fund të muajit qershor të vitit 2024.
Ministria e Financave thotë se fokusi kryesor në vitin e ardhshëm do të jetë tek forcimi i disiplinës financiare për të parandaluar akumulimin e detyrimeve të prapambetura në të ardhmen, të cilat mund të kthehen në një rrezik serioz për njësitë vendore, me ndikim negativ në ekonominë e vendit në tërësi.
Lajme të tjera
-
Fatos Çoçoli: Rilindja e pensioneve?
21 Nëntor, 18:45
-
Rivlerësimi i pasurive të paluajtshme në 2025, pas rritjes së çmimeve së referencës për rrethet!
21 Nëntor, 16:42 -
Komisioni për Veprimtaritë Prodhuese/ Kërkohen amendime për buxhetin 2025! Agron Duka: Fermerët të subvencionohen për primin
21 Nëntor, 16:09 -
Partia e Lirisë propozon 15 Amendamente për Buxhetin 2025: Rritje e pensioneve me 6,5%, rrogave me 6,2% dhe ndihmës ekonomike me 20%
21 Nëntor, 16:07 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Buxheti 2025/ Shehi kërkon rritjen e pensioneve te Ekonomia: Le të rritet borxhi me 0,4%, pse medalje nga FMN do marrim?!
20 Nëntor, 17:27 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
PD: Buxheti 2025 i bashkive, nuk mjafton të lajnë borxhet
20 Nëntor, 15:40 -
Pr/buxheti 2025, Zv/ministrja Manjani: Po diskutojmë përshpejtimin e rritjes së moshës së pensioneve
20 Nëntor, 11:30 -
Kuvendi miraton në parim pr/buxhetin e vitit 2025, PS kalon portofolin 8.2 miliardë euro me 75 vota! PD-së i dështon protesta
19 Nëntor, 20:40 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
