Në 3 muaj 1.5 mln turistë të huaj vizituan Shqipërinë, 47% më shumë se vjet! Vijon zhvlerësimi i euros

Më shumë se 1.5 milionë shtetas të huaj kanë hyrë në Shqipëri vetëm në 3 muajt e parë të këtij viti, duke u rritur me 43,4%, në raport me tremujorin e parë të vitit të kaluar kur vendi u vizitua nga rreth 1 milionë të huaj. Referuar shifrave të INSTAT, vetëm në muajin e kaluar në territorin shqiptar kanë hyrë 564.975 shtetas të huaj, ose 47,1 % më shumë se në të njëjtën periudhë të vitit 2023.

“Në Mars 2024 rajoni me numrin më të lartë të hyrjeve të shtetasve të huaj në Shqipëri është rajoni i Evropës me 539.683 shtetas, pasuar nga Amerika dhe Azia Lindore dhe Paqësori, përkatësisht me 14.267 dhe 5.254 shtetas”, thotë INSTAT.

Me këto shifra për tremujorin e parë të vitit, duket i arritshëm edhe objektivi i shpallur nga qeveria për këtë vit për të pritur 14 milionë shtetas të huaj.

Ky fluks i turistëve, po ndikon negativisht tek valutat në treg, të cilat vijojnë të zhvlerësohen në raport me lekun. Banka e Shqipërisë thotë se shkaku kryesor për këtë zhvlerësim të valutave janë prurjet valutore nga jashtë, për shkak të numrit të lartë të turistëve. Bumi turistik sipas bankës ka bërë që të shtohet sasia e valutës në treg, ndërkohë që kërkesa është e ulët. Aktualisht një euro po këmbehet me 100.8 lekë, ose rreth 12% më pak se një vit më parë, ndërsa dollari ka rënë në vlerën 93.9 lekë.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qamili: 25/04/2024 18:39

    Nga fitorja në fitorje!

    Përgjigju
  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

Sfidat e sigurisë mbledhin në takim ministrat e BE-së dhe të Ballkanit Perëndimor

Sfidat e sigurisë mbledhin në takim ministrat e BE-së dhe të Ballkanit Perëndimor