‘Tregu i huaj për momentin nuk na zëvendëson’, shprehet eksperti për çështjet e punësimit Erald Pashaj.
Boshllëku i krijuar në bizneset vendase të cilët po përballen me mungesë punonjësish, nuk mbushet me të huajt, edhe pse në Shqipëri prej vitit 2019-2022 kanë marrë leje qëndrimi për arsye pune 10.752 të huaj.
“Është e panjohur në teorinë ekonomike largimi nga një vend i varfër në një vend relativisht të varfër, nuk ka interes, sepse tentohet të shkohet në një vend që është në mesin e Evropës ose më lart. Aktualisht kemi një numër shumë të papërfillshëm të huajsh në tregun e punës, nuk është kjo punë me vetëm 10 mijë të huajsh me leje qëndrimi”, pohon eksperti Pashaj.
Përveç mundësive ekonomike Erald Pashaj thekson se vendi sot nuk po kërkon vetëm punonjës të thjeshtë por kërkohen të kualifikuar, kriter i cili nuk plotësohet nga pjesa më e madhe e të huajve që vijnë në Shqipëri, e që janë nga vendet e Afrikës.
Referuar një analize të bërë nga ministria e Brendshme pjesa më e madhe e shtetasve të huaj janë punësuar në sektorin e akomodimit dhe shërbimi ushqimor, në industrinë përpunuese e tekstileve.
Eksperti thotë se vendit i duhet një reformë me lehtësira fiskale, me projekte punësimi dhe masa të tjera për të frenuar emigrimin dhe jo të presim efekte pozitive nga tregu i huaj.
“Emigracioni sot ndikon vetëm negativisht. Nëse përpara 20 viteve ndikonte pozitivisht nga remitancat apo njohuritë që merrnin në emigracion, ndërsa sot emigrimi është një plagë shumë e madhe për ekonominë, për konsumin, për uljen e nivelit të demokracisë dhe për të gjitha. Është e çuditshme se si largohen edhe ata persona që janë mirë ekonomikisht. Kjo nuk ndodh në vende të tjera, këtu është masive. Këtu personat që i dërgojnë fëmijët jashtë për studime, ju thonë mos u ktheni, nuk ndodh në vende të tjera”, tha eksperti.
Aktualisht bizneset vendase kërkojnë mbi 6 mijë punonjës në profesione të ndryshime, por 30% e tyre duhet me arsim të lartë, dhe ka shtim të kërkesave për profesionistë të teknologjisë së informacionit, të sektorit të turizmit, zanatçinj, mësues, mjekë dhe persona të pakualifikuar.
Komente
Lajme të tjera
-
Lehtësi fiskale të rinjve të punësuar, një pjesë e tatimit mbi pagën do u kthehet mbrapsht! Taksim 23% vetëm për pagat mbi 250 mijë lekë
16 Prill, 16:26
-
Klodian Tomorri: Nevoja urgjente për të mbrojtur qytetarët nga shitja e hiçit
10 Prill, 10:32
-
INVESTIGIMI 2/ Nëndeklarimi i pagave rrezikon të ardhmen, pensione çdo vit e më të ulta! Ekspertët: Duhet reformë e re pensionesh
22 Mars, 19:58
-
Investigimi/ Nëndeklarimi i pagave rrezikon ekonominë! 600 mijë të punësuar pa sigurime, thellohet deficiti i skemës së pensioneve
8 Mars, 20:48
-
576 mijë shqiptarë në rrezik varfërie, rreth 20.6% e popullsisë së vendit! INSTAT: I varfër konsiderohet kush merr më pak se 35 mijë lekë në muaj
1 Mars, 18:33 -
SPECIALE/ Fshatrat 'fantazmë' të Shqipërisë, emigrimi dhe papunësia lënë vetëm të moshuarit
25 Shkurt, 10:02 -
Përshpejtohet sërish emigracioni, Eurostat: Aplikimet për azil në nëntor më të lartat që nga muaji mars
20 Shkurt, 14:40 -
Zaloshnja: Tri dallgët e emigracionit, 1 milion, + 0.5 milion, + 0.5 milion
11 Shkurt, 09:25
-
Nga viti 2019 deri në 2022 u larguan nga vendi rreth 160 mijë shqiptarë! 85% e tyre emigrojnë për punësim! Qeveria: Të përmirësohen kushtet e punës
10 Shkurt, 12:37
-
Bien në 4.7% kreditë me probleme, niveli më i ulët prej 2008-ës! Banka e Shqipërisë: Në fund të 2023-shit, kredia e keqe ishte 35.2 mld lekë
9 Shkurt, 14:30
-
Gjermania ashpërson dëbimin ndaj emigrantëve, ja çfarë parashikohet
4 Shkurt, 15:25 -
Korçë/ Në 2023 mbi 200 biznese të vogla aplikuan për çregjistrim biznesi! Ekspertja: Shkak inflacioni dhe emigrimi, të mbështeten me fonde e ulje taksash
21 Janar, 15:33
Nuk dini ti mbani.I shfrytezoni ,mire qe nk i paguani po as ju lumshin krahet nk u thoni.Ju jeni kanceri Shqiperise,sipermarresit bashke me ata 140 qe jane atje brenda.
PërgjigjuFiks fare!
Ja veni fajin atyre qe largohen dhe jo shkaktarve qe i detyrojne te largohen. Ta po fillojne e largohen edhe patronazhistet .ne kemi sistem rus ne krijimin e shtetit.
PërgjigjuIken edhe ata qe u rikthyen se e pane se sa shtet ka!
PërgjigjuPo mër po morrën lejen e qëndrimit por sa të qëndruan? Ju nuk e dini nga ju kanë ik të huajt, mbani letrat dhe statistikat. Shqiptarët ikin se ju doni vetëm të vijnë të huajt e pasur por në fund do ju kthejnë juve në shërbëtorë të tyre.
Përgjigju