POP 5

Lajmet më të lexuara të 5 minutave të fundit

Sociale

‘Ne fermerët jemi dorëzuar, shtet s’ka të na mbrojë!’ Fidanët e agrumeve mbeten pa shitur në Lushnje

Në zonën kodrinore të Lushnjes, Vajkan e Ardenicë, fermerët prej vitesh kultivojnë fidanë për agrume por këtë vit shitjet kanë rënë ndjeshëm. Sipas tyre fidanët nuk shiten pasi në vend gjithnjë e me pak po mbillen portokalle e limonë e nga ana tjetër konkurron Greqia me çmime më të lira.

Fermerët e Vajkanit dhe Ardenicës në Lushnje prej 25 vitesh janë të specializuar për kultivimin e fidanëve të agrumeve dhe ullinjve. Ky aktivitet prodhues po shkon drejt zhdukjes sepse nuk ka treg për shitje.  Arsyeja kryesore,-sipas tyre,- është rënie e sipërfaqeve të mbjella në vend me limonë, portokall e mandarina. Po kështu konkurrenca nga shtetet fqinje, sidomos Greqia.

“Të shesësh një fidanin për 1 mijë lek nuk ia vlen. Ne po punojmë kot. Përpara shitej me 3 mijë lek, sot ka rënë shumë. Nuk ka konsum nuk ka treg, ne kemi plot agrume s’kemi ku i çojmë! Unë do i pres fare”, thanë ata.

 

Fermerët shprehen se do të detyrohen ti shkulin pemët dhe fidanët e agrumeve pasi po shpenzojnë miliona lek dhe nuk marrin asnjë fitim.

“Do i shkul pemët se këtu nuk shiten, vijnë nga Greqia. Ne fermerët jemi dorëzuar, shtet s’ka të na mbrojë, në na sigurojë treg”, tha një tjetër.

Ardenica dhe Vajkani janë ndër zonat më prodhuese në Lushnje, ku mbi 100 familje merren me kultivimin e agrumeve dhe fidanëve të tyre.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27