POP 5

Lajmet më të lexuara të 5 minutave të fundit

Ekonomi

Në fund të vitit 2023 papunësia u rrit, bujqësia ‘pa’ punëtorë! Shifrat e INSTAT

Viti 2023 është mbyllur me rritje të papunësisë dhe ulje të numrit të punonjësve. INSTAT raporton se në tremujorin e fundit të vitit të shkuar papunësia arriti në 10.7%, ndërsa shkalla e punësimit u ul me 0.6% krahasuar me tremujorin e sezonit veror. Rënia më e madhe e punësimit është regjistruar në sektorin bujqësor. 
 

Me përfundimin e sezonit veror ka shënuar rritje papunësia. Instituti i Statistikave raporton se në tremujorin e fundit të vitit 2023, shkalla e papunësisë ishte 10.7% nga 10.5% që ishte në periudhën e sezonit turistik. Ndërsa në raport me tremujorin e fundit të vitit 2022, papunësia është ulur me vetëm 0.1%, kurse niveli më i lartë i papunësisë është tek burrat. 

Në muajit e fundit të vitit 2023 (tetor-nëntor-dhjetor) ka rënë edhe niveli i punësimit nga 57.7% që ishte në tremujorin e tretë të vitit është ulur në 57.1%. 

“Krahasuar me tremujorin e mëparshëm, në tremujorin e katërt 2023, punësimi për popullsinë 15 vjeç e lart është ulur me 1,0 %. Punësimi ulet me 1,3 % në sektorin e bujqësisë dhe me 1,9 % në sektorin e shërbimeve, ndërsa u rrit me 1,7 % në sektorin e industrisë”, thotë INSTA.

Bujqësia është sektori që po përballet me numër gjithnjë e më të ulët punonjësish, pasi në raport me vitin 2022, INSTAT thotë se numri i të punësuarve në këtë sektor është ulur me 2%, ndjekur nga sektori i industrisë që ka regjistruar rënie me 0.1% ndërsa nga ana tjetër është rritur me 2.8% punësimi në sektorin e shërbimeve.

Thuajse të gjitha kategoritë e bizneseve në vend po përballen me mungesë stafi, nga të kualifikuarit deri tek punonjësit e krahut. Aktualisht bizneset po kërkojnë mbi 5600 punëtor sipas të dhënave të Agjencisë Kombëtare dhe Aftësive, nga teknikë, inxhinier, mjekë, arkitekt deri tek sanitare, kamarier, banakier, shofer, bojaxhi apo profesione të tjera me ose pa kualifikim.

B.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46