POP 5

Lajmet më të lexuara të 5 minutave të fundit

Ekonomi

Në fundvit çmimet në Shqipëri u rritën më shumë se në BE! Eurostat: Në 2023 u shtrenjtua gjithçka me përjashtim të transportit

Jetesa në Shqipëri në muajit e fundit të 2023 ishte më e shtrenjtë se në vendet e BE, raporton EUROSTAT. Sipas tij në Shqipëri përgjatë 2023 inflacionin arriti 5.3% dhe në dhjetor u shtrenjtuan të gjitha mallrat me përjashtim të transportit.

Kostot e jetesës në Shqipëri u rritën më shumë se në vendet e Bashkimit Evropian në muajit e fundit të vitit.

Ndryshe nga të dhënat e INSTAT që raportoi se inflacioni ishte 4% në muajin dhjetor, Agjencia Evropiane e Statistikave thotë se në këtë periudhë inflacioni në Shqipëri është rritur me 4.5%, ndërsa në vendet e BE inflacioni ishte 3.4%.

Me matjet e bëra sipas metodës së EUROSTAT, rezulton se inflacioni në vend në muajin e fundit të 2023 ishte 1.1% më i lartë se në BE, duke e klasifikuar Shqipërinë në vendin e 11 mes 31 shteteve me çmimet më të larta. Referuar këtij raporti në Shqipëri janë shtrenjtuar të mallrat, me përjashtim të transportit pasi është ulur çmimi i naftës edhe në tregjet e huaja.

Por ndikimin më të madh në këtë shtrenjtim të çmimeve e ka dhënë grupi i ushqimeve dhe pijeve joalkoolike me 7.6 %, ndjekur nga grupi i ‘Argëtimit dhe kulturës’ me 6,7%, më pas është grupi ‘Pijeve alkoolike dhe duhan’ me 4,3 %, për të vijuar me shtrenjtimin e mobilimit, shërbimit arsimor, hotelet, kafenetë, veshjet dhe këpucët e komunikimi. Ndërsa çmimet e grupit të “Transporti” u ulën me 2,2 %.

Sipas matjeve të EUROSTAT, inflacioni total për vitin 2023 vlerësohet nga 5.3%, ndërsa sipas matjeve të INSTAT, përgjatë vitit të shkuar inflacioni rezultoi 4.7%. Në të dyja rastet është shumë më i lartë se objektivi i Bankës së Shqipërisë që synon një inflacion 3% brenda këtij viti.

B.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tino: 17/01/2024 16:14

    Kto jan hallet e verteta te shqiptarve. As saliu as ballkoni as inteligjenca artificiale as satelitet. Gjith te tjerat jane per te terhequr vemendjen nga problemi kryesor qe eshte fukaralliku. Po nuk u mor qeveria seriozisht me kte problem njerzit thjesht do vazhdojn te hikin dhe ktu do mbeten vetem politikanet emiigrantet qe vin nga bangladeshi dhe kriminelet me x5 .

    Përgjigju
    • Or tej: 17/01/2024 18:27

      Do ikin te gjithe dhe do ngelen vetem "h" or teeeejjjjj

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Trump do të blejë Grenlandën, Danimarka rrit shpenzimet për mbrojtjen e ishullit

Trump do të blejë Grenlandën, Danimarka rrit shpenzimet për mbrojtjen e ishullit

25 Dhjetor, 14:06