POP 5

Lajmet më të lexuara të 5 minutave të fundit

Kronikë

Në kërkim të ujit në lumin Kalasë, protestojnë banorët e zonës së Rrëzomës në Delvinë

Banorët e zonës së Rrëzomës në Bashkisë e Delvinës po protestojnë për thatësirën që u ka shkaktuar mungesa e ujit në lumin Kalasë. Ata akuzojnë bashkinë e cila nuk ka marrë masa ndaj kompanisë së hidrocentralit të ndërtuar afër burimit dhe që shfrytëzon të gjithë sasinë e ujit.

Kalasë renditet nga fshatrat më të bukur në jug të vendit. Por lumi me të njëjtin emër që prej kohësh nuk ka ujë i ka shqetësuar banorët e zonës në Delvinë, 28 km larg Sarandës.

Në dimër Kalas vërshon dhe përmbyt tokat në kohë reshjes. Por në mungesë të tyre, burimi në kodër nuk e mbush shtratin e lumit qe përshkon fshatrat përmes. Banorët në Rrezomë të Delvinës, thonë së një hidrocentral i ndërtuar në të, u merr ujin gjatë muajve të verës.

Banori 1: Mungesa e ujit ka ndikuar në vaditjen e zonës për fushat blegtorët dhe bujqërit.

Banori 2: Një kërkesë që kemi pasur prej vitesh, sepse padrejtësisht zonës tonë i është marrë uji i lumit të Kalasë dhe ka kalur nga zona e bregdetit për një hidrocentral.

Bashkia e Delvinës nuk i ka hapur ende dyert për fshatarët e zonës kodrinore. Ata thonë se është ky institucion që ka lidhur kontratën me kompaninë që shfrytëzon ujin e lumit. Për këtë arsye bashkia duhet të bëjë publike kushtet

Banori 2: Ka një kontratë të cilën e kemi kërkuar dhe në Bashki dhe në mënyrë institucionale. Kjo kontratë po na fshihet me qëllim që të përcaktohet saktë koha dhe sasia e ujit që duhet të marrë hidrocentrali.

Të irrituar për atë që u ka ndodhur banorët kërkojnë tu kthehet uji në lum. Ndryshe do të detyrohen të përshkallëzojnë protestën e tyre

Banor i 3: Ne kërkojmë që lumi të kthehet në origjinë, nëse nuk marrim një përgjigje do të veprojmë në mënyra të tjera. 

Zona e Rrëzomës në Delvinë i siguron të ardhurat nëpërmjet bujqësisë dhe blegtorisë. Dhe lumi Kalasë luan një rol të rëndësishëm në jetën e tyre

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi