'Jemi zënë me gratë e u bëmë ...'Pensionistët në Korçë: Bravo Edi Ramës që nuk e la virusin të hynte tek ne

Pensionistët e Korçës pas shumë ditësh izolimi sot kanë dalë nga banesat e tyre, duke qëndruar në ajër të pastër në lulishtet e qytetit. Të ulur në stola dhe në distancë nga njeri-tjetri ata po shijojnë orët e liridaljes. Gjithçka tjetër duket në heshtje.

Një pensionist shprehet: "Kisha një muaj pa dalë nga shtëpia, u zumë me gratë dhe u bëmë... Sot mirë që dolëm po nga nesër do shkojmë në lagje prapë. Masat do i respektojmë se stë lë ai. Maskë nuk vë unë se e kemi mbushur kohën le të na marrë."

Ndërkohë një tjetër deklaron: "Unë kisha një muaj e gjysmë pa dalë nga shtëpia. I kam respektuar të gjitha masat. pazaret mi bën një komshi. Sot shumë mirë që dola, i kënaqur. Bravo Edi Ramës që e mbajti dhe nuk e la virusin të hyrë brenda te ne.

Kemi qenë mërzitur se gjithë ditën brenda. Tërë fshatarët vinin këtu të luanin domino, tani s'jam më."

Lajmi kryesor:

Një muaj brenda, pensionistët shijuan lirinë: Faleminderit që na nxorët se u zumë me gratë! Veliaj: Do të festojmë pas pandemisë (Pamjet me dron)

Ne.k.//Shqiptarja.com

TAG:
• Korce
• pensionistet
• koronavirusi ne shqiperi