POP 5

Lajmet më të lexuara të 5 minutave të fundit

Sociale

Në kulmin e sezonit, zonat e Shëngjinit pa ujë të pijshëm! Banorët: Uji vjen 1 herë në javë dhe është i pakonsumueshëm

Banorët e zonës sipër portit në Shëngjin, vuajnë prej vitesh mungesën e ujit të pijshëm, problem që është i pranishëm edhe në kulmin e sezonit turistik. Ata thonë se uji rrjedh në çesmat e tyre vetëm një herë në javë, madje edhe atëherë është i ndotur.

Edhe pse në mes të sezonit turistik, sigurimi i ujit të pijshëm është kthyer në një sfidë për banorët dhe bizneset e lagjes sipër portit në Shëngjin.

Uji në çezmat e kësaj zone rrjedh vetem një ditë në javë, por sipas banorëve është i ndotur dhe i pakonsumueshëm.

“Ne na vjen 5 orë ujë në javë. Herë vjen të mërkurën, herë vjen të enjten asnjeherë nuk është njësoj me njoftimin që bëjnë këta”, thotë një banor.

Ata tregojnë se ky problem ekziston prej vitesh, ndërsa thonë se janë të detyruar që ujin e pijshëm ta blejnë ose ta mbushin me bidona në zona të tjera. Ankesat e vazhdueshme të tyre janë lënë jashtë vëmendjes institucionale.

“Jo, ujë të pijshëm s’ka. Mbushim ose e blejmë në dyqan ose lokal”, shprehet nje banor.

“Për ujin e pijshëm tek lagjja jonë, ne marrim bidona 10 kilogramshme ose 30 kg dalim i mbushim kur kemi mundësi në autostradë, gjithmonë ose tek gurrat ku është burimi se nuk na vjen uji. Premtime ka sa të duash, por asgjë nuk bëhet. Vetëm di të them që paguaj,. Ja ku është libreza edhe këtë muaj kam për të paguar, po se di as pse duhet të paguaj kur nuk vjen uji”, thotë një banor tjetër. 

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu