POP 5

Lajmet më të lexuara të 5 minutave të fundit

Kultura

'Në librari', katër titujt për këtë fundjavë: 'Ikja nuk është fund', ‘Arbëreshët’,‘Mes djemsh’ dhe ‘Të pangjashmit’

Rubrika “Në Librari” përgatitur nga gazetarja Anila Dedaj vjen këtë fundjavë me katër tituj të rinj.

Titulli: “Arbëreshët – Shqiptarët e Italisë”
Autor: Fatmir Toçi
Shtëpia Botuese: “Toena”
Çmimi: 4500 lekë

Për Fatmir Toçin “Arbëreshët – shqiptarët e Italisë” është libri i jetës, ndërsa për studiuesit, botimi më i plotë dhe gjithëpërfshirës për këtë komunitet.  Në 18 kapituj të pasur me harta, ilustrime e 400 fotografi autori trajton vendbanimet, historinë, kulturën, ritet dhe objektet e kultit të trashëguara brez pas brezi në mbi 5 shekuj.

Titulli: “Mes djemsh”
Autore: Emma Noyes
Shtëpia Botuese: “Pegi”
Çmimi: 1200 lekë

Dramat që kanë shënjuar të kaluarën e tyre ‘ngrënë krye’ përmes mundimeve fizike e psikologjike, aq sa Xhini dhe Adriani, përpiqen ta mbajnë larg idenë e të dashuruarit. Por fatit nuk mund t’i shmangesh dhe ata i gjejnë rrugët e tyre të kryqëzuara. Mund ta mbështesin nëse nuk e shkatërrojnë njëri-tjetrin më parë. “Mes djemve” e Emma Noyes është një histori e jashtëzakonshme, e frymëzuar nga jeta personale e autores, sjellë në shqip nga Edlir Velaj. Një histori rreth dashurisë së vërtetë, por mbi të gjitha dashurisë për veten.

Titulli: “Ikja nuk është fund”
Autore: Klea Dhima
Shtëpia Botuese: “Toena”
Çmimi: 700 lekë

Klea Dhima përpiqet përmes vargjeve të udhëtojë drejt botës, në formën më të mirë të saj, asaj humane. Apo edhe ta pranojë e ta dojë edhe kur s’sështë e tillë. Vëllimi i saj i ribotuar “Ikja nuk është fund”, sjell ndjesitë, zhgënjimet, frikën e lëndimit e autores së re nga të qenit ‘tepër njerëzore’ e më tej, një himn dashurie për veten. Ky është botimi i dytë i Dhimës, ku reflekton thellësinë e mendimit, të ndikuar nga përvoja njerëzore, por edhe fakti që ka studiuar filozofi.

Titulli: “Të pangjashmit”
Autore: Thoma Nika
Shtëpia Botuese: “2M”
Çmimi: 1000 lekë

Njerëzit e zakonshëm kanë qenë subjekt i profileve dhe reportazheve të tij ndër vite. Në përballjen e tyre me realitetin, publicisti Thoma Nika gjen edhe të jashtëzakonshmen. Për botimin e tij “Të pangjashmit” përzgjedh 101 profile dhe histori të tilla njerëzore, kryesisht të zonës së Jugut dhe i sjell për lexuesit, veçmas për t’u zgjuar gazetarëve dëshirën për të lëvruar këtë zhanër të lënë në harresë.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu