“Jam i përgatitur të lë mandatin dhe deri të sakrifikohem si Salvador Allende, për të mos lejuar instalimin e një junte ushtarake. Jam i gatshëm për të dyja ekstremet, që nga dorëzimi i mandatit si president, pasi të sigurohet se vendi ka një zgjidhje politike parimore, solide, kushtetuese, që e çon vendin para; e deri te sakrifikimi i jetës sime si Salvador Allende për të parandaluar instalimin e një junte që mund ta kthente Shqipërinë 30 vite pas. Ilir Meta është i përgatitur për të dyja”.
I mësuar qëkur kishte poste qeveritare të komunikojë përmes batutave dhe aluzioneve, këtë herë Ilir Meta, në rolin e Presidentit të Republikës, ka zgjedhur të lëshojë një mesazh të rëndë politik, duke përdorur një metaforë historike. Referimit që ai bëri për vetëvrasjen e presidentit kilian të majtës ekstreme Salvador Allende (1973), i cili u vra në vigjilje të një grushti ushtarak shteti, të organizuar nga gjenerali fashist Pinochet me mbështetjen e hapur të CIA-s, i janë bërë shumë interpretime.
Shumë analistë dhe, mbi të gjitha, opozita, kanë lexuar tek kërcënimi i një “junte ushtarake” kundër ardhjes të së cilës Meta do të ishte i gatshëm të sakrifikonte edhe jetën, një referim të hapur ndaj kryeministrit Edi Rama dhe qeverisë së tij. Në rast se është kështu, do të ishim përballë një kryetari shteti, i cili, jo vetëm që akuzon për puç Ekzekutivin në detyrë, të zgjedhur në mënyrë të ligjshme, në përfundim të zgjedhjeve të bëra gati dy vjet më parë, të certifikuara nga opozita që drejtonte KQZ-në dhe të njohura nga i gjithë komuniteti ndërkombëtar, por madje do të linte të kuptohej edhe për një bashkëfajësi puçiste të gjeneralëve të forcave të armatosura, komandanti suprem i të cilëve është ai vetë. Në rast se do të ishte i vërtetë interpretimi i opozitës, konkluzioni i parë është se vetë Ilir Meta vetëndjehet një president i paligjshëm, pasi është zgjedhur nga një mazhorancë puçiste.
Akuza është aq e rëndë, saqë, po të ishte e vërtetë, do të minonte në themel vetë rolin e kreut të shtetit, i cili, sipas Kushtetutës, duhet të jetë mbi partitë dhe garant i unitetit kombëtar. Meta është i vetmi president i një vendi demokratik perëndimor, që është njëkohësisht edhe bashkëshorti i njerës nga liderët e opozitës dhe pikërisht ky pozicion duhet t’i sugjeronte që të kishte në deklaratat e tij një kujdes më të madh dhe një baraslargësi nga forcat politike që janë në terren. Po të mos e bëjë këtë, kompromenton në mënyrë të pariparueshme pavarësinë e tij dhe eliminon mundësinë që të bëhet ndërmjetës mes palëve për të zgjidhur krizën.
Prandaj ekziston një interpretim i dytë, më pak radikal se ai që i pëlqen aq shumë opozitës. Ilir Meta nuk iu referohej aspak Edi Ramës dhe qeverisë së tij dhe, kur fliste për “parandalimin e instalimit të një junte ushtarake”, iu referohej Shteteve të Bashkuara të Amerikës, të cilët, në rastin e Kilit, ishin manovruesit e vërtetë të juntës së Pinochet-it kunder instalimit të nje shteti komunist në Amerikën Qendrore. Roli i Shteteve të Bashkuara në Shqipëri është i ndryshëm dhe i njohur për të gjithë: janë mbështetësit e hapur të reformës së Drejtësisë dhe promotorët (nëpërmjet konsulencës së FBI-së) të Prokurorisë së re speciale (SPAK), që do të ketë si detyrë kryesore atë të hetimit të korrupsionit dhe krimit të organizuar. Pra, më shumë se një “junte ushtarake”, Meta duket se i referohet një “junte gjyqësore”, që po instalohet dhe për të ndaluar të cilën do të ishte i gatshëm të sakrifikonte edhe jetën, pikërisht si Salvador Allende. Aludimi për vetëvrasjen fizike duket qartë si një ekzagjerim teatral, pak a shumë si lotët e Monikës në televizion, kur zbuloi ekzistencën e kërcënimeve të mistershme për të cilat më pas nuk është dëgjuar më asnjë fjalë.
Hipoteza se referimi i Metës ka të bëjë me “juntën juridike” të SPAK-ut, më shumë se “juntën ushtarake” të Ramës, konfirmohet edhe nga dy konsiderata të shkurtëra:
1) Meta aludon për një rrezik, i cili ende nuk është bërë konkret: por qeveria e Ramës ka gjashtë vjet që është në pushtet, katër nga të cilët sëbashku, pikërisht, me Ilir Metën. Ndërsa SPAK-u ende nuk ka filluar të operojë dhe parashikohet që ta bëjë këtë në muajt që vijnë.
2) Edhe Salvador Allende ishte prej disa vitesh në pushtet në momentin e vetëvrasjes dhe ishte “junta ushtarake” e opozitës që pushtonte sheshet, duke organizuar protesta kundër presidencës së tij dhe greva kolektive, duke e akuzuar për korrupsion dhe se kishte provokuar një krizë të rëndë ekonomike në vend. Në një paralele të vështirë me situatën në Shqipëri, figura e Allendes, të rrethuar nga protestat dhe akuzat, i ngjan më shumë Edi Ramës, se sa Ilir Metës. Natyrisht, këto dy histori nuk kanë pika të tjera të përbashkëta, edhe pse Rama nuk është Allende, Basha nuk është Pinochet dhe Shqipëria e 2019-ës nuk është Kili i 1973-ës.
Por ajo që është e qartë, është se Ilir Meta nuk është rrethuar, as i kërcënuar nga asnjë forcë e dukshme. Opozita, e drejtuar nga gruaja, mbështet hapur çdo vendim të tij dhe ai ia shkëmben me qetësi dhe dashuri. Qeveria përballet me vendimet e Presidentit, por pa kapërcyer kurrë protokollin institucional dhe respektimin e roleve. Për këtë, duket edhe më e pashpjegueshme që, si alternativë të vetëvrasjes “alla Salvador Allende”, presidenti ofron dorëheqjen e tij, duke i hequr kështu opozitës edhe të vetmen pikë mbështetëse institucionale që i ka mbetur, pas vendimit të çmendur të PD dhe LSI që të djegin mandatet parlamentare. Pikërisht për këtë arsye, dorëheqja e kreut të shtetit tingëllon si një kërcënim nga ana e tij, që kërkon t’i shtojë dorëheqjeve të deputetëve edhe dorëheqjen e vet, duke rrezikuar kështu që të zgjerojë krizën, jo ta zgjidhë atë.
Pra, të dy kërcënimet e bëra nga Meta marrin sens logjik vetëm në rast se lexohen bashkë, domethënë si një ultimatum drejtuar Shteteve të Bashkuara të Amerikës dhe pjesës tjetër të komunitetit ndërkombëtar, për të imponuar një ndërmjetësim diplomatik, i cili të ndihmonte Bashën dhe Kryemadhin të dilnin nga qoshja ku janë futur dhe të detyronte Ramën të bënte ndonjë lëshim. Pasi, pa këtë ndërmjetësim – sikurse e ka përmendur Meta duke tejkaluar dhe qëndrimin më radikal të opozitës – vendi rrezikon trazira dhe konfrontime. Në këtë skenar, të përmendësh instalimin e mundshëm të “juntës gjyqësore” e cila, në realitet, nuk tremb vetëm Ilir Metën, shërben si thirrje për Shtetet e Bashkuara që t’iu dalin për zot edhe përgjegjësive të tyre për gjëndjen që Reforma për Drejtësi ka shkaktuar
Komente
Lajme të tjera
-
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Eduard Zaloshnja: Pavarësisht nga data e zgjedhjeve, votimi i emigrantëve duhet të mundësohet!
25 Nëntor, 15:14
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
Shkrim i goditur, ku spikat jo vetem ana politike e ceshtjes, por dhe ajo psikilogjike, qe po i nxjerr te degraduar e te coroditur President, Berishe,Lulush, Monike dhe ca horra te pd&lsi. Reforma ne drejtesi ka filluar te beje te sajen, Saliut i eshte mbyllur goja ( haleja)me shtupe dhe aresyet dihen; Ilir blloku7%_ sh me qetesi e maturi do na vrase veten( hahaha); Mona do na behet kamikaze me kacurrel ne goje; Lulushja fle gjume se turnin e ka e shoqja; O c'vete!!! Zoti Bollino te falenderojme per gjithcka ben per vendin tone( dhe tuajin kuptohet), por duhet te na falesh kusuret ne te ketej detit, se do degjosh "cudira shqiptare", qe as ne enderr nuk i sheh.Pune te mbare!
PërgjigjuShoku karlo bolinjo bej kujdes se ilir meta nga skrapari nuk eshte sali berisha pernga mizoria.Ky eshte me keq se pol poti sngopet edhe te vdekur te urren akoma se ka lindur atje ku pula ha gur dhe guri sben per mur, prandaj me qetesi me dashuri kur anal-izon shokun ilir meta lol.
PërgjigjuMendoj se populli I thjesht duhet ta kuptoje qe kur politikanet thone duhet dialog bejne rolin e te veshtirit qe populli tu thote qe futuni ne dialog... Me pak fjale: duhet te dakordesohen per gjithcka kane vjedhur e vrare qe atyre mos tu hyj gjemb ne kembe... Kjo eshte nje cmenduri qe ndodh ne shqiperi... Politikanet shqiptare tallin bythen me kete popull qe as enveri nuk e ka bere
PërgjigjuZoteri bollino .Retorika ne shrimin tuaj ,besoj se eshte organizuar mir ,por per tia arritur qellimit ,sofizmat duhen vendosur radhe pas radhe per tu dukur si nje arsyetim llogjik i drejt pamvaresisht thelbit dhe qellimit final .Por edhe silogjizmat ,sikur lexohen lehtesisht ,besoj se mesazhi duhet te jete me i nderlikuar ku gjikimet qe citon si premisa te nxjerrin nje gjikim te trete me te besuar ,final. Sidoqofte ti bere punen tende ,dhe mir bere ;por edhe une po bej punen time ,thjeshte per te mbrojtur te verteten .
PërgjigjuMe kuptue drejt deklaraten e Metes ai thote qe eshte i gatshem ta luftoj qeverine me çdo mjet nese nuk leshon pe para kerkesave te opozites me te cilet lidhet edhe fati I Metes. Kjo deklarate e Metes eshte nje kercenim shume serioz, edhe duke marre parasysh qe ai eshte lider joformal I nje force politike dhe si president ka mekanizma qe mund t’i perdor nder to edhe ushtria, prandaj deklaratat e Metes nuk duhet te merren me komoditet. Ai dhe disa te tjere te opozites po vijne në situata qe nuk kane cka humbin dhe mund te behen shume te rrezikshem
PërgjigjuBeri edhe ilir florini me ne fund nje pordhe te madhe qe e degjoi e gjithe bota
PërgjigjuKe te drejte 100 perqind
Përgjigju