POP 5

Lajmet më të lexuara të 5 minutave të fundit

Sociale

Në shkollë pa shokun e bankës, sociologu: Bashkëpunim prindër-mësues i rëndësishëm! T'u mësojmë fëmijëve që shëndeti është mbi gjithçka (VIDEO)

Pas shkëputjes prej muajit mars, ditën e hënë fëmijët do të rikthehen në bankat e shkollës. Ndryshimet me të cilat do të duhet të përballen të vegjlit për shkak të situatës së pandemisë nga COVID-19, sipas sociologut Gëzim Tushe do kërkojnë një bashkëpunim mes rolit të prindërve dhe të mësuesve.

Sociologu Gëzim Tushe thotë se fëmijët do t'i përjetojnë ndryshimet në shkollë por ajo çka duhet t'i mësojmë është që më të rëndësishme janë parimet e shëndetit dhe se asgjë nuk vjen mbi to.

"Kushtet e pandemisë janë kushte të reja dhe fëmijët do i përjetojnë ndryshimet në shkollë. Ajo që do i mësojmë fëmijët është që e vërteta morale dhe vlerat e sjelljes janë relative, ndryshimet që do ndodhin në mënyrën e sjelljes dhe socializimit janë ndryshime që po ndodhin, do ja mësojmë këtë kulturë të re, që do t'i mësojmë që më të rëndësishme janë parimet e shëndet. Do këtë ndryshime për mirë", tha Tushe.

Të shqetësuar për rikthimin e të vegjëlve në shkollë janë prindërit.

"Frika është, shpresojmë që të shkojë gjithçka mirë, por mbetet për t'u parë. Duhet të bëhet maksimumi mundësive që të merren masat dhe të zbatohen me sa më rigorozitet", shprehet një prind.

Sociologu kërkon që prindërit të kompensojnë boshllëqet e shkollës duke mos u dhënë më aq shumë pas interesave dhe synimeve të tyre por duke zgjeruar më tepër kohën e prindërimit.

"Pra shkollës i janë shtuar dhe defekte të reja përveç atyre tradicionale. Këto defekte duhet t'i kompensojnë prindërit. Ata duhet të ndjejnë përgjegjësi më të madhe, të kompesojnë boshllëqet që do ketë shkolla, duhet të mos jenë kaq cinik duke u dhënë pas interesave dhe synimeve të tyre por duhet të gjejnë kohën e prindërimit të tyre. Duhet të mendojmë që situata të tilla që prindërit dhe mësuesit janë figura që duhet të kompesojnë defektet që fëmijët ta kalojnë sa më butë periudhën e pandemisë dhe post-pandemisë", tha Tushe.

Sociologu Tushe u sugjeron mësuesve se duhet t'i lënë pas skemat e vjetra por të integrojnë skema të reja që t'i ndihmojë fëmijët të përshtaten pa cenuar zhvillimin e tyre mendor dhe emocional.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça