Në shtëpinë e babait të administratorit të Çilit u gjet rekursi për të dënuarin përjetë

Betim Shkupi dhe Henri Çili

Mes të arrestuarve për skemën e mashtrimit kundër dy familjeve Aliko dhe Yzeiraj është edhe Betim Shkupi, i cili është administrator i pronave të Henri Çilit. Ai është ndaluar në datë 28 shkurt dhe në banesën e tij janë gjetur dhe sekuestruar, telefoni, një mandat banke në emër të Henri Çilit dhe një shumë në euro dhe lekë. Por prokuroria nuk u mjaftua me kaq duke kërkuar kontrollin edhe të banesës së babait të Betimit, Fatmir Shkupit ku u gjet një fotokopje e rekursit të Feti Yzeirajt në gjykatën e Lartë për dënimin për jetë, që i ishte premtuar se do i ulje nga grupi me Çilin në krye që kishin krijuar skemën e mashtrimit duke i marrë 75 mijë euro.  Vendimi për masën e sigurisë për administratorin e pronave të Çilit, Betim Shkupi do të jepet nga një tjetër gjyqtar për shkak të konfliktit të interesit, pasi ka qenë shok klase me Dritan Hasanin. Betim Shkupi rezulton se ka edhe 25% të aksioneve të studios ligjore "UET & Partners Legal Studio", ndërsa 75% i ka vetë Henri Çili.

Faksimile e ekstraktit, studio ligjore e Henri Cilit dhe Betim Shkupit

Lajmi kryesor:

Ekskluzive-dokumenti/ Prokuroria: Henri Çili mashtronte familjet e të dënuarve me burg përjetë duke përfituar prona dhe mijëra euro

TAG:
• pronave