POP 5

Lajmet më të lexuara të 5 minutave të fundit

Ekonomi

Në të gjithë Korridorin Blu kalimi do të jetë me pagesë! 3 koncesione të reja nisin në 2025, kostoja rreth 1 miliardë euro

Kalimi në të gjithë autostradën adriatiko-joniane, quajtur ndryshe Korridori Blu, do të jetë me pagesë nga Balldreni në Lezhë e deri në Fier. Tre kontratat koncesionare të këtij korridori nisin ndërtimin vitin e ardhshëm dhe arrijnë në vlerën 100.1 miliardë lekë.

Tirane- Nga Balldreni në Lezhë e deri në Fier kalimi në autostradë pas përfundimit të plotë do të jetë me pagesë, njësoj si segmenti Thumanë-Kashar.

Të gjitha segmentet e reja që do të ndërtohen përmes procedurës së koncesionit pjesë e Korridorit Blu, të cilat pritet të nisin gjatë vitit të ardhshëm, do të jenë me pagesë për qytetarët.

“Shumica dërrmuese e projekteve koncesionare/PPP të kontraktuara apo planifikuara për të filluar gjatë vitit 2025 bazohen në skemën e tarifimit të shërbimit/ përdorimit të asetit nga përdoruesit fundorë, duke mos implikuar kësisoj pagesa të drejtpërdrejta nga buxheti i shtetit”, u shpreh ministri i Financave Malaj.

Janë tre kontrata të reja koncesionare, kantieret e të cilave pritet të hapen në vitin 2025 dhe që janë parashikuar në listën e investimeve dhe koncesioneve me vlerë 100.1 miliardë lekë, ose rreth 1 mld euro. Këto projekte nuk do të financohen nga buxheti i shtetit, por gjatë shfrytëzimit nga kompanitë do të jenë me pagesë për qytetarët.

Koncesioni për projektimin, ndërtimin, operimin dhe mirëmbajtjen e segmentit rrugor Milot-Thumanë me gjatësi 13.5 km do të kushtojë 44,6 milionë euro pa TVSH. Segmenti Kashar-Pezë-Lekaj me gjatësi 26.6 kilometra ka kosto 474,8 milionë euro dhe segmenti Lekaj-Fier 46 kilometra ka vlerë 320 milionë euro.

Ndërsa gara për Milot Balldreni hapet në dhjetor të këtij viti. kurse i vetmi segment i hapur i këtij korridori Thumanë-Kashar me gjatësi 21 kilometrat e kanë kushtuar 226 milionë euro.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lok Babloku: 20/11/2024 23:36

    Pse me pagesë, apo paguajmë pak taksa?

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu