POP 5

Lajmet më të lexuara të 5 minutave të fundit

Ekonomi

Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre

Më shumë se 8 milionë euro do të harxhohen nga buxheti i shtetit për vitin 2025 për menaxhimin e mbetjeve. Nga ky fond do të përfitojnë 36 bashki, ku pjesën më të madhe 2.5 milionë € do ta marrë Durrësi, që shpesh ka pasur probleme me trajtimin e plehrave.

Me synim reduktimin e ndotjes, menaxhimin e integruar të tyre, rritjen e depozitimeve në landfille dhe uljen e mbetjeve në zona të hapura, nga buxheti i shtetit do të harxhohen afro 8 milionë euro në 2025.

Ky grant do t’u shpërndahet 36 bashkive në të gjithë vendin, menjëherë pas nisjes së zbatimit të buxhetit për vitin 2025. Pjesën më të madhe të fondeve do ta marrë Bashkia Durrës, e cila ka shfaqur vit pas viti probleme në menaxhimin e mbetjeve, e sidomos pas tërmetit të 2019.

Janë 2.5 milionë euro që do të shpenzohen nga Bashkia Durrës për menaxhimin e mbetjeve për vitin e ardhshëm, ku do të vijohet me të njëjtën skemë, plehrat e kësaj bashkie do të depozitohen në zonën e menaxhimit të mbetjeve Tiranë.

Mbi 2 milionë euro (202 mln lekë) do të jenë në dispozicion të 5 bashkive të tjera Kamëz, Kavajë, Krujë, Vorë dhe Shijak për të sjellë mbetjet e gjeneruara prej tyre pranë inceneratorit të Tiranës.

Blloku i dytë i bashkive që do të marrin më shumë financim nga buxheti i shtetit për vitin që vjen do të jetë në jug, për Sarandën, Gjirokastrën, Himarën e Këlcyrën të cilat do shpenzojnë afro 1 milion euro për transportin e mbetjeve të tyre në zonën e menaxhimit të mbetjeve Gjirokastër.

Fonde janë parashikuar edhe për bashkitë Fier, Lushnje, Elbasan, Divjakë, Dropull, Memaliaj, Rrogozhinë, Shkodër etj., shpenzime që mbulojnë vetëm transportin e mbetjeve. Ndërkohë nuk ka asnjë fond të vënë në dispozicion për Bashkitë Vlorë, Tiranë, Korçë, Berat, Delvinë, Kuçovë apo Dibër.

Referuar të dhënave të INSTAT, gjatë vitit 2023 u menaxhuan rreth 844 mijë tonë mbetje urbane, nga 820 mijë tonë të menaxhuara në vitin 2022.

FONDE PËR TRANSPORTIN E MBETJEVE:
Durrës     2.5 mln euro
Kavajë  604 mijë euro
Kamëz          505 mijë euro
Krujë                429 mijë euro
Vorë                 255 mijë euro
Shijak               224 mijë euro
FONDE PËR TRANSPORTIN E MBETJEVE:
Sarandë        452 mijë euro
Gjirokastër   271 mijë euro
Himarë 265 mijë euro
Këlcyrë 180 mijë euro

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48