POP 5

Lajmet më të lexuara të 5 minutave të fundit

Ekonomi

Nënshkruhet marrëveshja, BB
jep 220 mln USD për Shqipërinë

Janë nënshkruar dje në Tiranë, në Sallën e Hartave në Kryeministri, dy marrëveshje huash mes Bankës Botërore dhe Qeverisë Shqiptare. 
Nënshkruhet marrëveshja, BB<br />jep 220 mln USD për Shqipërinë
TIRANE- Janë nënshkruar dje në Tiranë, në Sallën e Hartave në Kryeministri, dy marrëveshje huash mes Bankës Botërore dhe Qeverisë Shqiptare. Për palën shqiptare marrëveshjet janë nënshkruar nga Ministri i Financave Shkëlqim Cani dhe në emër të Bankës Botërore nga Tahseen Sayed, menaxhere e Zyrës së Bankës Botërore në Tiranë.

Dy huatë për zhvillimin e politikave në shumë totale prej 220 milionë dollarësh (100 milionë huaja për modernizimin e sektorit financiar e aprovuar më 15 maj, 120 milionë huaja për Financat Publike e aprovuar më 29 maj) do të mbështesin përmirësimin e administrimit të financave publike dhe stabilitetin e sektorit financiar. Kryeministri Rama ka theksuar se u shpëtua skema e sigurimeve, sepse pensionistët e ardhshëm rrezikonin të mos merrnin as edhe qindarka.
 
Fondet
Nga ana e saj, duke folur me këtë rast, zv.presidentja e BB Laura Tuck tha mbështetja e parë do të ndihmojë sektorin financiar shqiptar, për ta bërë më përfshirës, ndërkohë që mbështetja e dytë lidhet me shlyerjen e detyrimeve të prapambetura nga sektorin publik drejt privatëve. “Tek Shqipëria shikojmë një vend me potencial për rritje ekonomike dhe ka koston më të ulët të fuqisë punëtore në kontinent. Gjatë këtyre ditëve kam pasur privilegjin të shoh shqiptarët duke punuar fort. Këtë vit BB ka nisur një diagnostikim sistematik të vendit për të përcaktuar më mirë se si ta ndihmojë vendin në të ardhmen. Ne do të vazhdojmë të mbetemi një mbështetës i fortë për ekonominë dhe begatinë ne vendit tuaj”, u shpreh ajo.
 
Marrëdhëniet
Ndërkohë, kreu i Ekzekutivit Edi Rama tha se këtu simbolikisht mbyllet një kapitull bashkëpunimi, herë i tensionuar e herë jo efektiv, me partnerët ndërkombëtarë. “Këto marrëveshje janë produkt që shkojnë përtej qeverisjes sonë dhe unë jam krenar, sepse ne krijuam një frymë skuadre me partnerët tanë. Transformimi i punës në Dogana dhe Tatime ka nisur të japë rezultate shumë inkurajuese, ashtu si edhe formalizimi i ekonomisë, që do të thotë se ekonomia shqiptare ka mundësi të hyjë në një stad të ri”, shtoi ai.


Shkrimi u botua në Shqiptarja.com (print) në 31 maj 2014
(d.a/shqiptarja.com)   
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51