Nëse groposim kompleksin e Rozafës
Në legjendat e popujve, në fjalët e urta që na vijnë nga thellësia dhe eksperienca e kohëve, përcillen virtyte, por dhe defekte që një grup njerëzish e karakterizojnë.
Në legjendat e popujve, në fjalët e urta që na vijnë nga thellësia dhe eksperienca e kohëve, përcillen virtyte, por dhe defekte që një grup njerëzish i karakterizojnë. Mes të mirave të pafundme që kemi ne shqiptarët, një kompleks i vjetër sa ne vetë, mbi kokë na qëndron: Ai i Rozafës. Atë që dikush e ndërton ditën, të tjerë, natën e shkatërrojnë. Dhe për të ndërtuar, më i drejti, i vogli e më i padjallëzuari, duhet të sakrifikojë më shumë se të tjerët. Gjithmonë. Këto ditë zhvillimesh politike seicili prej nesh, nëse partitë kryesore i identifikon me vëllezërit shkodranë që do të ndërtonin Kështjellën e Rozafës, e vendos vetë se kush duket të jetë vëllai i madh, i mesmi e më i vogli në dëshirën, punën dhe faktet konkrete për të ndërtuar Shqipërinë Europiane. Këtë, seicili mund ta bëjë vetëm duke parë mirë e duke njohur akoma më mirë njerëzit dhe ngjarjet. Ndërsa për mua, një ëndërr e madhe është groposja përgjithmonë e Kompleksit të Rozafës, që na torturon.
Në shoqëritë moderne, politika dhe marrëveshjet e saj bëjnë të mirë ose të keqe mirëqënien e një populli. Edhe pak fati, mendoj; në kohë të caktuara, prurjet njerëzore edhe në politikë duket sikur janë si të korrat apo frytet e një viti: herë të mbara e herë jo dhe aq.
Për 45 vite diktaturë "të mbjellat e të korrat" mund të konsiderohen të mbara në ndërtim apo rindërtim për popullin shqiptar, por nga ana njerëzore ishin një fatalitet, pasojat e të cilit edhe sot e kësaj dite i vuajmë e i ndjejmë. 45 vite diktaturë mbyllën jo vetëm kufijtë fizikë për shqiptarët, por edhe kufijtë e ëndrrave, të mendimeve, të ndjenjave. Përmes propagandës u deformuan ato. Njeriu i ri ishte, ashtu siç u pasqyrua e mbeti në art, me shumë muskuj, por me pak mëndje e zemër për të vetëvepruar. Partia dhe Enveri mendonin për shqiptarët, ndërkohë që breza të tërë u çmësuan të mendonin e logjikonin me faktet dhe veprimet që shihnin vetë: pra, me kokën e tyre.
Aroma e lirisë pas viteve '90, për të gjithë, ishte një dehje e ëmbël, por varka e shqiptarëve të lirë jo gjithnjë kishte një ekspert të dallgëve, në ballë të saj. E megjithatë, herë duke u përplasur, herë duke u zhytur, herë duke dalë në breg, 25 vite kanë nisur tashmë të japin format më të qarta të një Shqipërie më të qëndrueshme, të një Shqipërie që po shkon drejt Perëndimit: Arrijmë të lëvizim lirshëm pa viza në Europë e në disa vënde të tjera të botës (dhe ne shqiptarët nuk duhet ta harrojmë shijen e hidhur të orëve të gjata nëpër ambasada). Kemi nisur të shijojmë për turizëm vendet më të humbura të Shqipërisë që deri para pak vitesh të paimagjinueshme për t'u prekur. Shkojmë në Prizren si në një "fluturim" edhe kjo e pamundur disa vite më parë. Nga Tropoja, Tamara, në Ersekë, Memaliaj, Librazhd, Himarë, Shijak, Delvinë... qytetet po ndryshojnë. Po lënë atë maskën e mjerimit e degradimit, trishtimit dhe po rifitojnë dinjitetin e qëndrave që mund të shndërrohen në kënaqësi banimi e turizmi.
Shumë gjëra janë bërë gabim në Shqipëri, të tjera janë bërë mirë, por në rrugëtimin tonë nuk ka kohë për të humbur. Dhe vec kohës, nuk ka sens për të shkulur asnjë gur që cilido ka vënë për zhvillimin e Shqipërisë dhe shqiptarëve.
Këto ditë parazgjedhore duket sikur disa koka nxehen, të tjera mërziten e shqetësohen, por nëse të gjithë kemi në fokus të mirën e përgjithshme, shansin që na e kanë dhënë këto vite stabiliteti, atëherë, së bashku mund të groposim kompleksin shkatërrues e sakrifikues të Rozafës. Përgjithmonë.
Sondazhi i ditës:
Ervin Salianji dënohet me 1 vit burg për kallëzim të rremë, si e vlerësoni?
-
Të drejtë
53.2%
-
Të gabuar
42.1%
-
Nuk e di
4.8%
Vota total: 13329
Votat totale janë unike
Lajme të tjera
-
Eduard Zaloshnja: Sa nga 1.75 milionë zgjedhësit në emigracion do të votojnë me postë?
28 Shtator, 11:07
-
Ilir Yzeiri boton librin 'Kadare, identiteti i keqkuptuar'
28 Shtator, 10:53
-
EMRI/ 'Para drejtësisë', Suedia sjell në pranga 34-vjeçarin me dy identitete, akuzohet për grup të strukturuar kriminal dhe trafik klandestinësh me skaf
28 Shtator, 10:50
-
Bënin bastisje shtëpish në seri në Napoli, karabinieri në pension kap 2 ‘skifterët’ shqiptarë! Njëri dëmton këmbët në arratisje, u gjenden dhe mjete për fshirje gjurmësh
28 Shtator, 10:42
-
EMRI/ Dhunohet me shkop bejsbolli polici i Burgut 313 në Tiranë, dërgohet te Trauma! Tre autorët ikin me makinë, i marrin dhe armën e shërbimit
28 Shtator, 10:17
-
Itali/ I mituri shqiptar kërcënon me thikë për grabitje kalimtarët, policia e arreston dhe ndalon! Kishte dhe precedentë
28 Shtator, 09:49
-
Integrimi në BE/ Viktor Orbán: BE gaboi që ndau Shqipërinë nga Maqedonia e Veriut! Ofrohet të ndërmjetësojë me Bullgarinë! Reagime në Shkup
28 Shtator, 09:31
-
Hezbollah i përgjigjet Izraelit me raketa, disa i shpëtojnë sistemit mbrojtës! IDF: Ranë në vende të hapura, asnjë dëm dhe viktimë
28 Shtator, 09:24
-
Si nëpër filma, trafikantët përplasin makinën e policisë në Itali dhe plagosin 2 prej tyre! Arrestohen me rreth 14 kg drogë shqiptari dhe dy miqtë e tij
28 Shtator, 09:15
-
Skandali i Onkologjikut, Rama: Histori e pagëlltitshme, kemi ende nevojë për përmirësim! Spitalet i shajnë ata që s'i kanë parë vitet e fundit
28 Shtator, 09:14
-
Revista franceze ‘Soon’, intervistë me bashkëshorten e kryeministrit: Linda Rama ka fuqinë të bindë!
28 Shtator, 08:49
-
Ardi Stefa: Me kallo në tru e moral amoral
28 Shtator, 08:38