TIRANË- Sali Berisha do të mbajë nesër Kuvendin Kombëtar në një kohë kur grupi i Enkelejd Alibeajt e kundërshton këtë proces, por edhe Gjykata e Apelit nuk ka dhënë një vendim për kontrollin e PD-së. Anëtarja e Komisionit të Rithemelimit, Ledina Mandija thotë në Report Tv se nesër janë të ftuar të gjithë demokratët edhe ata që nuk janë dakord me Sali Berishën. Ndonëse Shtetet e Bashkuara nuk e njohin Sali Berishën si drejtues të Partisë Demokratike, pasi është një person i shpallur non grata, Mandija thotë se DASH duhet të bëjë publike provat përpara shqiptarëve.
“Kemi gati një vit që e dëgjojmë që është shpallur ‘non grata’, jemi shumë sensitiv ndaj korrupsionit, Berisha ka denoncuar në 8 vite korrupsionin e Ramës, duhet të kesh prova fakte ta provosh para qytetarëve shqiptarë. Nesër kemi një kuvend, gara është e hapur për të gjithë, edhe ata që nuk janë të Berishës.
Por, Ish-anëtari i Këshillit Kombëtar të PD-së, Indrit Vokshi thotë se mbledhja e Kuvendit Kombëtar është një hap i nxituar, pasi duhej pritur një vendim nga gjykata e Apelit. Në emisionin ‘Pa Protokoll’ të gazetares Anduela Ndreu, Vokshi thotë se kështu do ju jepej kohë deputetëve demokrat që të gjykonin cilin grup do të mbështesnin, atë të Berishës apo atë të Alibeajt.
“Jemi në një proces juridik, duhej pritej të qartësohej. Nuk është zgjidhur se ecën me ligje shteti, jo me ligjet e Sali Berishës. Nëse do pritej dhe do merrej parasysh rruga gjyqësore të gjithë njerëzit e tjerë, deputet do vlerësonin që strukturat legale është ky dhe pastaj gjykonin për veprimtarinë politike ku duan ta ushtrojnë”, tha Vokshi.
Analisti Sami Neza thotë se ky kuvend nuk do të sjellë kurrsesi bashkimin e demokratëve, pasi janë dy grupe që funksionojnë në mënyrë të kundërt.
“Nuk ka sesi të bashkohet përmes këtij kuvendi, janë dy grupe. Problemi është këtu, të dy palët kanë figurat e tyre, pala e Bashës përpiqet të mbajë PD, njëjtë edhe rithemelimi. E Bashës po përpiqet ta mbajë PD sipas procedurës në 18 dhjetor. Pjesa tjetër po përpiqet të mbajë PD përmes anëtarësisë. Diferenca është e madhe, nuk kemi të njëjtat mjete nga dy palët, nuk kemi as të njëjtin numër. ”, u shpreh Neza.
Pavarësisht mesazheve nga ndërkombëtarët se nuk e njohin Rithemelimin si organin drejtues të PD dhe përballë grupit të Enkelejd Alibeajt që vijon ta konsiderojë proces përçarës, Sali Berisha do të mbajë nesër Kuvendin Kombëtar. Me shpresën për të dhënë sinjale bashkimi, Berisha ka ftuar në Kuvend ish-bashkëpunëtorët, Arben Imami e Jozefina Topalli, dhe të larguarit e fundit nga PD, si Rudina Hajdari e Myslym Murrizi. Në Kuvendin e PD-së, Sali Berisha ka ftuar që të marrin pjesë të gjithë deputetët, përfshirë këtu edhe ato që janë konsideruar si besnikë të Lulzim Bashës.
Komente
Lajme të tjera
-
Sondazhi i Report Tv për Tiranën/ Flogert Muça: Shqiptarët për fat të keq janë besnikë ndaj PD dhe PS! Vokshi: Rezultati mund të ishte barazim, por opozita është e ndarë
30 Tetor, 22:35 -
Zgjedhjet 2025/ Sondazhi në 'Repolitix' për qarkun e Tiranës: PS afër 19 mandateve, PD merr vetëm 12 mandatet e listës së mbyllur, për partitë e reja 5-6 mandate
30 Tetor, 21:04 -
Kaosi i opozitës në Kuvend, ish- anëtari i Këshillit Kombëtar të PD në Report Tv: Zjarri dhe dhuna nuk sjell vota! Faik Basha: Jemi gati të përballemi me këtë qeveri
3 Tetor, 18:52 -
Indrit Vokshi: Kush e përdori Salianjin për të krijuar një dosje për Xhafajn dhe kush i dha garanci se s’do të preket nga drejtësia?
28 Shtator, 12:22
-
Apeli i dha Berishës vulën e PD, Gjykata e Lartë s’pranon kërkesën e Bashës për pezullimin e vendimit
10 Shtator, 13:37 -
Mero Baze: Nuk janë primare, janë 'Primari'
7 Shtator, 20:16
-
Gazment Bardhi kundër Berishës: Primaret të mos kthehen në anarki për partinë
7 Shtator, 19:24 -
'Mbrojti Berishën 'non grata' tek kanceleritë e huaja!' Flamur Noka zbulon pse Agron Gjekmarkaj u emërua drejtues qarku në Lezhë pa u pyetur anëtarësia
7 Shtator, 00:31 -
Spahiu në Report Tv zbulon ‘paktin e fundit Rama-Berisha’: Emigrantet s'do lejohen të votojnë në 2025! Heqja e Topallit, Harxhit e Imamit provuan që listat i bënte Berisha, e Jo Basha
5 Shtator, 21:37 -
Emrat e drejtuesve të PD-së, Kokalari: Grupi i Sorosit paska ngulur rrënjë mirë! Këlliçi ‘qershia’ mbi tortë, humbi masivisht në Tiranë
5 Shtator, 20:18 -
Ylli Pata: Mllefi i Berishës me Shkodrën, shkaku i delegimit të Boçit?
5 Shtator, 19:43
-
Zgjedhjet, Basha gati partinë e re: Do kemi ekip me kandidatë me lista të hapura! Te grupimi i Berishës, të gjithë për karrige! Në KiE s'më kanë zëvendësuar me Vokshin
5 Shtator, 17:37
Futja kot,tragjiko komikja vazhdon tek Pd-ja,seria 6753,episodi 78.Problemi eshte se Sala po terheq prej hundesh keto te mbarumit,xhaketat e kthyme mbrapç.Fatkesia e kesaj pune eshte se si ka mundesi qe disa te rinj tek PD-ja,i bashkohen ketij psikopati te mbarum,deputete si Belind Kelliçi p.sh., eshte shume e habitshme.Ndoshta jane pa pike galje per karrieren e tyre politike,qe besoj qe i kane vene nje kryq tek nderkombetaret.
Përgjigju