Pas përçarjes mes shoqatave të transportit publik për të nisur apo jo punën nesër, Ministrja Balluku thotë se qeveria po mendon paketë tjetër mbështetëse për ringritjen pas goditjes nga pandemia. Transporti urban është ende në pikëpyetje, por shoqatat janë shprehur se do nisë ai ndërqytetës. Ministrja Balluku u shpreh se kjo paketë e re financiare mbështetëse për shoqërinë e transportit është bërë në konsultim dhe bashkëpunim me Ministrinë e Financave dhe Ministrin Ahmetaj, në mënyrë që të gjejnë incentiva që do të ndihmojnë këtë sektor për t'u rihapur.
"Kemi pasur kërkesa të ndryshe nga Shoqatat e Transportit, pasi është e vërtetë që pas disa muajsh të bllokuar dhe pa operime, impakti financiar në kompanitë e tyre ka qenë i rëndë dhe ne jemi konsultuar dhe jemi munduar, në bashkëpunim me Ministrinë e Financave dhe sigurisht me Ministrin Ahmetaj, i cili ka përgjegjësinë e të gjithë paketave të rimëkëmbjes, të gjejmë incentiva të cilat do të mbështesin sektorin për tu rihapur", tha Balluku.
Ministria e Infrastrukturës dhe Energjisë, Balluku shprehet se kjo është një situatë e vështirë për të gjitha palët dhe duhet ta kalojnë përmes një dialogu dhe mirëkuptimi. Ajo tha se nga dita e nesërme të gjitha linjat e transportit, ato ndërqytetëse, të cilat i përkasin si fushë përgjegjësie Ministrisë së Infrastrukturës, por dhe bashkive të nisin nga puna, pasi kjo është dhe një kërkesë e shumëkërkuar nga qytetarët.
"Gjithashtu ne po punojmë, në kontakt edhe me Drejtorinë e Përgjithshme të Transportit, që duke filluar nga nesër, datë 24 qershor, të gjitha linjat e transportit, ato ndërqytetëse, të cilat i përkasin si fushë përgjegjësie Ministrisë së Infrastrukturës, por besoj të njëjtën gjë do bëjnë edhe bashkitë, të fillojnë dhe të operojnë", tha Balluku.
Ministrja Balluku theksoi mbështetjen e që qeveria ka dhënë deri tani për këtë shërbim, që sigurisht është prekur nga pandemia duke thënë se shpenzimet për konsumimin e naftës janë mbështetur 100 % nga shteti, si dhe të gjithë punonjësit e transportit janë mbështetur me pagën e luftës si dhe përjashtimi nga taksat vjetore deri në fund të 2020.
"E kemi thënë që një nga vendimet, të cilat janë marrë është njohja e 100%, nga 43% që ishte deri para pak ditësh, e shpenzimeve për konsumin e naftës nga kompanitë e transportit të udhëtarëve publike. Ne gjithashtu kemi kërkuar dhe kemi dërguar pranë Ministrit të Rimëkëmbjes listën e të gjithë punonjësve të këtyre kompanive,për të cilët ne si ministri kemi kërkuar që duhen mbështetur me pagën mbështetëse, që u është dhënë edhe bizneseve të tjera, apo edhe punonjësve të tjerë të ndërmarrjeve të ndryshme deri më sot. Një nga pikat e tjera që kemi kërkuar është edhe mbështetja e pushtetit vendor në këtë paketë incentivimesh, që është përjashtimi nga taksat vjetore të pushtetit lokal deri në 31 dhjetor të 2020-ës", tha Balluku.
Në muajin shtator, Balluku tha se do të ketë një reformën të thellë, një reformë që ka nisur nga muaji janar për tu dizenjuar. "Sigurisht me vonesat që krijoi COVID-i, por sot ne po mbyllim detajet e fundit, të cilat do t’i shpallim në muajin shtator, për të nisur implementimin në fillim të janarit të 2021 dhe për ta kthyer këtë sektor në një sektor model, me kapacitet të plotë në përmbushje të kushteve dhe të kritereve që transporti publik i një shteti evropian duhet të ketë, por mbi të gjitha duke pasur synim dhe duke pasur në mendjen tonë qytetarin,cilësinë që qytetari meriton edhe në këtë shërbim kaq të rëndësishëm, esencial dhe jetësor që është transporti publik", përfundoi Balluku.
Ministrja e Shëndetësisë lajmëroi sot heqjen e kufizimit për transportin publik, por u shpreh se do të zbatohen rregulla strikte, ku maska do të jetë e detyrueshme dhe nuk do të tolerohet asnjë thyerje e rregullave. Por 4edhe pse drita jeshile u dha nga Shëndetësia, Transporti Publik u përça ku rrethet deklarojnë se puna nis nesër, ndërsa në Tiranë kjo gjë refuzohet ende deri në plotësimin e kërkesave të tyre.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Reagon mjekja zëvendësuese për protestën e banorëve: Jam në punë, mbuloj tre fshatra të Lezhës
18 Nëntor, 16:49 -
Mjekja me leje lindje, protestojnë banorët e Spitenit në Lezhë: S’marrim shërbim shëndetësor
18 Nëntor, 16:39
-
Fier/ Punëtorët e pastrimit në protestë: Me 40 mijë lek/muaj, nuk mbajmë dot familjet me bukë! Subashi: Pagat i cakton Qeveria, s'ka rritje
18 Nëntor, 16:16
-
Berisha: Ky buxhet i çon miliardat tek Lubi Balluku, ka hyrë në Gines kjo hajdute! Vetëm 16 milionë euro dhe bonusi i blerjes së votave
18 Nëntor, 13:36 -
Anijet me mbetje nga Tajlanda në Porto Romano, banorët protestë kërkojnë të largohen: Pse i sollën te ne?
17 Nëntor, 15:12
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Lufta në Gaza dhe Liban/ Protesta në Paris për mbrëmjen gala pro-izraelite, e promovuar nga e djathta ekstreme! Do mblidhen fonde për ushtrinë e Tel Avivit
14 Nëntor, 09:19
