TIRANE-Menjëherë sapo ministrja e Shëndetësisë, Ogerta Manastirliu deklaroi rihapjen e transportit publik shoqatat janë përçarë. Shoqatat në disa qytete kanë reguar pozitivisht, duke shprehur menjëherë gatishmërinë për të rifilluar punën.
Në Shkodër, Shoqata e Transportit Interurban ka deklaruar se nesër në orën 06:00 do të nisë nga puna dhe do të vazhdojë deri në orën 17:00 të pasdites. Edhe në Korçë, punonjësit e transportit publik kanë deklaruar se do të zbatojnë protokollet e sigurisë.
Po ashtu edhe Fieri e Vlora, por Eneo Sulejmani, kryetar i shoqatës së transportit Rrethqytetas dhe Ndërqytetes në Tiranë ka dalë kundër. Sulejmani u shpreh për Report Tv se zbatimi i protokollit është i pamundur dhe krijon vështirësi financiare.
Ministrja e Shëndetësisë, Ogerta Manastirliu lajmëroi heqjen e kufizimit për transportin publik. Ajo nuk dha një datë, por u shpreh se do të zbatohen rregulla strikte, ku maska do të jetë e detyrueshme. Ndërsa paralajmëroi se nuk do të tolerohet asnjë thyerje e rregullave.
Në Shkodër, Shoqata e Transportit Interurban ka deklaruar se nesër në orën 06:00 do të nisë nga puna dhe do të vazhdojë deri në orën 17:00 të pasdites.
"Shoqëritë e transportit të qarkut të Shkodër do fillojnë daljen në punë. Jemi prej 4 muajsh pa punë dhe rrezikojnë problemet tona ekonomike të familjes. Nesër, ditë e mërkurë linjat tona ndërqytetase do të fillojmë punë në orën në 6 të mëngjesit deri në orën 5 pasdites".
Punonjësit e Transportit Publik në Korçë kanë deklaruar se do të nisin punën dhe do të zbatojnë të gjitha protokollet e sigurisë.
"Kërkojmë me cdo kusht hapjen e transportit publik. Kemi arritur në atë gjendje që sot jemi në fund. Kemi rënë dakord me protokollin me 70%. Ne presim çeljen e transportit", tha përfaqësuesi i transportit.
Unioni i Operatoreve të Transportit Publik ka deklaruar se nuk mundet të rifilloi shërbimin për sa kohë nuk është plotësuar asnjë nga pikat e kërkuara. Me anë të një deklarate ata përgënjeshtrojnë Ministren e Shëndetësisë, e cila tha: “Hiqen kufizimet për transportin publik”.
"Për sa kohë është në fuqi Urdhri i Ministres së Energjisë dhe Infrastrukturës Nr.169 dt.5/6/2020, operatorët e transportit publik nuk e kanë të mundur të përballojnë kostot e respektimit të këtij protokolli, si finaciare ashtu edhe ligjore", shprehet Unioni i Operatorëve të Transportit.
Shoqata e transportit publik në Tiranë refuzon të rinisë aktivitetin pa u ndryshuar protokolli dhe pa u plotësuar kërkesat që kanë. Eneo Sulejmani, kryetar i shoqatës së transportit Rrethqytetas dhe Ndërqytetes në Tiranë u shpreh për Report Tv se zbatimi i protokollit është i pamundur dhe se krijon vështirësi financiare.
"Ministria e Shëndetësisë hoqi masat kufizuese por është në fuqi protokolli i sigurisë. Së dyti ne presim një vendim nga Ministria e Infrastrukturës. Është e pamundur që të fillojë transporti pasi nuk respektohet protokolli. Do konsultohemi me operatorët qytetas dhe ndërqytetas dhe 90% e tyre me këtë protokoll sigurie nuk dalin në punë e kanë të pamundur.
90% e operatorëve janë për mosrifillimin e punës me këtë protokoll. Ai krijon vështirësi financiare. Së pari në transportin qytetas ul me 75% numrin e udhëtarëve në automjet. Dhe në transportin ndërqytetas e ul me 50%. Këto janë kosto financiare. Së dyti subjektet përgjegjëse detare dhe ajrore nuk janë përgjegjëse për distancën por për informimin e tyre pse ne duhet të ndëshkohemi" tha ai.
Por disa kompani do të rinisin nesër transportin, për këtë Sulejmani thotë se "ka disa përfaqësues që mendojnë të fillojnë por do të vijnë te mendimi ynë dhe do e shohin në terren që transporti nuk zbatohen dhe realisht krijon vështirësi financiare" tha ai për REPORT TV.
Kujtim Mema, kryetar i një tjetër shoqate transporti të udhëtarëve, ndërqytetas shprehet për Report Tv se është pro rinisjes së aktivitetit, pasi mbyllja e gjatë i ka dëmtuar shumë ekonomikisht. "Shoqata e bashkuar e transportit ndërqytetas është pro daljes në punë. Jemi rrënuar ekonomikisht dhe transporti i paligjshëm po punon në vendin tonë me 4 fish të çmimit dhe qytetarët kërkojnë që të dalim ne në punë" tha ai për Report Tv.
Kërkesat e Shoqatës së Transportit
1-Të hiqet akciza për naftës dhe taksave për karburantin si sektori i peshkimit.
2-Të ulet TVSH-ja nga 2% në 0% për këtë vit dhe më pas në vitin e ardhshëm të jetë 6%.
3-Rimbursimin e kapacitetit të munguar si pasojë e masave kufizuese.
4-Rimbursimin në burim i kategorive të cilat përfitojnë transport falas
Vendimet e qeverisë në mbështetje të shoqatës së Transportit
1-Njohja si shpenzim i zbritshëm të 100% të konsumit të naftës, nga 43% që ishte deri më sot, me një efekt prej rreth 7 milionë dollarësh në buxhetin e shtetit;
2-Heqja e të gjitha taksave dhe tarifave vendore për subjektet e transportit publik, deri në 31 dhjetor 2020.
Transporti ndërqytetës do të hapet edhe në qytetin e Vlorës, e megjithatë, edhe pse do të nis puna, përfaqësuesit nga Shoqata e Transportit nuk heqin dorë nga kushtet e tyre. Ato kërkojnë një pagë të dytë lufte, pasi janë dëmtuar shumë ekonomikisht, rimbursimin e naftës.
"Si të gjithë shoqatat e tjera në rrethe kërkojmë subvencion të 30% se shteti thotë që ne duhet të punojmë me 70% të kapacitetit, nuk e di se sa do të realizohet, por që transporti është më i goditur sot për sot. Shteti na dha 400 mijë lekëshin, duhet të na jepte dhe një 400 tjetër se jemi familjarë", tha një prej përfaqësuesve të shoqatës.
Nga dita e nesërme, do të hapet transporti ndërqytetës edhe në Fier. Ilir Lule, Kryetar i Shoqatës së Transportit ka sqaruar se kompanitë kanë pësuar humbje, e megjithatë kjo nuk do të reflektohet në çmim.
"Ne jemi gati të zbatojmë protokollin. Nuk e dinim se do dilte ministrja, ne dolëm këtu në këtë protestë të organizuar më parë. Ne duam vetëm të dalim në punë. Do mbajmë të njëjtin çmim", u shpreh Ilir Lule, Kryetar i Shoqatës së Transportit.
Lajme të tjera
-
Aksident në Fier, makina përplaset me motorrin, plagoset 1 person
27 Nëntor, 16:11 -
Aksident në Korçë, makina përplas 75 vjeçarin (VIDEO)
27 Nëntor, 14:45 -
Gjykata e Fierit sekuestron mbi 1 mln euro pasuri të financuesit të laboratorit të kokainës në Frakull! Dhjetëra apartamente në Tiranë e Durrës (EMRI+LISTA)
27 Nëntor, 10:46 -
Fier/Përplasi për vdekje 61 vjeçaren, arrestohet autori! E la në mes të rrugës
26 Nëntor, 13:48 -
E rëndë në Fier/ Gruaja bie nga kati i shtatë i pallatit, ndërron jetë
26 Nëntor, 13:06 -
'Masakra e Shkodrës me 4 të vrarë, pranga personit që vodhi 'Range Rover-in' e autorëve! Arrestimi u mbajt i fshehtë disa ditë, por s'pranoi të bashkëpunonte
26 Nëntor, 10:07
-
Aksident në aksin 'Shkodër-Koplik' mëngjesin e sotëm, automjeti përplasi për vdekje 80-vjeçarin
26 Nëntor, 08:15 -
Rritet çmimi i apartamenteve në Korçë dhe Pogradec, deri në 1 mijë € metri katror! Agjenti imobilar: Kërkesa të larta nga Tirana e Durrësi! S’mbetet pas as diaspora
25 Nëntor, 19:48
-
E rëndë në Maliq, mjeti bujqësor përmbyset në rrugën e Moglicës, vdes 61-vjeçari që drejtonte zetorin (EMRI)
25 Nëntor, 19:18 -
Fier/ Një grua gjendet e plagosur rëndë anash rrugës, vdes më pas në spital! Dyshohet se u aksidentua nga një mjet, hetime për drejtuesin
25 Nëntor, 19:10 -
Shoqatat e ish-të Përndjekurve takim në Shkodër: 'Të nisin kërkimet për të zhdukurit e Komunizmit!' Imzot Massafra: Shteti të përshpejtojë procesin
25 Nëntor, 14:31
-
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
