Nesër rinisin fluturimet, TIA: S’kemi ende një orar të saktë, udhëtimi i pasagjerëve nga Dubai do të kryhet nga Podgorica

Nesër në mëngjes do rinisin fluturimet në Aeroportin e Rinasit. Tirana International Airport në një reagim zyrtar thekson se ende nuk ka një orë të saktë për rifillimin e nesërm të fluturimeve. Po ashtu TIA ka sqaruar se udhëtimi i pasagjerëve që udhëtojnë me 'Flu Dubai'  do të kryhet nga aeroporti i Podgoricës dhe deri atje do të transportohen me autobuzë.

‘Tirana International Airport njofton se fluturimet e programuara rinisin nesër në mëngjes, ndërkohë që sot do të kryhen operimet për fluturimet humanitare, mjekësore dhe diplomatike. Sipas njoftimeve zyrtare të shtetit shqiptar, fluturimet e programuara rifillojnë nesër në mëngjes, më 9 Prill 2021. 

Ende nuk ka një orë të saktë për rifillimin e nesërm të fluturimeve. Sapo ta kemi si njoftim, do ta lajmërojmë menjëherë.

LEXO EDHE:
PD: ARRSH tendera 200 mln €! Do kallëzojmë Ballukun në SPAK

Pasagjerët e flydubai që kanë prerë biletën për në Dubai dhe e kanë fluturimin ditën e sotme, i bëjmë me dije ata dhe operatorët turistikë se udhëtimi do të kryhet  nga aeroporti i Podgoricës dhe deri atje do të transportohen me autobuzë. Janë të lutur të paraqiten brenda terminalit të TIA-s për dhënien e dokumentacionit të nevojshëm për këtë udhëtim.

Njoftojmë gjithashtu se pasagjerët e itinerarit Dubai – Tiranë po me flydubai, se avioni do të ulet në aeroportin e Podgoricës sot në mbrëmje, me një parashikim 18.30 orë lokale, kështu që operatorët turistikë janë të lutur të kujdesen për transportin e tyre nga Podgorica në Tiranë me autobuzë.

Aeroporti Ndërkombëtar i Tiranës mbetet në shërbim të pasagjerëve dhe të çdo informacioni të saktë që është i vlefshëm për publikun. Për çdo të dhënë tjetër, ju informojmë sërish. Ju faleminderit për bashkëpunimin TIA.’- njofton TIA

Lajmi kryesor:

Vijnë kontrollorë të huaj nga aleatët! Balluku: Rinisin fluturimet esenciale, nesër situata kthehet në normalitet! Mbërrijnë vaksinat anti-COVID që s'mundën dje

M.Q./Shqiptarja.com

TAG:
• aeroporti i rinasit
• belinda balluku
• koronavirusi ne shqiperi
• Vaksina Covid
• vaksinat ne shqiperi
• anulohen fluturimet ne Rinas