HIMARË- Ditën e nesërme banorët e Himarës do të votojnë për të zgjedhur kryebashkiakun e ri. Zgjedhjet në Bashkinë e Himarës pritet që t’i japin zgjidhje një beteje 15 mujore për të parin e himarjotëve, një sagë që nisi me arrestimin e Fredi Belerit dhe më pas edhe të kryetarit në detyrë, Jorgo Goro.
23 mijë e 74 qytetarë të Himarës do t’i drejtohen të dielën kutive të votimit për të zgjedhur mes dy kandidatëve, Vangjel Tavo i socialistëve dhe Petro Gjikuria i opozitës. 36 qendrat e votimit në Himarë do të hapen në orën 07:00 dhe do mbyllen në 19:00, ndërsa ditën e sotme është heshtje zgjedhore.
Materialet zgjedhore kanë mbërritur në Himarë një ditë më parë, ndërsa KQZ do të bëjë shpërndarjen e tyre orët e para të mëngjesit me qëllim që qendrat e votimit të jenë gati në orën 07:00 të së dielës. Në Himarë do të aplikohet vetëm identifikimi elektronik dhe qendrat e votimit do të jenë të monitoruara me kamera. Pas mbylljes së votimit pritet të nisë edhe numërimi i votave.
Petro Gjikuria u prezantua zyrtarisht si kandidat i partive opozitare më datë 17 korrik, gjatë një tubimi elektoral me banorë të zonës. Ndërsa emri i Vangjel Tavos ishte lakuar më herët, por kandidatura e tij u zyrtarizua pasi hoqi dorë nga detyra e Prefektit të qarkut Vlorë.
Bashkia e Himarës u bë qendër e një konflikti të madh politik që zgjati rreth 15 muaj. Gjithçka nisi në zgjedhjet vendore të 2023, ku dy ditë para zgjedhjeve, më 12 maj, kandidati i opozitës Fredi Beleri u arrestua për korrupsion zgjedhor.
Beleri fitoi nga burgu, ndërsa akuzat nisën nga opozita që e cilësoi arrestimin e tij politik, ndërsa çuarja e tij në qeli futi në ngërç dhe marrëdhëniet diplomatike mes Shqipërisë dhe Greqisë. Beleri nuk e ushtroi detyrën e tij asnjë ditë, edhe pse bëri një betejë të gjatë ligjore për të marrë leje për t’u betuar, por kërkesa e tij nuk u aprovua asnjëherë.
Në burg përfundoi edhe kryebashkiaku në detyrë i Himarës, Jorgo Goro i cili po ashtu u arrestua më 23 mars për tjetërsimin e pronave në Himarë. Dënimi i Fredi Belerit me 2 vite burg nga Apeli i GJKKO i hapi rrugë zgjidhjes së ngërçit në Bashkinë e Himarës, ndërsa KQZ i hoqi mandatin si kryebashkiak i Himarës.
Zgjedhjet e pjesshme në Himarë u shpallën brenda disa orëve në një koordinim vendimesh mes KQZ-së, Kryeministrisë dhe Presidentit të Republikës, procedura që u kontestuan në gjykatë nga Fredi Beleri. Ky i fundit kërkoi rrëzimin e dekretit të presidentit Bajram Begaj për shpalljen e zgjedhjeve pasi sipas tij ende nuk kishte kaluar afati i ankimit të vendimit të KQZ, por kërkesa e tij u rrëzua nga Gjykata Administrative e Tiranës.
Me dy kryetarë në burg, Bashkia e Himarës u drejtua fillimisht nga nënkryetarja Blerina Bala, e cila më pas u dorëhoq dhe aktualisht bashkia drejtohet nga Arqile Bollano.
Në Bashkinë e Himarës sot është heshtje zgjedhore, ndërsa nesër do të votohet për krybashkiakun e ri.
Dy kandidatët për kryebashkiakë, Vangjel Tavo e Petro Gjikuria kanë pasur rreth një javë kohë për fushatë, ndërsa sot që është heshtje zgjedhore ndalohen reagimet apo deklaratat e partive politike dhe subjekteve me të cilat ato përfaqësohen në garë.
Por, Petro Gjikuria ka shkelur heshtjen zgjedhore, duke postuar në rrjetin e tij social Facebook disa postime. Nga një vëzhgim në profilin e Gjikurisë dallohen postime në gjuhën shqipe dhe atë greke, të cilat tregojnë angazhimet dhe propozimet e Gjikurisë për Himarën.
Gjikuria është kandidati i opozitës, i cili synon të zgjidhet kryebashkiak pas djegies së mandatit të Fredi Belerit.
Komente
Lajme të tjera
-
Sarandë/ Tre plaçkitje në seri brenda makinave dhe në një dyqan, arrestohet ‘skifteri’ 37-vjeçar! Zbulohen pamjet kur kryen vjedhjet (VIDEO+EMRI)
1 Nëntor, 13:32 -
Dritan Hila: Mësimi që na dha Fred Beleri!
1 Nëntor, 11:58
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Projekti ‘Lungomare’, drejt përfundimit ‘Uji i Ftohtë’-Radhimë, Rama: Po punohet edhe për projektin e bregdetit të Orikumit (VIDEO)
1 Nëntor, 08:39 -
Përmbytjet në Vlorë, nis aksioni i pastrimit dhe larjes së rrugëve, Dredha: Në të gjitha segmentet dhe lagjet! Mbështetje edhe nga bashkitë e tjera (VIDEO)
1 Nëntor, 08:28
-
Gol në minutën e 98-të, Flamurtari merr fitoren e nëntë radhazi dhe kryeson Kategorinë e Parë
31 Tetor, 16:07 -
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Himarën e fitoi duke bërë fushatë me PD në gjuhën shqipe, por në takimin e eurodeputetëve Beleri vë kufje për të dëgjuar Ina Zhupën me përkthim! Ka harruar gjuhën?
30 Tetor, 18:36 -
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Hodhi kos e vezë drejt Fredi Belerit, shoqërohet në polici qytetari
30 Tetor, 12:10 -
I hodhën kos e vezë/ Greqia merr në mbrojtje Fredi Belerin: Shqipëria të garantojë sigurinë për eurodeputetët! Shoqërohet në polici njeriu që e goditi
30 Tetor, 11:38
Do zgjedhin!! Asgjë nuk do zgjedhin. Në fund do marrin të njëjtën gjë. Asgjë.
PërgjigjuZgjedhjet e Himares do mbeten ne histori si rekordi me negativ ku trashegimia enberisto-komuniste me Edi Rama minoi dhe hodhi ne here demokracine ne nje zone lokale per interes te vetin personal. Nuk i dolen 12 vjet me "mushken" e vet Goro, me sakte, te korruptuarin Goro, per te bere letrat e zhvatjes se pronave te bregut, por i duhej edhe nje 4 vjecar.
PërgjigjuDo votohet Tavo se pērfaqson Shqiprin Kurse ky dangalli qē pērfaqēson racēn mē tē pisēt nē Bot Sali Sheqere Bajgēn hajdut kriminel do humbasi me pa diskutim mor pler qē pranon njē njeri si flliqsira malok Sali Bajgēn.
PërgjigjuHimara do votoje per shqiptarine dhe jo per grekun.
PërgjigjuPer here te pare pas shume vitesh, himarjotet kane mundesi te zgjedhin nje djale Himare.
Përgjigju