Muzeu i dyllit në Madame Tussauds zbuloi figurën më të re në dyll të Katniss Everdeen, protagonistes së filmit të suksesshëm “The Hunger Game” e luajtur nga aktorja e famshme Jennifer Lawrence.
 
Skulptura e saj u publikua për herë të parë njëkohësisht në tre vende, në New York, Hollywood dhe Londër, dhe secila prej tyre ka një pamje ndryshe që nga versioni i parë i filmit.
 
Përfaqësuesi i muzeut të New Yorkut tha se imazhet u përzgjodhën nga vetë fansat dhe publiku e për më tepër i ndihmoi dhe ambienti i njëjtë me filmin që t’i bënte figurinat e Katniss të përshtateshin mirë në muze.
 
Për krijimin e tyre, u desh puna e 20 artistëve për muaj të tërë. Fansat e filmit që panë për herë të parë statujat u shprehën se ndiheshin shumë të lumtur për cilësinë e lartë të figurës dhe për detajet e sjella pothuajse në mënyrë perfekte.
 
Redaksia Online
(S.Bajraktari/Shqiptarja.com)