Pas dekadash qëndrimi negativ, qysh në vitin 1970 kur Presidenti Nixon dhe Kongresi Amerikan e shpallën të paligjshëm dhe vepër penale konsumimin dhe tregtimin e marijuanës, New York Times ka vendosur të jetë pro legalizimit të saj.

Në një artikull të strukturuar gjërë gazeta më prestigjoze në SHBA ka justifikuar qëndrimin e saj kundër drogërave të lehta në këto vite, gjithmon në bazë të mbrojtjes dhe tutelimit të shëndetit të minorenëve dhe adoloshentëve. Sipas NY Times nuk ka dyshime mbi dëme potenciale që mund të sjellë konsumi në tepri i marijuanës por dëmet shëndetsore dhe dipendenca që provokon kjo drrogë e lehtë është e pakonsiderueshme nëse krahasohet me alkolin dhe duhanin.

Ndaj dhe mbrojtja e shëndetit të të rinjve (ende në fazë zhvillimi), sipas gazetës, mund të arrihet me të njëjtin legjislacion që tutelon alkolin. Pram und të ndalohet konsumi i Marijuanës për moshat nën 21 vjeç.

Gjithashtu NY Times argumenton qëndrimin e saj pro me faktin se në vitet e fundit arrestimet për përdorim dhe shitje të marijuanës kanë krijuar një gangrenë sociale tepër të kushtueshme: 658 mijë arrestime për marijuanën, kur për kokainë, heroinë dhe derivate të tyre regjistrohen vetëm 256 mijë.

Ndaj dhe gazeta Njujorkeze e ka cilësuar mëse të dobishme nga ana e saj strukturimin dhe vënien në praktikë të një fushate sensibilizuese, pro, jo vetëm me artikuj dhe editoriale.

legalizimi i marijuanes
(Në foto: Harta e përdorimit dhe legalizimit të marijuanës në SHBA)

Aktualisht në Shtetet e Bashkuara janë 34 shtetet që e kanë legalizuar marijuanën për qëllime shëndetësore, ndërsa Washington dhe Colorado janë të parat që kanë lejuar dhe konsumin e saj për arsye “çlodhjeje” dhe argëtimi.

Por situata nga aspekti i legjislacionit nuk është dhe aq e qartë pasi, për shembull, në shtetin e Colorados është e lejuar të kultivohen deri në 10. 200 rrënjë, ndërkohë që ligji federal parashikon burgim në rast se kultivohen më shumë se 1000 rrënjë.

Redaksia Online
(e.c/shqiptarja.com)