Nga data 31 dhjetor, për të gjitha kreditë konsumatore do të ketë një tavan për interesat. Sipas rregullores së re të miratuar nga Këshilli Mbikëqyrës i Bankës së Shqipërisë, ky nivel interesi do të vendoset bazuar në mesataren e thjeshtë të normës efektive të interesit për kredinë konsumatore, duke i shtuar një të tretën e saj. Për shembull nëse mesatarja e normave për një gjashtëmujor është 12%, tavani maksimal do të jetë 16%, duke i shtuar 1/3 e mesatares.
Një masë e tillë sipas Bankës së Shqipërisë është ndërmarrë për të mbrojtur qytetarët nga interesat e larta deri në abuzive. Ky vendim duket se prek më shumë institucionet e mikro-kredisë (institucionet jo bankare) pasi ato aplikojnë norma interesi më të larta. Sekretarja e përgjithshme Shoqatës së ‘Mikrofinancës’ Brunilda Isaj thotë se ata kanë dhënë shpjegime për normat që aplikojnë.
“Sigurisht që mbrojtja e konsumatorit dhe kundrimi i produkteve financiare për të shmangur teprime, apo mbiçmime në produktet e kredisë ishte objektivi i këtyre përpjekjeve. Sigurisht që ne kemi dhënë arsyetime dhe shpjegime në vendosjen e këtyre çmimeve dhe të gjithashtu kemi bërë përpjekjet e duhura për të informuar klientët dhe për të rritur transparencën”, u shpreh Brunilda Isaj.
Sipas Isajt, institucionet jo banka aplikojnë norma më të larta interesi për shkak se u shërbejnë klientëve që nuk kanë të mundur të lënë kolateral. Subjekte këto që sipas Mikrofinancës nuk arrijnë të marrin kredi nëpër banka.
“Ne vazhdimisht e kemi thënë që institucionet e mikrokredisë punojnë me fonde të marra hua dhe kostoja e fondeve është shumë më e lartë krahasimisht me sektorin bankar. Ky është një elementët që ndikon në rritjen e çmimit të kredisë. Elementi i dytë është risku i marrë përsipër, pra institucionet e mikrokredisë janë shumë më të aksesueshme dhe pranojnë si klientë të tyre qytetar që nuk kanë akses nëpër banka pasi nuk i plotësojnë kriteret, pasi kanë elementë më të lartë risku, të ardhurat e tyre nuk janë të stabilizuara, implikimet që mund të ofrojnë për garancinë nuk janë shumë të forta kështu që institucionet e mikrofinancës për shkak të këtyre segmenteve të cilëve ata ju shërbejnë janë të detyruar që të vendosin një marzh tjetër shtesë për riskun e marrë përsipër. Po ashtu ka edhe elemente të tjera, pasi ka institucione që të ofrojnë kredinë për 5-10 minuta”, pohon Isaj.
Sipas rregullores së re norma maksimale e interesit do të ndahet sipas 3 shumave të kredive konsumatore. Pra për kreditë deri në 200 mijë lekë do të ketë një tavan, për ato mbi 200 deri në 2 milionë do të ketë një normë tjetër dhe për kreditë mbi 2 milionë lekë deri në 10 milionë lekë do të ketë një tjetër tavan norme interesi.
Tavan për normën e interesit do të ketë edhe për bankat tregtare, por që në shpjegimet e Bankës qendrore ende nuk është specifikuar nëse do të jetë i njëjti tavan si për bankat ashtu edhe për institucionet jo-banka.
Shembull
PËRCAKTIMI I TAVANIT PËR INTERESAT
Interesi mesatar në 6-mujor 12%
Shtohet 1/3 4%
Tavani maksimal i interesit 16%
(Kliko këtu për rregulloren për kredinë konsumatore & kredinë hipotekare)
Komente
Lajme të tjera
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
-
Informaliteti, 7.4 mld lekë më shumë jashtë bankave më 2024! Qeveria plan për kufizimin e pagesave cash për qytetarët
1 Dhjetor, 16:45
-
Bizneset më shpesh në dyert e bankave, morën 564 mln euro kredi më shumë se vjet! 1/3 e huasë shkoi tek tregtia me shumicë e pakicë, bujqësia në vendnumëro
28 Nëntor, 16:56
-
Shpallja e Pavarësisë, Banka e Shqipërisë publikon serinë e monedhave numizmatike
28 Nëntor, 13:15 -
Fatos Çoçoli: Sa fitojmë nga SEPA si qytetarë?
22 Nëntor, 15:19
O profesora qe ju dhemb shpirti po sja futet popullit,po dhe tani (kredo dhe iute)10 % i kane interesat por sec kane shpikur ca gjera tjera psh komision angazhimi 800 mij lek per 1 milion lek te vjetra komision angazhimi ,nese do ishin serioz vendosnit tavan per gjithe shumen e abuzimit jo vetem tavan per interesat.
Përgjigju