TIRANE- Kuvendi nisi sot sesionin e ri parlamentar, që shënon edhe 100-vjetorin e punimeve të tij , me një vendim të rëndësishëm për sistemin e drejtësisë. Me 98 vota pro, përmes një modeli elektronik të aplikuar për herë të parë, u zgjodh në krye të Inspektoratit të Lartë të Drejtësisë, Artur Metani
Metani është vëllai i deputetes socialiste Eglantina Gjermeni, e cila për të shmangur konfliktin e interesit nuk mori pjesë në votim, proces nga i cili zgjodhën të qëndronin jashtë dhe 8 deputetë të tjerë, ndërsa 8 të tjerë votuan kundër. Po me anë të votimit elektronik që shkatoi vonesa duke qenë se aplikohej për herë të parë, u zgjodh edhe kreu i ri i Komisionit të Ekonomisë Milva Ekonomi, e cila do të zëvendësojë në këtë detyrë Arben Ahmetajn, që sot u rendit krah ministrave të kabintetit qeveritar me postin e ministrit të Rindërtimit.
Nisja e sesionit të ri parlamentar, zbriti në foltoren e Kuvendit, edhe kreun e tij Gramoz Ruçi, i cili në fillim të seancës pas një bilanci për vitin e shkuar, e quajti 2020, vitin e punëve të mbaruara, teksa u shpreh se hapja e negociatave do të bëhet brenda muajit maj, ndërsa vuri theksin në hartimin e Reformës Zgjedhore sipas rekomandimeve të OSBE-ODHIR.
Ndërsa kryetarja e Grupit Parlamentar të PD, Rudina Hajdari u shpreh se opozita e re parlamentare do vazhdojë të këmbëngulë për ndryshimin e sistemit dhe nuk do të lejojë që tryeza për Reformën Zgjedhore të kthehet në një pazar të radhës.
Artur Metani është zgjedhur kreu i Inspektoratit të Lartë të Drejtësisë me 98 vota pro, 8 kundër, ndërsa 9 të tjerë nuk kanë votuar. Metani është vëllai i deputetes socialiste Eglantina Gjermeni. Pas votimit, Metani është betuar në foltoren e Kuvendit, përpara deputetëve.
Me anë të votimit elektronik, i vënë në përdorim për herë të parë në këtë sesion parlamentar, Kuvendi zgjodhi sot Milva Ekonomin në krye të Komisionit të Ekonomisë. Ajo do të zëvendësojë në këtë post Arben Ahmetajn, pas emërimit të këtij të fundit si ministër i Rindërtimit. Ndërsa në vend të Ekonomit tek 'Edukimi', pritet të emërohet Mirela Kumbaro.
Deputeti i opozitës së re, Myslim Murrizi ka ironizuar faktin se qeveria vjen në këtë sesion të ri me një ministër më shumë, atë të Rindërtimit, Arben Ahmetaj. Murrizi tha se duhet shtuar edhe një karrige, pasi Ahmetaj ishte ulur në vendin e ministrit të Brendshëm Sandër Lleshaj, për të cilin u shtua më pas një karrige. Ai tha se në këtë 100-vjetor duhet të sillen në Kuvend përfaqësuesit e popullit.
"Meqë keni ndërruar televizorët, në këtë kuadër shtoni edhe një karrige se keni shtuar ministrin. Ia vodhët karrigen ministrit të Brendshëm, shih si e keni lënë. Nesër është 100-vjetori i parlamentarizmit shqiptar. Ata burra që u mblodhën në 1920 nuk kanë nevojë t'i vlerësojmë ne. Para se të shkojmë nesër atje për të nderuar 100 vjetorin e parlamentarizmit. Këtë vit dua t'i japim mundësi qytetarëve shqiptarë të sjellin në Kuvend përfaqësues. Opozita jo parlamentare ka bërë rrofishatë por ishalla nuk thyen shtyllën kurrizore", tha Murrizi.
Kryetarja e grupit parlamentar demokrat, njëherazi bashkëkryetare e Komisionit për Reformën Zgjedhore demokrat, Rudina Hajdari ka deklaruar se nuk do të lejojë që Reforma Zgjedhore të kthehet në një pazar të radhës mes PD dhe PS. Ajo tha se e drejta për zgjedhur nuk duhet t'i mohohet shqiptarëve dhe ndoshta duhet theksuar edhe përmes një referendumi.
"Në këtë kuvend janë marrë vendime të rëndësishme politike si dhe një vendim që kishte të bënte me të ardhmen e vendit tonë, për të ndaluar copëtimin e tij. Kjo ngjarje e rëndësishme na bën të reflektojmë për vitin që kaluam, një vit mjaft i vështirë për politikën në vend. Angazhimi ynë në parlament ka qenë kyç dhe i ka shërbyer vendit. Pavarësisht përbaltjes për të delegjitimuar këtë kuvend, puna jonë po vijon të japë frytet e saj. Besoj se i kemi shërbyer vendit tonë. Disa cinikë vazhdojnë ta paragjykojnë këtë vendim tonin. Mendoj se dalja nga kjo krizë duhet të vijë përmes reformave, si ajo në drejtësi si dhe ajo zgjedhore. Angazhimi ynë si deputetë në Kuvend dhe Komisione ka qenë pikërisht që ne të hapim debatin e madh për ndryshimin e sistemit. Unë dua të falenderoj të gjithë, përfshijë këtu edhe opozitën parlamentare. Kjo reformë nëse mbështet nga SHBA, BE d nuk duhet të mbetet peng në retorikë dhe të kthehet në alibi për një pazar të radhës. Ajo duhet të kthejë besimin te vota. Dua të shpjegoj pse u ula në atë tryezë. Dua të garantoj që ajo reformë të mos abuzojë me besimin e shqiptarëve që ata të jenë në gjendje të zgjedhin dhe jo të votojnë. Ne nuk do bëhem bllokues për integrimin e vendit por nuk do lejojmë që kjo reformë të kthehet në pazar. Angazhimi ynë do të jetë në funksion të kësaj axhende dhe në bashkëpunim me BE dhe SHBA do i japim formën e duhur. Shqiptarët po përjetojnë një krizë të thellë mendimi dhe besimi. Zhvillimi ekonomik vijon të mbetet peng i krizës politike. Reforma Zgjedhore duhet të bazohet tek vullneti për t'i dhënë shqiptarëve të drejtën për të zgjedhur, duke e theksuar ndoshta edhe përmes një referendumi. Shqiptarët kanë pritshmëri të larta dhe duhet t'i japim besimin institucioneve ashtu si shqiptarët e meritojnë, që të ndalim njëherë e mirë emigracionin. Dua t'i kujtoj shqiptarëve që e drejta e tyre në parlament të rikthejë besimin", tha Hajdari.
Viti 2020 i cili shënoi 100 vjetorin e veprimtarisë së Kuvendit, ka nisur ditën e sotme me fjalën e kreut të këtij institucioni Gramoz Ruçi. Teksa përmendi ngjarjen e rëndë të tërmeti të 26 nëntorit, Ruçi falenderoj palët politike për sjelljen e treguar për përballimin e kësaj situate. Ai e quajti vitin 2020, vitin e punëve të mbaruara duke renditur disa nga objektivat për këtë vit, duke nisur nga integrimin, reforma zgjedhore, reforma në drejtësi dhe ashpërsimi i masave për të minimizuar rreziqet nga fatkeqësitë natyrore. Ai prezantoi edhe një investim të Kuvendit, për votimin elektronik i cili, tha ai, do të rrisë aksesin e deputetëve në zhvillimet e Kuvendit.
"Një shekull më parë Kombi shqiptar ndodhej në udhëkryq por burra të shquar të vendit u mblodh në Kuvendin e Lushnjes dhe morën vendime për të mos lejuar copëtimin e mëtejshëm. Ishte vetëm zëri i presidentit Wilson që ndali copëtimin e Shqipërisë. Me Kongresin e Lushnjes fillon veprimtaria 100 vjeçare e Kuvendit të Shqipërisë. Sesioni fillon pas një ngjarje të madhe tragjike të tërmetit të 26 nëntorit. Kjo situatë shërbeu për të treguar humanizmin e gjithë shqiptarëve si dhe dëshmoi përgjegjësinë e qeverisë për t'iu gjendur pranë. Falenderoj deputetët që iu gjendën pranë të prekurve nga tërmeti jo si zgjedhës por si vëllezër dhe motra. Vlerësoj qëndrimin e opozitës e cila mbi interesat politike vuri solidaritetin. Nga kjo ngjarje duhet të reflektojmë për projektligjet që duhet të miratojmë për të garantuar sigurinë e qytetarëve. Kuvendi është kujdesuar që në buxhetin 2020 të parashikohen fonde për funksionimin normal të institucioneve. Pas mbledhjes së Këshillit Europian i cili nuk hapi negociatat. Kuvendi vetëm sa na shton angazhimin dhe nuk na dekurajon. Në javën e parë të muajit shkurt presidenti i parlamentit europian do të vizitojë Shqipërinë. Ky sesion duhet dhe do të jetë sesioni i punëve të mbaruara. Gjatë këtij sesioni duhet të përqendrohemi në këtë objektiva"
-Celja e negociatave për anëtarësim para majit 2020. Do të rishikojmë ligjin për rolin e Kuvendit në procesin e integrimit, do të rrisim transparencën dhe bashkëpunimin me shoqërinë civile
-Për fundimi i Reformës Zgjedhore pas konsesusit të arritur me opozitën.
-Gjatë sesionit të ri do të përfundojë ngritja e të gjithë organeve të drejtësisë. Kuvendi do punojë që sistemi i drejtësisë që mos grabisë qytetarët por të jetë në shërbim të tyre
-Gjatë këtij sesioni do rishikojmë plotësimin dhe do hartojmë ligje të reja për përballimin e fatkeqësive natyrore si zjarret, përmbytjet, edukimin me kushtet antisizmike. Nuk mund të parandalojmë dukuritë natyrore por mund të minimizojmë rreziqet dhe dëmet prej tyre.
-Sistemi i ri i IT dhe votimit do fillojë të zbatohet dhe ofron mundësi që deputetët të njihen online me materialet që diskutohen në Kuvend. Kjo do të rrisë edhe aksesin e deputetëve në Kuvend", tha Ruçi.
Pak para nisjes së seancës parlamentare, Partia Socialiste ka mbledhur grupin parlamentar. Mësohet se gjatë mbledhjes është propozuar emri i Milva Ekonomit aktualisht kryetare e Komisionit të Edukimit, për të zëvendësuar Arben Ahmetajn në postin e kreut të Komisionit të Ekonomisë, pas emërimit të këtij të fundit si ministër i Rindërtimit. Emri i saj do të votohet sot në Kuvend. Ndërkohë është propozuar Artur Metani në krye të ILD. Ndërsa në vend të Ekonomit tek 'Edukimi', pritet të emërohet Mirela Kumbaro.
Komente
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Apeli i GJKKO vendos nesër për Metën, Presidenti i PL-së apel nga burgu: Persona të paautorizuar po organizojnë protestë, distancohuni
18 Nëntor, 14:06 -
Avokati Beqiri në Report Tv: SPAK do nisë Hetimet edhe për Argitën dhe Shkëlzen Berishën! 23 dosje për Metën ‘flenë’ në qeveri
15 Nëntor, 19:53
Ju lutem z.ruci, jo kaq prepotent. Pyeti zonjat dhe zoterinjte nese jane dakord te fillojne apo jo. Mbase jane akoma te lodhur nga festat.
Përgjigju